ازاى اتاكد ان قواعد الماتور والفتيس كويسين ؟؟؟

[mr_astra]

المشاركة الأصلية كتبت بواسطة kemo pepsi ازاى اعرف واتاكد ان قواعد الماتور والفتيس اللى غيرهم الميكانيكى او ظبط الشغل اللى فيهم تمام وكويسين ومفيش قلق منهم الميكانيكى قالى انهم كدة تمام اوى بس انا برضه قلقان وعاوز مؤشر او دليل يطمنى ان القواعد دى كويسة وتثبيتها كويس

فى طريقة حلوة اوى
ادى العربية الرابع ونزل فرامل اليد وتعالى من عند الكبوت وزق العربية ولاحظ الموتور لو انة ثابت يبقى كل القواعد سليمة انما لو الموتور اتحرك كليا يبقى فى قاعدة او اكثر مش تمام
تقبل تحياتى

[mahranahm]

المشاركة الأصلية كتبت بواسطة احمد على 1999 كده كده المارشيدير بالذات ساعات بيعاكس و لو عربية زيرو فلازم ساعتها تشيل رجلك من علي الدبرياج خالص و ترجع تدوس تاني

استاااااااااااااااااااااا ااذ

[shimo20094]

المشاركة الأصلية كتبت بواسطة aymangalal يا روميو باشا الراجل عايز يطمئن بنفسة وده شىء كويس جدا لان مش مجرد الصنايعى اشتغل وخلص وقبض يبقى كل شىء تمام واغلب الصنايعية دلوقتى ما بيهتموش باصلاح العيب الحقيقى وكله بياخد اللى ع الوش(الظاهر يعنى) وبعد وقت قليل يكاد يصل الى : اول ماتخرج ن عند الصنايعى العيب يرد تانى .... الله ..!!! امال هو-الصنايعى- كان بيعمل ايه؟؟؟؟ والوسوسة شىء سيىء طبعا الا فى حالة اعطال او الشك فى حاجه معينة فى العربية لازم نتابع اول بأول واولا واخيرا كله على الله لكن ناخد بالاسباب يا برنس ممكن ياسامح باشا توضح يعنى ايه (عضه)لانى سمعت الكلمة دى كتير وخايف تكون العضه دى موجودة عندى - لان (احيانا) الاول والمرشدير مش بييجوا بسهوله زى باقى الغيارات يعنى لازم اعافر معاهم مع ان الميكانيكى بتاع العربية دى (سيتروين ax) جربها اكتر من مره وبيقول ان العيب فيا انا !!!!!!!! اعتذر لصاحب الموضوع على التدخل بسؤال خاص بى.....

حضرتك المشكله دى ممكن تكون بسيطه ممكن تتاكد كدا من دواسه الارضيه ممكن تكون عاليه شويا من تحت الديبرياج

[shimo20094]

حضرتك المشكله دى ممكن تكون بسيطه ممكن تتاكد كدا من دواسه الارضيه ممكن تكون عاليه شويا من تحت الديبرياج

[AbOnOrA]

بالنسبة لقواعد الموتور هتشوف اولا فى الدوارة الصبح اذا كانت العربية بتترعش جامد ولا بشكل بسيط
لان فى الدوارة الصبح او بليل المهم بعد ركنة طويلة بيبقى الزيت لسه موصلش لكل المكنة وال rpm عالى فنسبة اهتزاز الموتور بتكون اكبر وهيبان اذا كانت القواعد تمام ولا لاء

برضو ممكن حد يدورلك العربية وانت فاتح الكبوت وتشوف اذا كانت مع الدوارة المتور بتهز من مكانة ولا مجرد رعشة ولا بيتمرجح

وممكن تحسها من حاجات كتير زى انك تكون سايق وحارق على غيار وتسيب دواسة البنزين فجاءة فتشوف كلبشة المتور للعربيه بثبات ولا سايبة بس يعنى عامة هو احساس محتاج خبرة شوية

قواعد الفتيس برضو تتحس مع نقلات الغيارات والشد والحرق والتسقيط بيبان ازا كان الفتيس بتهز او بيلوء من تحت العصاية ولا ثابت

وطبعا لو كانت عندك مشاكل فى الاتنين من الاول وحصل اصلاحات المفروض تحس بفارق ملحوظ