عام الحزن(الثنائى اللى جاب اجلى الوطنى للتنميه - قناة السويس للتامين )

[Devill Blood]

المشاركة الأصلية كتبت بواسطة mainz طيب فيه سؤوال يا جماعه معلش لانى معنديش خبره قوى فى موضوع التامينات فى مصر انا لوحبيت اشترى عربيه زيرو فى مصر لازم اعملها التامين ده اجبارى ولا بيبقى غير اجبارى طيب ولو جبتا مستعمله ايه نظام التامين برده بيبقى اجبارى ولا ايه

معظم المعارض لو هاتشترى تقسيط بيبقى أجبارى أو ليك خطة تانية والبعض الأخر لا
و المستعمل لا تأمين عليه

[lol64]

كان الله فى عونك وربنا يصبرك ويعوضك خير

المشاركة الأصلية كتبت بواسطة mainz طيب فيه سؤوال يا جماعه معلش لانى معنديش خبره قوى فى موضوع التامينات فى مصر انا لوحبيت اشترى عربيه زيرو فى مصر لازم اعملها التامين ده اجبارى ولا بيبقى غير اجبارى طيب ولو جبتا مستعمله ايه نظام التامين برده بيبقى اجبارى ولا ايه

بص يا مينز بالنسبة للتامين في معارض تدفعك مبلغ التامين فوق تمن العربية وبكدا انتا متامنش وفي معارض تانية بتجبرك انك تامن علي العربية


وبيني وبينك مع مشاكل التامين ديه كلها بص نصيحة التامين له مميزات كتير بردك يعني لو مش مامن وحصل حاجه لقدر الله في عربية زيرو او مستعملة موديل حديث انتا اللي بتشيل الليله كلها


لكن لو مامن بتشيل بس بنسبة بسيطة يعني نص العما ولا العما كله

[MIDO-SPICY]

المشاركة الأصلية كتبت بواسطة Injection معلش يا أستاذ أحمد أكيد ربنا هيعوضك باللى حصل خير, وأكيد بشكل أو بأخر ده كان فى مصلحة حضرتك. أنا والدى كان عموما بيكره حاجة أسمها التقسيط وعمره ماكان يحب يقسط جنيه واحد على أى حاجة علشان محدش ضامن الظروف. وشركات التأمين من الحكايات اللى بقرأها وبأسمعها بقت فى قمة الأستهتار واللامبالاة والنصب, بس حضرتك فعلا كان لازم تبص على كل خرم فى الوثيقة وتفحصها تانى مع محامى, بس محدش بيتعلم ببلاش. الحمد لله على كل شئ, وشكرا لحضرتك لمشاركتك قصتك, وفعلا علمتى أحذر من حاجات كتير ممكن كنت أقع فيها. وربنا يرجع لحضرتك حقك, وعقبال متأمن على البى أم الفئة السابعة.

بشكرك على ردك ومشاركتك وعايز اقولك انى كل ما بشوف لانسر زى اللى كانت معايا ببتسم بقول لا اله الا انت سبحانك انى كنت من الظالمين
وساعات اقول ان ربنا بيخلص فيها زنوبى .. والحمد لله على كل شىء

[MIDO-SPICY]

المشاركة الأصلية كتبت بواسطة Devill Blood لا حول ولا قوة الا بالله بصراحة ربنا أنا لسه جايب لانسر بومة مستعملة أنت خلتنى والله مش عايز أنزل ومرعوب يعنى أنت عندك تأمين وحصل لك كده أمال أنا أعمل إيه اللى جايبها مستعملة من غير ضمان,والله حاسس بيك وعلى فكرة أختى فى تجارة وبتقول لى دايما أن عندنا لازم شركة التأمين تطلع عينك ومش تديك حقك كامل أبدا لازم ينصبوا ويطلعوا عينك والله مش عارف أقول لك أى أنا دايما بمشى على 40 عشان أتقى شر الحوادث والبنى آدمين

الف مبروك على العربيه وان شاء الله ربنا يديك خيرها ويكفيك شرها
بس انا عايز اقولك ان ربنا لما بيكون رايد حاجه الموضوع مابيبقاش ليه دعوه انت ماشى على 40 ولا 240
وعايز اقولك بالمناسبة ان الحادثه بتاعتى ببساطه ان واحد جى فى الطريق المعاكس عدى الرصيف اللى بينى وبينه بعرض 4 متر تقريبا ودخل فيه وش
وربنا يسترها