متوسط اسعار المستعمل هذا الاسبوع

[د0تامر محمد]

المشاركة الأصلية كتبت بواسطة محمد هوندا سعر الهوندا سيفك 93-2005

سيفيك مو93-94=35-40
مو95-96=45-50
مو97-98=52-55
مو99-2000=57-60
مو2001-2002=62-65
مو2003-2004=67-72
مو2005=75 (الأسعار تختلف حسب الكماليات والحالة وقد تزيد عن هذا السعر)

[د0تامر محمد]

المشاركة الأصلية كتبت بواسطة الحمصانى السلام عليكم اشكر حضرتك على موضوعك الهام جدا لفئة كبيرة من الناس عامة وأعضاء المنتدى خاصة فأرجو الافادة بخصوص سيارة 128 موديل87فابريكة دواخل ورش نظافة خارجى وعفشه ممتازة وكاوتش جديد لكن الموتور خفيف شويه

تساوى 17000

[د0تامر محمد]

المشاركة الأصلية كتبت بواسطة mahmoodallam لو سمحت يا دكتور كانت عايز ابيع عربيتي ومش عارف أطلب فيها كام وهي مواصفاتها كلاتي : فيات ريجاتا موديل 1989 المميزات : الموتور استيراد ركبته في شهر 6 اللي فات وطلع في مشكلة صوت تكتكة استلزمت عمرة جديدة . ريداتير نحاس جديد من عند البستاني ب500ج. كوتش حالته جيدة جدا الصالون اكتر من ممتاز هو والطبلوه مش هتلاقي صالون ريجاتا انضف من بتاعي الطبلوه سليم والعدادات كلها شغالة سمكرة ودوكو من مارس اللي فات . سي دي ماركة jvc وشاشة سوني ياباني اصلي . زجاج امامي كهربا الاصلي بتاعها وسريع في الفتح والقفل . ريموت و سنتر لوك spy . علبة دركسيون جديدة في شهر 6 اللي فات كاوتش وبطارية في حالة جيدة جيدا العيوب : رشة دواخل لكن ما اعرفش ايه اسبب والله انا اشتريتها على انها فبريكة دواخل وبعد كدا اكتشفت انها رشة .معظم الريجاتا كده لأنها سيارة البرومة بتسرح فيها هتحتاج اتنين مساعدين ورا ، ودول ب 200 جنيه استيراد او 400 جديد نوعهم مونروا . هتحتاج اكصدام خلفي . ما عدا ذلك مش هتحتاج حاجة ان شاء الله .

تطلب فيها 23000

[hesham 2010]

بعد إذنك يا دكتور تامر انا عندى استفسار على المفاضلة بين كذا عربية:

جولف 2 موديل 90/91
ابيزا 99/2000
بوينتر 2004 بس ال 1000 سى سى
بولو 2000
سيفيك 93

انا متحير بينهم وياريت تقوللى عيوب كل حاجة فيهم وانهى أغلى واحدة فى قطع الغيار ؟
متأسف للإطالة وانى هتقل عليك

وشكرا جزيلا

[goher]

المشاركة الأصلية كتبت بواسطة د0تامر محمد المفاضلة بين البرايد والاكسيل مسألة ذوق شخصى وشخصيا أفضل البرايد سيدان السويفت أقل منهما طبعا

طب يا دكتور ايه رايك فى سيات ابيزا تبقى احسن منهم ولا هما احسن