لماذا نتباها بالمواصفات الخليجية ..الذين هم يشتكون منها ...

[سيف الدين سعيد]

المشاركة الأصلية كتبت بواسطة mercedes السلام عليكم و رحمة الله و بركاته مواصفات العربيات اللى بتنزل ليهم أعلى من اللى بتنزلنا , لأن : هما ماعندهمش جمارك زينا و بالتالى العربيات عندهم أرخص من عندنا . هما عندهم قوة شرائية أكتر مننا لأن معاهم فلوس أكتر مننا . هما البنزين عندهم أرخص مننا فمش هاممهم سعة الموتور و السيسيهات و الحوارات دى, ده كان فيه سعوديين , لما بلاقيه راكب شيفروليه كابريس , كنت أسأله , أنت عارف العربية دى كام سى سى ؟؟؟ , يقوللى ( والله مادرى ) رغم أن جنب العربية مكتوب عليه 5.7 !!!!!!!!!!!! هما الشوارع عندهم أوسع مننا الوكلاء عندهم, عنيهم مش بجحة زى عندنا و مايقدروش يسرقوهم زينا و لا بيتبعوا معاهم سياسة ( بلحة و انشالله تغضبوا ) و لا بيسيبوهم يخبطوا دماغهم فى الحيط و لا يشربوا من البحر زى عندنا , لأن هناك المواطن هو الانسان رقم 1 فى البلد و أى شكوى منه بتروح ضد أى موزع معتمد و لا وكيل, الحكومة بتمسك الوكيل تطلع تلاتة ترابنتين أهله الأول و بعد كده تحقق فى الشكوى . هى دى الأسباب اللى بتخلى مواصفات العربيات اللى بتنزلهم أعلى من اللى بتنزلنا و لأن الانسان بطبعه عنده تطلعات , فتلاقينا هنا بنطمح للمواصفات الخليجى و هما فى الخليج بيطمحوا للمواصفات اللى أعلى من اللى بتنزلهم , اللى هى المواصفات سواء فى بلد المنشأ أو بلاد تانية زى أميركا الشمالية مثلا . MERCEDES E230

كنت هاؤولها :


تحليل وافى وكافى يا مرسيدس . تمام كده

[المناور]

كل واحد على قد فلوسه ، شوف هما ظروفهم وجمارك عربياتهم ومتوسط دخل الفرد عندهم عامل ازاى وشوف بالمثل الدنيا عندنا عاملة ازاى

[سيف الدين سعيد]

المشاركة الأصلية كتبت بواسطة المناور كل واحد على قد فلوسه ، شوف هما ظروفهم وجمارك عربياتهم ومتوسط دخل الفرد عندهم عامل ازاى وشوف بالمثل الدنيا عندنا عاملة ازاى

داحنا بنعتل من سعر الصينى وبنتأمر عليه . فما بالك لما تطلب مواصفات بلد المنشأ .

[_amr.mostafa_]

طيب تعالو نحسبها بصورة مبسطه كده ...

100 الف جنيه = 65 الف ريال تقريبا...

100 الف جنيه تجيب النترا مش اعلا فئه حتى في مصر

65 الف ريال تجيب تويوتا كامري اللي هي 2400 سي سي

دي حسبة مبسطه واللي هي السبب في كده الجمارك يعني اذا تم

الغاء الجمارك نضرب عربيات الخليج معلش يعني بالجزمه ,,,

احنا لو بالسعر عندهم بدل ماتجيب النترا تجيب كامري ....!!

[_amr.mostafa_]

بالنسبة للوكلاء خش مثلا يعني في موقع خليجي متخصص ف السيارات

اقعد مع ناس بتتكلم وشوف الوكلاء بتعمل فيهم ايه ...