بالصور باركولي على عربيتي الـA5 الجديدة وقولولي رأيكم فيها......

[yoyo_1989]

اولا الف مبروك و ربنا يديك خيرها و يحميك من شرها انا معايا 2007 .. بالنسبة لوسائل الامان لو عندك لمبة بتنور مع الكونتاكت" لونها اصفر و عبارة عن سيارة تحتيها مفتاح " انا لما سالت على اللمبة ديه قلى المهندس بتاع التوكيل ان لو حولت تفتحها بمفتاح مش بتاعها العجل حيكلبش و مش حتقدر تمشيها الا لما ترجع للتوكيل .. بس للاحتياط اشترى لوك يركب مع الفرامل بس لازم تنزل الدريكسيون لتحت للأخر .. اما عيوب العربية فملهاش عيوب صناعة بس العربية ناشفة على الارض اوى .. اه عاملة كام العربية ؟ للعلم بالشئ

[Muhammad A]

بسم الله ماشاء الله
ربنا يبركلك فيها
يارب ويكفيك شرها

[fourseasons]

المشاركة الأصلية كتبت بواسطة amrmousa2007 الله يبارك فيكم كلكم يا شباب وان شاء الله يارب ابارك لكم كلكم على اللي احسن منها ههههههههههههههههههههههه كده فقستني بس والله وانا راجع من الاسكندرية لقيت الجماعة دول بيغسلو كام تك تك كده فقولت خليهم يسترزقو وما شاء الله ب10 جنيه خلوا العربية بتلمع وبالنسبة لقفل الدركسيون انا فعلا جبته بس هيبقى متعب انك تركبه كل شوية عشان كده انا مستني اي حد عنده خبرة في العربية يقوللي ايه الانظمة اللي فيها بتاعت الأمان.................. تحياتي

هاهاهاهاها ايه رائيك عرفت على طول.هاهاهاها اصل الحاج برضوا بيغسل عربيتوا ال اكسيل هناك
و برضوا ب 10ج بس اساسا بلاش تكتر من غسيل العربيه .و الكبوت اوعى اصلا تفتحه غير مثلا لو معاك بلاور هواء او حتة قماش امسح الموتور من على الوش كده و انفخ بالبلاور على الموتور و اجزاءه و الريداتير.لاكن نصيحه اخويه عموما قلل من غسيل العربيه على قد متقدر و ربنا يحفظهالك.وممكن تجيب GPS TRACKER وريح نفسك

[طارق عبد السلام]

المشاركة الأصلية كتبت بواسطة amrmousa2007 بسم الله الرحمن الرحيم ازيكم يا شباب الحمد لله بفضل الله اولا ثم بفضل منتداكم اشتريت A5 مستعملة مو 2006 فبريكة بالكااااامل حتى الاكصدامات لونها فضي شوفو صورها كده وقولولي رأيكم بعد ماشفتوا الصور عايز اسألكم كام سؤال كده اولا ايه نصايحكم العامة ليا عشان احافظ عليها عشان ميظهرش فيها مشاكل بدري ؟؟؟؟ ثاني حاجة انا عاوز اعرف ايه وسائل الأمان اللي فيها عشان انا فكرت اشتريلها جهاز انذار بس زعلت لما عرفت انو هيلغي الريموت الأصلي وده طبعا لاني مش ملاحظ فيها اي مضاد للسرقة ولا انا غلطان (ملاحظة :- الكتالوج مش معايا ) ؟؟؟؟؟؟ ومتشكر ليكم جدا على المنتدى الرائع اللي انتو دايما مقدمينه للريادة والسلام عليكم ورحمة الله وبركاته

بسم الله ماشاء الله
انا معايا اختها ونفس اللون كمان ومتقلقش من موضوع الانذار ده هى مش هتدور غير بمفتاحها فقط العربيه دى محترمه بجد كلها مزايا بس عيبها الوحيد ولقيته موجود عندك مفتاح النور مقشر تقريبا شبه اللى عندى هو ده اللى عاملى ازمه نفسيه كل ما اشوفه
ونصيحه متغسلش الابواب من الداخل بمياه ولا تغسل الموتور
انت اشتريتها بكام
لانى جايبها من 3 شهور فبريكا بالكامل بدون حتى خدوش وصاحبها مركبلى بطاريه جديده جافه واربعه كاوتش جديد ورخصلى 3 سنوات واعطانى كاسيت جى بى اس وتى فى بتاعها وعامله 70000 كيلو واعطانى فاتوره صيانه ال60000 المهمه لتغيير زيت للفتيس
بس اشتريتها عاليه شويه 110000جنيه

[amrmousa2007]

المشاركة الأصلية كتبت بواسطة yoyo_1989 اولا الف مبروك و ربنا يديك خيرها و يحميك من شرها انا معايا 2007 .. بالنسبة لوسائل الامان لو عندك لمبة بتنور مع الكونتاكت" لونها اصفر و عبارة عن سيارة تحتيها مفتاح " انا لما سالت على اللمبة ديه قلى المهندس بتاع التوكيل ان لو حولت تفتحها بمفتاح مش بتاعها العجل حيكلبش و مش حتقدر تمشيها الا لما ترجع للتوكيل .. بس للاحتياط اشترى لوك يركب مع الفرامل بس لازم تنزل الدريكسيون لتحت للأخر .. اما عيوب العربية فملهاش عيوب صناعة بس العربية ناشفة على الارض اوى .. اه عاملة كام العربية ؟ للعلم بالشئ

الله يبارك فيك ياباشا
وبالمناسبة زي ما حضرتك قولت بالضبط العربية رائعة في كل حاجة ماعدا انها ناشفة فعلا عالارض واما بتمشي في حتت مكسرة تحس ان الابواب كلها بتزيأ
غير كده فالعربية ممتااااازة وربنا يبارك لك ويباركلي فيها
وسعر العربية كان مطلوب 96 بس هيا عايزة يتغير حساس الشكمان والكشاف اليمين الخلفي فخلينا التمن 93.5 وده كان النهائي اللي اتدفع
بس ليه لازم انزل الدركسيون تحت عالاخر؟؟؟؟ ممكن يبوظ حاجة لو رفعته لفوق شوية ؟؟؟؟؟
وتحياتي ليك على ردك الراااائع

المشاركة الأصلية كتبت بواسطة Muhammad A بسم الله ماشاء الله ربنا يبركلك فيها يارب ويكفيك شرها

الله يبارك فيك ويحفظك يارب

المشاركة الأصلية كتبت بواسطة fourseasons هاهاهاهاها ايه رائيك عرفت على طول.هاهاهاها اصل الحاج برضوا بيغسل عربيتوا ال اكسيل هناك و برضوا ب 10ج بس اساسا بلاش تكتر من غسيل العربيه .و الكبوت اوعى اصلا تفتحه غير مثلا لو معاك بلاور هواء او حتة قماش امسح الموتور من على الوش كده و انفخ بالبلاور على الموتور و اجزاءه و الريداتير.لاكن نصيحه اخويه عموما قلل من غسيل العربيه على قد متقدر و ربنا يحفظهالك.وممكن تجيب GPS TRACKER وريح نفسك

هههههههههه
لا بجد كده الحاج احسن الاختيار وهو اللي في صفي لغاية دلوقتي............
ومتقلقش من ناحية الغسيل انا اصلا مبحبش كتر الغسيل هيا تطويئة كده عالماشي وخلاص
بس انا اول مرة اعرف ان الكبوت غلط انك تحط عليه ميه او تغسله بالجاز
عشان كده ممكن تفهمني ليه غلط ؟؟؟؟؟؟؟
وال GPS TRACKER ده اجيبه منين وبكام ؟؟؟؟
ومعلش انا تاعبك معايا بس انت اكيد عارف اللي شاري حاجة جديدة بيخاف عليها اد ايه !!!!!!!