ارشيف الاستراحة 2011

[احمد بدر1978]

اتوكل على الله واشربة و نبقى نشوف النتيجة عليك انت

[كومندا]

ههههههههههههههههههههه
جامده موت

[طارق ابوذيد]

ويا ترى فى منه زبادى وذبده وياريت تكلمنه شويه على مشتقاته من باب العلم بالشئ .

[black-horse]

لا حلوة منك تسلملنا يا غالي

[د.هبه77]

جايبالكو النهاردة موضوع طازة لسة من الفرن!!
موضوع غريب شوية
احيانا كدة مش بتحس انك بتعمل حاجات غريبة ومش عارف بتعملها ليه
حاجه انت مش متعود تعملها ويمكن كمان تكون غلط وتقول لنفسك طب انا ماشي ورا نفسي لية
طيب خلينا نتكلم بصراحة
هو مش الموقف اللي مشكلة لا
انما السبب بمعني احنا اية اللي خلانا نعمل كدة
ودايما في شماعة
هنشيل الشماعة امتي بقي
ويا تري في حل ولا مفيش
طيب مهما كان الغلط اللي عملتة متأنبش نفسك ازاي يعني اقولك ازاي قولها معلش وطبطب عليها وان شاء الله المرة الجاية هبقي احسن واحد مثلا بيطنش في شغلة وكل مرة نفس الغلط؟
التشجيع افضل كتير جدا من التانيب واللوم لان اللوم نهايته ف الاخر دمار هتلاقي نفسك وقعت في كل حاجة
انما التشجيع لة فعل السحر
باختصار كل ما تعمل حاجه كويسة كافئ نفسك
اعمل خير كتير في حياتك حاول وخلية هدف مفيش حاجه بتضيع ولو صغيرة لو معاك سندوتشين ولقيت سائل في الطريق متتكسفش انك تديلة سندوتش وحتي لو مش سائل انت مش متخيل المشاعر الجميلة اللي بتيديهالو قبل السندوتش انت كانك بتطبطب علية في وسط كل مشاكل الحياة واللي فوقه في الشغل اللي مضايقينه وفي البيت مشاكل يلاقي في النص حد بيطبطب عليه (من احيا نفسا فكانما احيا الناس جميعا)هتقولي انا جعان ...ربنا هيسد جوعك طالما دي نيتك
وانوي ان ربنا يطعمك بية الاحلي في الجنة
عدت جنبك هامر وانت راكب الاوتوبيس وحران متدعيش علي صاحب الهامر ربنا يباركله فيها وادعي ربنا يرزقك الاحلي منها في الجنة ربنا قريب اقرب اليك منك بس انت قول يا رب متفتكرش انك بعيد عنه (اقرب اليه من حبل الوريد)لا بس انت ادعي واصبر
متياسش من الحياة ظروفك وحشة خد بالك في اللي اوحش منك في واحد اعمي مبيشوفش الشجر والورد اللي بتشوفه في الطريق واحد اصم مبيسمعش القران ولا بيتفاهم مع الناس وفي نعمة مهمة جدا جدا هي نعمة الامان
كونك عارف انك مهما رحت وجيت في الاخر ليك بيت تروحلة واهل تشوفهم وتتكلم معاهم
في فلسطين مبيبقاش عارف ان كان هيروح ولا لا ؟وهيلاقي اهله؟ ممكن اللي مسافرين برة كمان يكونو حاسين بالموضوع دة اي حد له حد مسافر يساله ايام الثورة كان عامل ازاي وتخيل انه بيحسدك لمجرد ان انت كنت في مصر
ربنا يحفظ بلدنا
اسال راجل كبير بيبصلك وانت بتجري عالسلم بتبصلي كدة لية هيقولك بفتكر ايام زمان وانا صغير وكنت زيك, دلوقتي مش قادر اتني ركبي
متخليش الميت يحسدك ويقولك يا ريتني مكانك اعمل شوية حاجات كويسة ازود بيها ميزان حسناتي
انت احسن من ناس كتير جدا جدا
ومتزعلش لو غلط مش نهاية العالم وبلاش لوم كتير كل ما تقول لنفسك انك كويس بينطبع في الانا الداخلية بتاعتك انك كويس
وفي عبادة انا مكنتش اعرف عنها حاجه ومكنتش اعتقد انها جامدة كدة هي عبادة التامل حاول وانت ماشي في الشارع تبص عالسحاب(بس اوعي تتكعبل في طوبة وراسك تتكسر وتقول ان انا السبب) عالشجر عالورد في الاول ممكن تقول اية دة مش حاسس بحاجة
معلش مش من اول مرة زي القران كدة مش من اول مرة تفهم كل معانية
شوية في شوية هتلاقي نفسك بتقول صنع الله الذي اتقن كل شئ خلقه حتي ايات الخلق واثار الله في ارضه من نبات واماء وكل هذه الايات هتبدا تشعر بيها بعد ما كانت بتمر مرور الكرام

واستعن بذكر الله الا بذكر الله تطمئن القلوب

ياريت كل حد يمر يشارك او يفضفض لازم كلنا نشجع بعض( المؤمن للمؤمن كالبنيان)
الكلام دة طبعا لية قبل ما يكون ليكم

انا اول واحدة محتاجة تشجيع
مفيش سندوتش بقي؟