قرار صعب جدا ... أرجو من ملاك اسبرانزا a516 مساعدتي عليه

[sam ram]

الف مبروك يا دكتور ..
ربنا يباركلك فيها ويديك خيرها و يكفيك شرها ...
ومتنساش بقى تظبطنا بتقارير عن العربيه ....
وحتدينا لفه و لا حتعمل زي صاحبك (هزار )

[حازم شاهين]

دكتور ألف مبروك
و بما إنك أصبحت إسبرانزاوى خلاص
أحب أقولك إنى انا كمان إسبرنزاوى و كمان 516 اوى
محبتش أتدخل علشان انا العربية معايا من شهر و نص فقط فمقدرش أحكم عليها قوى
لكن لحد دلوقتى طبعا العربية هايلة و الحمد لله
و بصراحة كل الناس اللى ردوا عليك كانوا محايدين و موضوعيين
و انا رأيى إن مفيش عربية بالسعر ده كاملة من مجاميعه و مفيش كمان عربية كارثة
لكن كل عربية ليها مميزاتها و ليها عيوبها لكن العيوب دى فى التلات عربيات اللى كنت بتختار بينهم عيوب صغيرة و مش أساسية و مش كارثية و ليها علاج.
الف مبروك مرة تانية عربيتك الجديدة الزيرو ربنا يملاها بركة و يديك خيرها و يكفيك شرها

[Ahmed Anwer]

مبروووووووووووووووووووووو ووووووووووووووووووووووووو ووووووووك


ربنا يديلك خيرها و يكفيك شرها

و تكون وش السعد عليك

[dr.darsh]

المشاركة الأصلية كتبت بواسطة sam ram الف مبروك يا دكتور .. ربنا يباركلك فيها ويديك خيرها و يكفيك شرها ... ومتنساش بقى تظبطنا بتقارير عن العربيه .... وحتدينا لفه و لا حتعمل زي صاحبك (هزار )

الله يبارك فيك يا باشمهندس
العربية وصاحب العربية والله تحت أمرك


الموضوع كده جه قضاء وقدر
والحاج (والدي) ربنا يخليهولي شوفنا العربيتين (الفيرنا و الاسبرانزا)
الأول شوفنا الفيرنا وكانت عاجباه وقالي صغيرة ومحندقة على قدك (مش فاهم ازاي؟!!!ptmnlo123per1127. ..ما علينا)
وطبعا كان رافض فكرة الصيني ومقلق منه خالص و ما كانش عايز يشوف الاسبرانزا أصلا
المهم قولتله ما هو أنت لازم تيجي نشوفها برضه
روحنا المعرض التاني وشاف العربية فضل يلف حواليها وقعد مكان السواق ولف على الكراسي كلها
وبعدين لقيته مسك العربية حتة حتة يفليها وما بيتكلمش خالص ولا بيقول رأي (ولا كأني جايب معايا ميكانيكي)
وبعدين خلص لقيته بيتنهد و ابتسم

و قعد مع الراجل صاحب المعرض و بنتكلم في السعر قوم لقيته بيطلع من جيبه الفلوس وبيعربن (وش كده)

[Dr. Bolbolan]

ألف ألف مبروك ! ptmnlo123per154 و يبدوا ان والدك رجل حكيـــــم !

Dr. Bolbolan ptmnlo123per1127