مخصوص ل أحمد حمدى وأبو الأسعاد

[أحمد فاروق سيد]

بص يا باشا
مره وأنا ماشى فى الشارع طلع من شارع جانبى يمين
عربية أسمها فيرنا خبطت فى الباب الخلفى بتاع الوحش الصينى
الغنى عن التعريف A516

خسائر العربية اللى أسمها فيرنا
( فانوس أتكسر - شبكة وأكصدام أتكسروا - الريدياتير أتخرم )

خسائر الوحش الصينى الغنى عن التعريف
خبطة فى طبلة الباب
أتردت على البارد بــ 80 ج

----------

أبو الإسعاد
أنا جنبك أنده علىّ لو عوزت حاجة

[hyundai2005]

ايه يا كومي الموضوع ده انت اتجننت شكلك حتتوقف قريب
وبعدين انت جايب افشل عربيه صيني فالعالم البريليانس وافشل اختبارات امان وبتتكلم فيها طب فين الانجلون ولا الاسبرانزا وال بي واي دي ولا الجاك اللي صاجهم 6 مم يعني اقوي من المرسيدس ال 4 و 5 مم وبعدين فولفو وجيلي لما يعملوا عربيه تبقي أأمن عربيه فالعالم ده في واحد من المنتدي عمل بيها حادثه وهو ماشي 120 دخل فحائط خرساني ويادوب هو كبوت وفوانيس واكصدام يعني الماتور حتي مش الصالون ماوصلتلوش الخبطه وبعدين abs .sensor .ebd. airbag. عايز ايه تاني امان والبريليانس دي بالذات لا تقارن بالجيلي او الشيري يعني ينفع تقارن الفيرنا بالسوناتا ولو ان الاتنين بلاستك طب مافي الاف غير مقتنعين بالايطالي والياباني ايه رأيك ؟


طب اتفرج علي الروسي والالماني والياباني واختبار اوروبي كمان

http://www.youtube.com/watch?v=tLljSH-b3yA

http://www.youtube.com/watch?v=vcTf7...eature=related

http://www.youtube.com/watch?v=WuSVq...eature=related

كله عجينه مرسيدس وباسات وتويوتا يا برنس امال الكوري يعمل ايه :craz yW14:ههههههههههه
كفايه عليك كده لحد مافوقلك واجيبلك الهيونداي اللي بيطلعوا الناس منها بعد الحوادث بالمعالق والشوك

[Komy]

المشاركة الأصلية كتبت بواسطة aboelesaad ومين قالك اساسا اني بعترف بالبروتون او حتي اختبارها عن وجه نظري حلو " الموضوع نسبي " يا كومي الي عايز يقول حاجه يقولها انا مببصش لكلام حد انا واحد بعترف جازفت باني اشتري صيني و اسبرانزا تحديدا بس كان ليا وجه نظري الي ولله الحمد شايف انها صائبه لحد كبير جدا اشتريت الاسبرانزا الاولي لهدفين بعترف السعر اغراني بالنسبه للامكانيات وانا بطبعي بحب المغامره السبب التاني اديت الثقه فيها علي كلام التصميمات والكتلوج بتاعها " حالات تحميلها وتصميمها والي معمول فيها شئ محترم الي حد كبير " توكلت علي الله و اشتريت لقيت الموضوع يستحق المغامره مره و اتنين و تلاته بس مبقتش مغامره بقت اختيار صائب عن وجه نظري المتواضعه ربنا يحفظكو يارب الصيني الي بتتكلم عليه بعد ستر ربنا عمل معايا الواجب و زياده اوي في مواقف كتييييييييييييييييييييييي ييييييييييييير لي مشكرش فيها بقي و ارشحها كمان لناس غيري ؟؟؟؟؟ عيب الاسبرانزا تحديدا هو ابوالفتوح تعرف لو يبقي ابوالاسعاد هتشوف الصيني ده هيعمل فيك اي ومين عالم يجي اليوم الي يبقي ابوالاسعاد هو بدل ابوالفتوح وساعتها لو عملتلي ارجوز مش هديك عربيه ولا هخليك تقرب منهم بلاش تعصب علي الفاضي مع العلم انت اساسا مسوقتش صيني ولا حتي عربيتي فبلاش تتكلم عن الصيني الي ميعرفش يقول عدس اوعي تزعل مني بس بجد دي الحقيقه

يا بنى انا اتمنالك الخير بس لو مسكت مكان ابو الفتوح إوعى تعملنا فضيحة مع واحدة رقاصة إنت كمان.ههههههههه

وبعدين انا مش متعصب ولا حاجة المشكلة بس إن البريليانس الجالينا دى التوب بتاعة عربياتكوا ولما يحصل فيها كده يبقى عليه العوض.
وبعدين مش معنى إن الحمد لله عربيتك طلعت من ضمن ال 1/ مليون من العربيات اللى بتفلت كده منهم سليمة يبقى كل العربيات كويسة وبعدين ما عندك استاذ عماد ههههههههه إسأله على عربيته وعلى اللى بيحصل فى التوكيل مع الناس التانية.
إنما حكاية إنك ترشحها لناس تانية دى مانصحكش عشان متشيلش ذنوب ههههه,

وبعدين عيب الصينى مش ابو الفتوح ولا حاجة , عيبها هى ذات نفسها باإضافة للشعب اللى عايز يركب عربيات مكيفة وإزاز كهربا ورخيصة وخلاص. تقدر تقوللى كام واحد من اللى راكبين صينى عمل سيرش على عربيته قبل ما يشتريها...... قليلين اوى .

وبعدين يا راجل ده حتى الكهربائى اللى ركب العدادات ل كورسير قالك انه مبيرضاش يشتغل فيها عشان بتبقى متصلبة ياعينى يعمل حاجة يلاقى حاجة تانية باظت, وانت بنفسك شوفت لما كنا بنصلح الكاسيت بتاع عربيتك إللى اصلا لسة معداش عليها كتير عشان حاجة فيه تبوظ, انت شوفت الكهربائى فك التابلوه كله عشان يوصل لحاجة صغيرة .

بلاش تغالط نفسك , إنت ربنا كرمك بعربية وطلعت حمرة .. قصدى حلوة خلاص إحمد ربنا وإسكت على كده ومتقعدش تقول ان كل العربيات حمرة من غير ما نشقها ماهو اصل العربيات الصينى دى زى البطيخة إنت وحظك.

وفى النهاية أنا والله مش متعصب ....انا بس الموضوع اتطرح قدامى ومن ناس أسيوية مش اوربيين ولا حاجة قولت اجيبه نتناقش مع بعض فيه.

وفى النهاية يارب يسترها معانا كلنا.

[Komy]

المشاركة الأصلية كتبت بواسطة powerofdream مع احترامي ليك يا كومي , انت مش جايب كل اختبارات الامان بتاعت العربيات الصيني خصوصا اني متابع الموضوع دا من زمان جدا واختبارات الامان في الصيني علشان اوصل لفكرة عامة عن العربيات دي فعلا وحضرتك لو قلبت بس في الفيديوهات اللي بعد دي هتشوف عربيات كتير جدا كويسة جدا في اختبارات الامان بل بالعكس تكاد تتفوق علي عربايت تانية اكتر بضعف سعرها وانا شوفت اكتر من فيديو السائق لم يتأثر بشئ ولا الكابينه للماتور , الموضوع نسبي زي اي شركة لبلد اخري وبالنسبة لموضوع الراجل الماليزي اللي جايبه , وايه اللي فيها يبعبر عن رايه زي ما احنا بنعبر عن راينا شعبنا كله لا بيكره الصيني وفي نفس ذات الوقت شعبنا كله لا بيحب الصيني اذا الموضوع نسبي جدا يعني انت بتكره الصيني وابو الاسعاد بيحب الصيني ودا معني الحرية زي ما بنقول ان كل واحد بيقول وجه نظره وحبه وليه اسبابه ونفس المثل هناك عندهم في مليزينا هتلاقي ناس كده بتحب شئ وناس بتكره شئ وراي الراجل دا مش بيعبر عن شعبه كله اسف جدا علي الاطالة والف شكر ليك ولابو الاسعاد ولكل الاعضاء الجميلة علي الروح المتبادلة من الاخوة ما بينا

بالظبط يا باشا بس اصل هنا الناس اللى معاهم صينى مزوداها حبتين فى الإفتخار بالصينى على العكس من حقيقة هذه السيارات.

أدعو الله بأن يكتب لنا جميعا السلامة.

المشاركة الأصلية كتبت بواسطة Komy اى خدمة يا عم كورسير , اصلهم فاكرين نفسهم راكبين عربيات , دى كلها معمولة كوبى وباست

ههههههههههههههههههههههه

ويارتهم بيعرفو يعملو كوبي باست يا عم كومي دول اخرهم ياخدوها برنت اسكرين هههههه

المشاركة الأصلية كتبت بواسطة aboelesaad خلاص يا عم احنا راكبين عربيات حنطور والحمد لله بنحمد ربنا عليها و اهو علي قد لحافك مد رجليك

وياريتك بتعرف تمد رجيلك قولتلك غير اللحاف الصيني ده بردك مفيش سمعان كلام ههههههههههههههه