ازاى اشترى عربية عليها حظر بيع

[galkzaz]

المشاركة الأصلية كتبت بواسطة Mohamed Mokhtar1 على العموم الف مبروك وربنا يوفقك ونصيحتى ليك لو كنت متعرفش مالك السيارة خليك حريص ومتدفعشى فلوس غير ورجلك على رجله فى البنك عشان تعمل اجراءات نقل الملكية وفك الحظر وبالتوفيق ان شاء الله

الله يبارك فيك وجزاك الله خيرا على المتابعة
وادعيلاى ربنا ييسرلى الحال عشان الموضوع تعبنى صراحة

[ASHERIF]

المشاركة الأصلية كتبت بواسطة Mohamed Mokhtar1 نصيحة الى صاحب الموضوع من خلال تجربتى: انا اشتريت عربية كروز 2010 مانيوال سيارة بحالة جيدة جدا العربية عليها حظر بيع وبصراحة اللى انا شارى منه العربية اغرانى بالسعر وانا معنديش خبرة كافية فى المسائل اللى زى كدا المهم اتفقنا على دفع 49000 ج مقدم والباقى وقدرة 46000 ج يقسط بقيمة 1000 ج شهرياً لمدة 46 شهر ( بصراحة فرصة لن تكرر ) المهم الضمانات اللى اخذتها عليه: أولاً عملنا عقد بيع ابتدائى بالكلام ده ثانياً تم عمل توكيل رسمى عام بالبيع والشراء موثق بالشهر العقارى بالمرور لا يلغى اللى بحضور الطرفين الــمــشـكــلــــــــــــ ة: أولاً حتى الان لم اتمكن من نقل السيارة بإسمى وذلك لقرار حفظ الملكية ثانياً مالك السيارة الاصلى مازالت السيارة بإسمة وهو الذى يقوم بسداد الاقساط بالبنك علما بأن قسط البنك بالتأكيد أعلى من 1000 ج شهرى ونظرا لان المالك الاصلى يمر بضائقة مالية فانا اتوقع انه لم يسدد قسط السيارة حتى الان وسوف تظهر مشكلة التجديد فى شهر سبتمبر 2011 ميعاد التجديد لان البنك لن يقوم بإعطاء جواب المرور اللى فى حالة ما اذا كانت السيارة مسددة جميع الاقساط الإســتـفـــادة: رسـالــة لوجه الله الى اخوانى جميع اعضاء المنتدى فى أول مشاركة لى خذ عبرة من تجربتى ولا تقدم على شراء سيارة يوجد عليها حفظ ملكية لأننى مهدد بأن يضيع حقى وانا مكتوف الايدى ولا أدرى كيف اتصرف بالله عليكم خذو بالنصيحة حتى لا تندمو بعد فوات الاوان وأخيراً بالله عليكم اذا كان فيه حد فيكم عنده خبرة فى المسائل دى يفيدنى ويفيد أعضاء مصر موتورز المحترمين بجد

السلام عليكم بحكم كوني شغال في بنك

اطن ان دي فعلا نصيحة كويسة جدا

لا تشتري اي عربية عليها حظر و اقساط الا ان كنت بتشتريها من اخوك او ابوك

او صاحب العربية يخلص الاقساط بمعرفته و انت تديلوا التمن كله بعد ما يديك جواب المرور و فك الحظر و دي نادرة لان معظمهم معاهوش يخلص

[ASHERIF]

و نقطة تانية

اذا كنت هاتروح معاه البنك زي ماقال الاخ الفاضل قبلها تكون

واخد عليه شيكات بالي هتدفعه تسلم ليه بعد ما يديك ورقك سليم و كامل
عامل عقد بيع عليه صحة توقيع ان امكن

بالتوفيق

[Mohamed Mokhtar1]

المشاركة الأصلية كتبت بواسطة hyundai2005 حظر البيع كان اتلغي من فتره ايه الكلام هما رجعوا فكلامهم ولا ايه؟

فعلاً كان فيه قرار طلع من مدير الإدارة العامة لمرور الجيزة برفع حظر البيع على السيارات المباعة بالتقسيط والقرار ده اخر معلوماتى انه كان بيتناقش بس للأسف احنا لسه فى دولة دكتاتورية وفيه ناس كتير من اصحاب رؤوس الاموال بتحارب القرار ده فى كل مكان عشان يوقفوه وللأسف الناس دول عرفين كويس جدا ان حفظ الملكية اساساً على اي سلعة مباعة بالتقسيط فى العالم اجمع قرار غير دستورى اكرر غير دستورى لأنه فيه تعدى ساخر على الممتلكات وتقيد للحريات انا مثلاً اشتريت منك ثلاجه أو سيارة بالتقسيط واتفقنا وانت اخذت ضمناتك الكافية اللى تجبرنى على سداد الأقساط ( شيكات بنكيه وخلافه....الخ ) فبأى عقل ومنطق تعتدى عليي وتشترط انى مقدرش ابيع السلعة دى مع انها بقت ملكى وانت واخد ضماناتك اللى بتجبرنى انى لازم اسددك ؟؟؟ حسبى الله ونعم الوكيل مفيش كدا فى العالم كله
على فكرة يا استاذ hyundai2005 انا شايف ان ده موضوع يستهاهل وقفه وان احنا لازم يكون لينا رأى ولازم كل واحد يشارك برأيه سواء كان مؤيد أو معارض وإيه المانع ان احنا كمان لازم نقف للناس اللى بتحارب قرار الغاء حظر البيع بالتقسيط هو احنا لازم نعيش طول عمرنا عبيد لأصحاب رؤس الأموال ؟ وأخيراً بشكرك على مشركتك
على فكرة انا عضو جديد وقرأتلك كام موضوع كده وبصراحة مش عارف اشكرك الزاى على مجهودك الطيب اللى بتفيد بيه الناس وياريت كلنا نقدر نحزو حزوك واخيراً اكرر شكرى وامتنانى لك وبالتوفيق ان شاء الله