بنزين 92 ده خرب بيتي من جميع النواحي

[mohamed ibiza]

الغاز الطبيعي هيخربلك الموتور اكتر من ال 80 و ده شئ معروف ده الفيرنا اللي بتجري جامد و بتجمع سريع بالغاز بتبقي بطه !

خليك علي 92 او 90 و ده اضعف الايمان

[hazem_khidr]

المشاركة الأصلية كتبت بواسطة gazzar91 أعذرني.. أنا ليا رأي تاني... بنزين 80 فيه شوائب أكتر فعلاً.... لأن هو اللي عليه دعم أعلى و أكيد حضرتك لو شفته هتلاحظ وساخته... في رعاية الله...

اهلا اساتاذ جزار
مش شرط ان البنزين 80 مدعوم اكتر من ال 92 ان يبقي فيه شوائب اكتر
تكرير البنزين كله بيتم في معمل واحد
مش علشان البنزين ال 80 مدعوم حيبقي فيه شوائب اكتر
و دا عن تجربه في كذا عربيه مش بيأثر اطلاقا
اللي بيأثر علي الموتور موضوع الصفع او الكركره
لو تفاديت النقطه دي و ظبط رجلك و الموتور بطل يسقف يبقي كده خلاص و عادي

المشاركة الأصلية كتبت بواسطة ابو يمني بص يا باشا طبعا مع احترامي الكبير لرأي الاستاذ حازم خضر وهو طبعا استاذنا بس انا سألت اكتر من واحد متخصص في المواتير وبقالي كتير ببحث في موضوع خلط البنزين و الكل اجمع انة بلا فائدة يا بنزين 92 يا 80 لكن الاختراع دة مبيعملش حاجة بس انا سالتلك واحد ساكن جنبي معاة شيفورلية اوبترا علي موضوع بنزين 80 قالي ان عربيتة متعرفش اصلا غير ال 80 هو من يوم ما اشتري العربية بيحط فيها بنزين 80 بس هوبيغير فلتر البنزين قبل معادة يعني لو بتغير فلتر بنزين كل 5 اشهر هتغيرة كل 3 شهور مثلا وبعدين هيظهر معاك في المشي لو كان ال 80 نافع مع العربية ولا اية لو حاسس بفرق كبير ارجع ل 92 لو فرق بسيط خلاص وعموما هي هتلاقيها بتكرر علي الثاني وطبعا هتسند دبرياج وخلاص هتعدي بس جربها في السحب شوف في فرق ولا اانظام اية

اهلا ابو يمني عاش من شافك يا راجل
فكره الخلط بتنفع فعلا و جربتها كذا مره في كذا عربيه و ماشيه كويس بنسبه النص او بنسبه تلت و تلتين.
لكن حكايه ان العربيه اتعودت علي 80 و ما شافتش غيره دا مش صح
لان الموتور مالوش مخ يفكر فيه ولكن الكنترول يونت بتضبط الكهربا و الهوا علي اساس البنزين اللي داخل للموتور و مافيش عنده ذاكره يفتكر بيها او يقارن بين انواع البنزين

[Mostafaacc]

الف شكر يا استاذ محمد انت واستاذ حازم

بس عندي سؤال يا استاذ حازم
اظبط رجلي ازاي بحيث ميحصلش كركره مش فاهم

[تامين سيارات]

لا انصحك ب 80 خليك 92 احسن للمتور طبعا

[hazem_khidr]

المشاركة الأصلية كتبت بواسطة Mostafaacc الف شكر يا استاذ محمد انت واستاذ حازم بس عندي سؤال يا استاذ حازم اظبط رجلي ازاي بحيث ميحصلش كركره مش فاهم

يعني بلاش تضغط جامد علي دواسه البنزين في اول النقله
و الا حتلاقي العربيه بدأت تكركر منك
تضغط بالراحه لحد ما تبدأ العربيه تاخد سرعتها و بعدين دوس زي ما انت عاوز