يوميات رينو رينبو ... اسعار قطع غيار وكل شيئ عنها

[hakam]

بفضل الله عز وجل رزقني الله بسيارة رينو رينبو موديل 97 وفور الشراء كالعادة قال لي الفتايين ليه كده ؟؟؟ حد يجيب رينو وكمان رينبو ؟ دي قطع غيارها ناااااااااار وكمان مش موجوده>>>>>> فتسلل الاحباط إلى قلبي والاكتئاب ايضا
والسيارة مبقتش عايز اركبها وفكرت ابيعها ولو اخسر 5000 جنية ولكن ,,,,,,,, لما بدأت احتاج قطع غيار واسال عن اللي بيشتغلوا فيها وجدت ان في التوفيقية فقط 7 محلات بيشتغلوا في كل حاجتها تقريبا والمفاجأة ان اسعارها تكاد تكون زي الفيات والشاهين واليكم بعض اسعار قطع الغيار ( خلال ابريل 2011):
1- سلك عداد سرعة صناعة تونس 40 جنية
2- بيبة سرعة صناعة تركي 25 جنية
3- فلتر هواء تركي 25 جنية
4- فلتر بنزين بروحين تركي 12 جنية
5- سير تكييف الماني 25 جنية
6- تيل فرامل امامي ايطالي 75 جنية وفي مصري 45 جنية
7- تيل فرامل خلفي ايطالي اواسباني 125جنية
8- 2 مساعدين امامي الماني عالي الجودة 500 جنية وفي مصري وصيني وتركي في حدود 325 الى 475
9- ترموستات حرارة عادة بـ30 جنية وفي بسلك ( نوع مختلف 80 جنية)
10- سير دينامو فرنساوي 25 واتحاد اوربي 15 جنية وصيني 15جنية
*** واليكم مصادر الاسعار وبعض الاماكن التي تبيع قطع الرينبو :ـــ
1- محل اسمه الرضا والنعيم في الدور الثاني بممر التوفيقية وتليفون رقم 25777273 موبيل 0123776686 ودول انا اتعاملت معاهم محترمين جداااااااااااا ولما يكون عندهم شيئ مش موجود يطمنوك ويقولولك انها موجودة في السوق بس مش عندهم وممكن يدلوك تجيبها منين
2- محل جمال البدري 7شارع زكي بالتوفيقية محل رقم 18 تليفون 25752633 ( والحاج جمال صاحب المحل رجل معاملته مقبولة وايضا محترمة) بس عيبه ان لو مفيش حاجة عنده يحسسك انها مش موجودة عشان متسألش عند حد غيرة ودي طبعا مش امانة
3- محل اسمه اسحاق اسكندر في شارع البورصة في التوفيقية بجوار ضرائب الازبكية( ودا انا مشترتش من عنده بس في الحقيقة معاملة ايضا محترمة )
4- محل اسمه فريد ادوارد بجوار الرواس اول شارع رمسيس من ناحية معروف وميدان عبد المنعم رياض(ودا متعاملتش معاه ولا اشتريت منه)

[RENAULT 18]

ألف مبروك على العربية و ربنا يباركلك فيها ........

و متسمعش كلام أى حد ... الناس فى مصر كارهة الرينو لله فى لله .. و لو سألت حد فيهم عن تجارب شخصية يقولك : لأ مكانش معايا رينو .... بس جار أبن عم خال صاحب واحد صاحبى كان معاه رينو .... و بعدين يقعد يفتى ....

ربنا يباركلك فى عربيتك و يديك خيرها و يكفيك شرها ..........

تحياتى ::::::::::::::::::::::::: ::::::::::::::::::::::::: ::::::::::::::

[mohammed rady]

محدش يعرف ميكانيكي رينو في طنطا

[tarek elbadry]

الف مبروك ربنا يديك خيرها ويكفيك شرها
الرينبو او الرينو 19 من العربيات الى بفكر اشتريها ونفس الموضوع الى حصل مع حضرتك الدنيا كلها بتكرهنى فيها
سعر الرينبو كام دلوقتى

[hakam]

الله يبارك فيك يا سعادة الباشا المحترم وفعلا الرينو عربية كويسه جداااااااااا افضل من الياباني والكوري اي نعم الكوري قطع غيارة اكتر بس الرينو معمرة جداااااا وكمان في ناس كتير شغالين في قطع الغيار في التوفيقية وفي تقاطع احمد عرابي مع شارع السودان في المهندسين واكتر من واحد في شبرا دا غير عزبة الوالدة وعزبة شلبي وفم الخليج
وعايز اضبف للقائمة الخاصة بتجار الرينو الجديد واحد اسمه عصام وعزت في شارع الترعة في شبرا رقم 150 وتليفونة 0125037728 بس للامانة اسعارة غاليه ناااااااااااااار يعني تقريبا ضعف اسعار محلات التوفيقية وشارع زكي مثلا سلك عداد السرعة عنده بـ 75 وفي التوفيقية بـ 40 جنية وكمان بيبة السرعة عنده بـ 45 جنية وفي التوفيقية بـ 25 جنية
وكمان عايز اقولكم على تجربة مع الكربراتير لاني اشتريت العلربية وطلع فيها كربراتير صيني فطبعا بياكل بنزين فلما سالت عليه جديد عند عصام بتاع شبرا قالي اسباني بـ 1250 جنية فطبعا دوخت بس بعد كده سالت عند الرضا والنعيم قالي هو ممكن يجيبة فرنساوي استيراد الخارج بضمان استبدال لمدة شهرين بحالة تتخطى الـ90% بمبلغ 300 جنية ويا جماعة الراجل دا محترم وامين جداااااااااااااااا جداااااااااااااااااا وهو في التوفيقية ورقم موبيله0123776686 واي حاجة جديدة هوصلها طبعا هقولكم عليها
اخوكم / احمد عبدالحكم - محاسب قانوني