ارشيف الاستراحة 2010

[sad-bird]

المشاركة الأصلية كتبت بواسطة fineart607 نفسى انا واسرتى نحج واطبق دينى بالكامل وربنا يحسن خاتمتى وطبعا اخش الجنة ان شاء الله انا وسائر اسرتى والمسلمين قولوا امييييييييييييييييييييييي يييين

ربنا يرزقك الحج ان شاء الله ويتقبله منك انت والاسرة كلها وجميع المسلمين


آآآآآآآآآآمين

[احمد بدر1978]

المشاركة الأصلية كتبت بواسطة sad-bird واطباق الفول علشان خاطر ابو حميد الخطيييييييييييييير الأول المقادير قرنين فلفل شطططططة ناااااااااااااااااااار فصين أو تلاته توم حبايتين طماطم معلقتين زيت طبق فول ( اخواننا اللي في المهندسين والزمالك الطبق يعني تقريبا ب 2 او 3 جنية ، اخواننا اللي في مناطق شعبية الطبق تقريبا بجنية اخواننا اللي في الريف الطبق يعني تقريبا بنص جنية او 75 قرش اخواننا اللي بيعملوا الفول في البيت لزوم النضافة والكمية والارخص يبقى طبق فول او كبشتين بالمغرفة) الطريقة قطع الفلفل قطع صغيرة تقريبا نص سنتي في نص سنتي قطع الطماطم قطع صغيره أو ممكن تنضرب في الخلاط لكن انا بحبها قطع قطع التوم حتت صغيره خاااااااااااااااالص أو او شايلينه في التلاجة مفروم يبقى نص معلقه خط الزيت في الطاسة على النار لما يقدح ( يعني يطلع الريحة اللي فيه لومركون او لو زيت تموين ولو زي ذرة او عباد حطه على طول ) حط الفلفل وقلبه دقيقتين لما يبدأ يدبل حط التوم مع الفلفل لما يبدأ يحمر ومتخليهوش يتحرق ( الناس اللي بتحب نكهة التوم في الفول كتير زي احمد بدر يزود الكمية شوية ويخليها نص سوا مش يحمرها خالص ) لما التوم يحمر حط الطماطم وسيبها تتسبك شوية وحط الملح وشعره كمون مش كمون كتير لما تتسبك الطماطم حط الفول وقلبه وسيبيه لما يتحناس مع بعضه خمس دقايق تقريبا واطفي النار بس ياريت بقى لو العيش يكون سخن ومفقع والف هنا

ارحمنى انا جعت كدة مش حلو

[sad-bird]

المشاركة الأصلية كتبت بواسطة احمد بدر1978 لا دى والدتها مصرية وكانت بتشترى شقة من عندنا فشفت البنت تنحت آية من الجمال المهم شوية واتفقنا على السعر وطلبت تعديلات على الشغل ونوع السيراميك والالوان ومفاتيح الكهربة المهم قلت لوالدتها تعالو بكرة الشقة ونتفق على الطبيعة طبعا قعدت اتكلم معاها ومع البنت عرفت ان ابوها لييبى ومتوفى ولسة جايين من هناك المهم كتبت التعديلات ونزلت معاهم اوريهم السيراميك وخلافة معجبهمش الشكل قلتلهم بكرة نروح لمعرض وتتفرجوا قعدت معاهم اسبوع بندور على لون السيراميك اللى يعجبهم وطبعا انا كان نفسى مايلاقوش وقعدت كل يوم اجيبهم من البيت بعد الظهر لغاية باليل ننزل نتعشى برة نسهر على البحر كدة لغاية لما فاتحتها ووافقت بس كان فية مشكله صعبة جداااااااااا ان عمامها الليبيين لازم يوافقوا وتاخد منهم تصريح جواز وطبعا دة ماحصلش وكلة نصيب من عند ربنا والى الان اصدقاء بمعنى الكلمة

يا خسارة
طيب مينفعش اروح انا ليبيا واشوف اعمامها
ههههههههههه

[احمد بدر1978]

المشاركة الأصلية كتبت بواسطة sad-bird الثاني طبق فول معلقتين زيت زيتون طحينة بيضاء سمسم مش سوداني من اي سرجة زيوت وبلاش المعلبة علشان ممكن تكون مركونة بقالها فترة معلقة كمون معلقة فلفل اسمر معلقة ملح معلقة خل او ليمون الموجود معلقة شطة على حسب الرغبة حط المقادير كلها على بعض والطحينة على حسب القوام علشان مش تبقى ماسكة والفول ومكلبشة وتبقى عاوزة ديناميت يفكها من بعض طبعا الفول بيكون سخن او مستخن قبل اضافة المقادير علشان لو سخنته والطحينة عليه هيتقل قوي ولو سخنت واللمون عليه هيبقى طعمة مش حلو ويتقدم مع عيش سخن ومفقع وطبق شطة مخلل او فلفل شطة اخضر او طمطماية متقطعة وعليها ملح وشطة ولمونة اوبصلة

الحق ياعم خالد انت فين الموضوع شوية حيقلب على ابلة نظيرة

[sad-bird]

المشاركة الأصلية كتبت بواسطة احمد بدر1978 لا والله مراتى الاولانية كانت ملاك وبجد 3 سنين جواز مسمعتش منها اى رغى نهائى انا جى الشرقية ازورها الاسبوع اللى جى

ياباشا تشرف وتنور
قولي انت بس يوم ايه وجاي امتى وهتيجي طريق ايه وانت جاي وانا اجي اخدك