ارشيف الاستراحة 2011

[محمد فيصل]

السلام عليكم لكل الاعضاء الكرام بمنتدانا الرائع دائماً
اتقدم بدعوتكم لانضمام الى Group MServices على Face Book
كل عام وجميعكم بالف خير ان شاء الله

[whitevego]

شكرا وتقدير لكل اطراف الموضوع لسعة صدورهم وشكر خاص للاستاذ مهران وتحية له علي خلقة العظيم والدليل علي هذا الخلق اعتذاره العلني
وفي النهاية احب ان اشير ان هذه المشاركة ان دلت علي شيئ فاكيد تدل علي انه بالفعل منتدي العظماء المحترمين

[mohamed ibiza]

انت راجل محترم

[nktis]

كل رمضان وحضرتك يا ا.محمد بالف صحه وخير وكل اعضاء مصر موتورز...
اللهم ادم علينا واياكم نعمه الصحه وصيام رمضان وصلاه الفجر وقيامه وتلاوه القران...

[د.هبه77]

السلام عليكم ورحمة الله وبركاته

الاخ مهران

كل عام وانت بخير
بالنسبة لإني بعت عالخاص..

كان نهج النبي صلي الله علية وسلم إذا وجد خطأ, يصعد المنبر فيحمد الله و يثني عليه ثم يقول:
(( مابال أقوام يفعلون كذا وكذا)), فلا يصرح بالأسماء لعلمه أن التصريح بأسماء المخطئين فيه خطورة على قلوبهم و نفوسهم,,
إنه يجمل بالمرء إذا وجد خطأ عند شخص ما أن ينبهه لذالك الخطأ و لكن بأسلوب حسن يغلب عليه التلميح لا التصريح ,,,

ولكم في رسول الله اسوة حسنة

واذا كانت النصيحة في الملا فضيحة فما بالك بالعتاب او الاستنكار

عموما بما ان حضرتك آثرت الملأ أكيد كدة ريحتني ورفعت عن كاهلي

نيجي بقي لنقاط الرسالة

اولا

دة اول رد لحضرتك في الموضوع

والله انا كمان كدة شايف انها ناوية على حاجة تانية
طيب يا مهران مين قالك ان كورسير ساكت دا حيفرقع موضوع ملهوش حل (وممكن الرجوع للموضوع لرؤية الردود كاملة)
حتة واضح انها ناوية علي حاجه تانية ليس لها سياق في الحوار وانا مفهمتهاش وبالفعل وددت لو كنت حضرتك وضحت معناه لاني مش فاهماه

واعتقد ان مطالبتي بتوضيح حاجه مش فاهماها لا يعتبر اساءة ظن ولا خطا ولا اية راي حضرتك وبسبب اني احب تحري الكلام سألتك سؤال مباشر ولم اترك نفسي لاي استنتاجات لان طبيعي ان اي متحاورين قد لا يفهم احدهما قصد الاخر ويسأله عن معني كلامة

بصراحة مش عارفة انت لية اخدتها علي اني اسأت الظن

واصلا حتي لو كنت فكرت , فانا فكرت ان حضرتك قصدك علي حاجه تانية في المنتدي زي مثلا اني احصل علي اشراف او مترقبة عضوية شرفية او اي امتيازات اعلي وحبيت افهم قصدك

ولما اتكلمت عن كورسير ذكرت في حوارك عنه كلمة موضوع ملهوش حل

وبطبعي احب ان اسال دائما واعتقد انه واضح عموما من مشاركاتي

ثانيا جملة (( بلا اختنا بلا دكتورة انت وهى على زنزانتكو ))

معلش اصلي مشفتش الفيلم

والجملة كسياق عام في وسط الرد معجبتنيش

كان ممكن حل بسيط جدا اني ارد علي حضرتك مباشرة

لكني اثرت كعادتي ان اتقبل الموضوع بصدر رحب وان يكون كلامي في قالب كوميدي لإبعاد توجه الأنظار إلي كون الكلام غريب

وان اعاتب حضرتك في الخاص للسببين الذين ذكرتهما في اول كلامي

ومش شايفة ان ردي في اي اساءة

لان انا بعلق علي كون حضرتك بتتكلم انك 2 مهران بيكلمو بعض (كنوع من الفكاهة) وبالتالي كان ردي فكاهي

انك لا تستجيب لمهران وان الموضوع بسيط ولا تقلق ومش شايفة اي مشكلة في ردي بصراحة بالعكس امتصيت الاساءة ولم اتحدث عنها اطلاقا وتكلمت كإن حضرتك اخ بالضبط ولما عاتبت حضرتك عالخاص كان لاني اعتبرت حضرتك اخ برضة

وعموما لو مكنتش بعتبرك كاخ ومحترم فعلا مكنتش عاتبت حضرتك اصلا كان الحل هو التجاهل

ولو حضرتك فاكر ان كلمة كيف حالك يا اخ مهران انها تريقة دة اسلوبي اللي انا متعودة عليه في الكلام العادي جدا

وبالنسبة لكلام حضرتك

لان مفيش حد غير محترم او حيكون فيه ولو ذرة من عدم الاحترام حيقدر يستمر معانا ومع ادارتنا واعضاء منتدانا منتدى العظماء المحترمين .

اتفق معاك تماما في هذه النقطة وذلك سبب استمرارنا

وعموما لو كان ردي مسئ لك

انا اعتذر عن ردي في حقك

ومفيش داعي لرد الاعضاء او دفاعهم عنك وذكرهم لمدي احترام حضرتك لان الموضوع اولا مش مستاهل اشراك الاعضاء اصلا او تعبهم في الرد بما ان دة شئ واضح

ثانيا واضح من مشاركاتك وكلامك مدي احترام حضرتك كباقي الاخوة الاعضاء كلهم

واعتذارك مقبول

وارجو ان تقبل اعتذاري