ارشيف الاستراحة 2011

[CARDIO]

الرسام و البنت اللى كانت بترسم على الرمل اكثر موهبه منه ..ده رايى بس برضه مبروك ليه

[sad-bird]

المشاركة الأصلية كتبت بواسطة sherif ride محدش عبرنى

اعتذر عن التأخر في الرد لعدم تواجدي على الموقع اليومين الاخيرين

المشاركة الأصلية كتبت بواسطة sherif ride بخصوص المذاكرة الحال ميسورش اللى بيذاكر عندنا بيسقط و اللى مبيذكرش بينجح و مبهزرش زكرت و اجتهت جبت تقدير مقبول يأست و بطلت ازاكر جبت جيد !

انا عارف اللي انت بتقوله لاني جربته سنتين ورا بعض في كليتي
لكن مش معناه انك تهمل كل شيء في الدراسة خصوصا ان دراستك سهل جدا انك تبدع فيها لو انت بتحبها

المشاركة الأصلية كتبت بواسطة sherif ride كل الحلول اللى اتقالت حلوة و كل حاجه بس انا زهقان منها ماعدا حفظ القراءن و الصلاحة انا بحاول اعمل كده بس مش بقدر اضيع كل وقتى فيها و موضوع التصميم و الابتكار ده حلو بس مش عارف مش لاقى شريك فى اى حاجه صحابى بتوع قهاوى و بنات...... موضوع الاوتوكروس ده لازم يكون عندى عربية علشان اشترك فيه؟

بالنسبة للتلاوة وقصص الانبياء وكذلك الشلة والقهوة
انتقي لاصحية الل يمعاك وانت هتحس بقيمة وطعم اللي بتعمله
لو قريت لوحدك هتزهق والشيطان هيوسوسلك تقوم بسرعة وتزهق زي حالتنا كلنا
فحاول يكون معاك حد يساعدك
وهيسا نفس الفكرة في الشلة والقهوة والبنات انت ملكش في الجو ده يبقى تبعد عن الجو ده

المشاركة الأصلية كتبت بواسطة sherif ride أكلمك عن نفسى انا شريف 19 سنه من اسكندرية وحيد و معنديش قرايب تقريبا فى اسكندرية ولا عمام ولا خيلان ولا اى حاجه ملكش قرايب في اسكندرية لكن ليك اخوات هنا في مصر موتورز تقدر تقعد معاهم ومحدش هيزهق منك وليك اخوات هنا له مصفة مشتركة معاك في الموقع ومن عندك في اسكندرية زي كريم ومعتز ومن نفس عمرك يبقى تقدر تتواصل معاهم وتتقبلوا سوا واتمنى انك تلاقي نفسك معاهم و والدى متوفى (رحمه الله) الله يرحمه يعنى عايش اانا و والدتى فقط ربنا يباركلك فيها ويخليكم لبعض وتكون قره عينها وطاعيا ليها .و أنا فى معهد عالى حاسب ألى و نظم معلومات أبوقير الفرقة الثانية.عملت حجات كتير بس مفيش حاجه عمرت ده لأنك بتزهق بسرعة ومش عندك استعداد تكمل في حاجة للاخر مفيش صبر ومفيش عزيمة عملت صايع و قعدت على القعة ليل و نهار زهقت.شربت شيشة زهقت ده لا ن تربيتك تربية محترمة مخك رفض اللي بتعمله على الرغم من انك انت اللي سعيت له ورجعت للاصل وهي تربيتك ورفضت انك تكمل غلط .اتعلمت انجليزى وصلت للفل 12 و وقفت. نفس النقطة اللي قلتهالك قبل كده معندش صبر اتعلمت ووصلت لمستوي 12 وفيه غيرك مش عارف يوصل المستوى 5 حتى ومع ذلك مفكرتش تستغل اللي اتعلمته أتعلمت كمبيوتر (فوتوشوب 3d max برمجة اوبيس )حجات كتير فى الكمبيوتر عندى فكرة عندها و الحمدلله الحمد لله كويس بس برضة معملتش بيهم حاجة مع ان فيه غيرك نفسه حتى يعرف يعدل على صورة او يعمل فلاشة متحركة وانت في ايدك تعمل كتير ومعملتش حتى البورصة فكرت فيها بس معرفش اكمل نزلت السوق كويس انك منزلتش السوق ده وانا واحد من الناس على الرغم اني عارف اهميته الاقتصادية الا اني ارفضه تماما على الرغم من اني كان نفسي في وقت من الاوقات اشتغل فيها اشتغلت فى سيبر لقيت نفسى تحت رحمة عيال صغير تعالى اقفلى اللعبة الياهو مبيفتحش و كده......... لأنك حسيت نفسك كبير ومش ينفع تنزل لمستوي عيل صغير في سيبر وبرضة مستغلتش خبرتك وعلمك قررت اعمل حاجه اكبر اشتريت عربية نقل::و اشتغلت بيها 5 شهور......كان المشوار اكبر منها فقررت أنى اأجرها. لأن مش ده هدفك ولا طموحك ... بالاضافة ان معندكش الصبر على المواظبة و بضيعى وقتى فى المشى (حريقة شوز انا)لو تعرف اسكندرية مشوار اليومى من سموحة او سيدى جابر لفكتوريا بمشيها اكتر من 3 مرات اسبوعين غير كده ..............معنديش حاجه اقولها

يا بختك بتمشي كل ده
ده انا نفسي يكون عندي المساحة واللي يشجعني على المشي ده
كده انا هقر عليك


شوف يا سيدي
اللي انت فيه حاليا ما يسمي في علم النفس ازمة هوية
ودي مرحلة بتعدي علينا كلنا في وقت من الاوقات
بيكون الشخص مش عارف يروح فين او يجي منين او هو ايه ولا ايه لازمته في الحياة
ساعد على الازمة دي عدم وجود والدك
وعدم وجود اي اقارب ليك غير والدتك
( اللي اكيد انت تاعبها ومطلع عنيها ) بهزر طبعا
وعلشان تعديها لازم تساعد نفسك والناس تساعدك
والا هتكمل معاك وتوصل 30-35 سنة وانت كاره الدنيا كلها
يبقى لازم صحاب واصحاب تربيتهم زي تربيتك او على الاقل قريبين منك


معندكش صبر
معندكش هدف او طموح عاوز توصله
دراستك كويسة وتقدر تنميها جنب المعهد
وبدل ما يبقى شهادة حبر على ورق
يبقى عندك الخبارة الكافية على ما تكون اتخرجت

عاوز شوية اقتراحات على الماشي
1. اتعملت انجليزي ووصل لمستوى متقدم ممكن تكمل عليه كورس محادث وتشتغل في الترجمة الفورية او في الارشاد السياحي
2. اتعلمت انجليزي ووصلت مستوي متقدم جدا طيب ليه مش تشوف مكتب ترجمه تتعاقد معاه او حتى تروح نب الجماعة فيه مكتبات بتعوز ناس تترجم لطلبة الدراسات العليا ودي هتفيدك في حاجتين هتقوي اللغة اكتر - وهتزود معلوماتك اكتر لانك هترجم في فروع كتير من العلم
3. اتعملت كمبيوتر وبرمجة وجرافيكس ومع ذلك مفكرتش تشوف استوديو او شكرة كمبيوتر بتشتغل في البرمجيات وتعمل مشاريع وتعرضها ومنها تسكب ومنها تنمي قدرتك
4. اتعملت كمبيوتر ومتعملتش تطوير مواقع ( كنا هندبسك هنا مع ابو نورا تشتغل في الدعم الفني )
5. اتعلمت كمبيوتر ومستواك كويس ومع ذلك مفكرتش تجيب حاجة ICDL وتعمل في نفس السيبر اللي كنت شغال فيه دورات تدريبية للي عاوز وبدل ما يجيلك واحد يقولك تعالى اقفلي لعبة او افتحلي الياهو لا يجيلك يقولك تعالى علمني كود او رمز او عرفني اعمل ايه ازاي
6.عندك العربية النقل بدل ما تأجرها على طول تدور على شركة تكون بتعمل نقل لمحافظات كتير وتتعاقد معاهم وتطلع تتعرف على محافظات اكتير وتشوف بلدك


دي الحاجات الي انت تعرفها كويس وتقدر تستغلها ومع ذلك معملتهاش
فيه بقى حاجات تانية انت متعرفهاش زي ايه
1. الاشتراك في جمعية او مؤسسة خيرية عمل تطوعي واكيد ان شاء الله هتلاقي نفسك فيها زي ( رسالة - سنابل الخير - عندكم جمعية اسمها يرعاني في سيدي بشر بتعوز متطوعين للعمل مع ذوي الاحتياجات الخاص) وطبعا فيه غيرها كتير لكن
2. عندك نادي طيران اسكندرية ممكن تشترك فيه وتعمل تصميمات طيران شراعي وتتفاعل مع الناس اللي فيه مين عالم يمكن يوم نسمع عنك فوزت بمسابقة دولية والا حالة
3. عندك الجمعية الاقليميمة للكشافة البحرية تقدر تشارك فيها وتطلع معاهم معسكراتهم وتتفاعل معاهم
4. عندك ندوات تثقيفية في اسكندرية كتير في المكتبة وغير المكتبة المركز الثقافي لو عاوز اخلي حد يقولك على مواعيدها واماكنها ابعتلهم يقولوك
5. عندك اخونا احمد بدر كل يوم بيطلع على المكس يصطاد هناك روح معاه وتعلم الصيد والاهم تتعلم الصبر علشان تقدر بعد كده تكمل في اي حاجة تدخل فيها

اول حاجة في ده كله بس كتبتها في الاخر
لو فيه امكانية مادية ممكن تفكر تطلع عمرة انت ووالدتك وان شاء الله ربنا يشرح صدرك ويفرج همك

نقي ياعم واختار اللي يناسبك وشوف انت عاوز تعمل ايه وقرر وبلغنا

[hananelhosiny]

أشكركم جميعآ ... وأخص بالذكر الأساتذه / حازم فخرى / أيمن عبد الحميد / sad-bird

وذلك لمحاولة ايجاد حل لمشكلة صديقتى وكلى أمل أن ربنا هيحلها على يد أ . د / أيمن عبد الحميد .

وسؤافيكم بالتطورات أن شاء الله وجعل الله منتدى مصر موتورز عونآ للجميع فى حل مشكلاتهم على كافة المستويات.

[nktis]

شكرااا يا مهند علي الموضوع

[nktis]

اسباب التخلف
1-تخلف العنصر البشري
2-فقر البيئة(فقر الموارد-عامل جغرافي -عامل ديموجرافي)
3- الاستعمار العسكري و الثقافي
مفيش اي شرط موجود في مصر ومع ذلك فيه تخلف وهو ده التحدي اللي النظام حققه