والله العظيم زهقت

[lionmb]

والله انا مش عارف اقول اه اما عربيه ب65,000 كده تترمي رميه زي كده في جراج يعني والراجل دا يعني اتعمي خلاص يعني مش كل العربيه دي يحسسك انها خلاص في حجم الصرصار يعني وبعدين نظره مش كويس مايسقش انا والدي اتعرضت عليه سياره لانوس من قبل شركته يعني ببلاش والله العظيم رفضها علشان عنده السكر وتجنبا للاذي
انا والله مش عارف اقولك اه غير ربنا يصبرك علي فقدانها وحاول تشفلها تصليحه كده
وربنا معاك

[عقاري الصوابر]

أخي العزيز صلح هذه العربيه وبيعها لأن فلها مش كويس عليك المهم أنك بخير وأهلك بخير وعسي ربي يرزقك ويحفظك

[M.TONSY]

ربنا يعوض عليك وبيعها احسن هى كدة جابت اخرها

[amr elsisi 1]

رنا يخلف عليك خير
ويجعلة في ميزان حسناتك

[teto_mf77]

المشاركة الأصلية كتبت بواسطة BASSEM BESO والله الواحد مبيعرفش يفضفض ويشكى همه غير الى الله اولا والمكان ده ثانيا طبعا معظمكم عارف بموضوع الحادثه اللى كان من 3 اسابيع لعربيتى وانا رايح مقابله اسكندريه والحمدلله عملت العربيه وخدت اللى حلتى كله وكملى عليهم والدى واستلمتها امبارح الساعه 12 الظهر وركنتها تحت البيت والشارع واسع ولسه مكملتش طلوع للشقه وسمعت صوت خبط جامد جدا نزلت تانى لقيت عربيه 128 اخدت الباب الشمال ( باب السائق )فى عربيتى بضهرها ومبقاش نافع وجزء من الباب الخلفى وصاحبها راجل كبير ولا هو هنا طبعا محستش بالدنيا ولا اللى فيها وبأحساس لاشعورى منى رميت الريموت والمفاتيح كلها والرخصه فى الأرض وروحت اصلى الضهر وقولت لعمى ياخدها يرميها فى اى جراج مش عايز اشوفها لحد ماربنا يهدينا واقدر اسيطر على نفسى من تانى واللى شوفته فى الشهر ده مع العربيه مشوفتوش طول السنه ونص اللى قعدت معايا العربيه فيهم وانا اسف انى طولت عليكوا بس حقيقى ملقتش حد اشكيلوا همى غير فى بيتى التانى والحمدلله على كل شىء وحسبى الله ونعم الوكيل وربنا يعوض عليا

ولا يهمك ياباسم خلى عندك ايمان بالله سبحانه و تعالى ....و متعملش فى نفسك كده ...انا اتعرضت لحادثه بس من غير سياره ...حادثه فى مالى ...فى البورصه ...تعب السنين و تحويشه وشقى راح وفلوسى بقت من 135 الف اصحبت 35 الف بس...كان حلمى انى اتجوز و اجيب شقه و عربيه ...و مع الانهيار العالمى للبورصه انهارت احلامى و دا كان من سنتين و نصف تقريبا ...و المرتب تعبان ياقلبى ....لكن الحمد لله ...بقدره قادر و الصبر اشتريت الشقه ...و اتجوزت ...و فرح فى قاعه فخمه ...شهر عسل فى الغردقه فى قريه سياحيه ...و ربنا رزقنى بطفل فى الطريق ....و بفكر اشترى سياره شرك انا و اخى لاننا شغلنا فى مكان واحد ....و سبحان الله كل الامانى بتتحقق واحده واحده ,,,مع العلم ان المرتب تعبان...و مافيش ميراث او عمل اضافى او دخل اخر ...لكن الحمد لله ...ربنا بيرزق ...من حيث لا تحتسب ...خلى عندك ايمان بالله ...انا لو كنت هحسبها كنت هموت بحسرتى ...لاكن انا حسبتها ان دا اختبار من الله و ابتلاء ولازم اصبر ...و الحمد لله ...ربنا عوضنى ...و اللى عند ربنا لسه كتير...نعم لا تعد ولا تحصى