ممكن الاجابة

[صانع الخيال]

ناوى اشترى العربية الفيرنا بعد حيرة كبيرة
المهم عايز اعرف الفيرنا العيبالى فيها انها واطبة واحنا عندنا
فى مدينة العبور المطبات العدد فى اللمون من اول ماتخش العبور
لحد اخر منطقة وهي الحي الثامن وساعات مطبين مع بعض والمسافة ما بينهم
10 متر بس ههههههههههههه دا غير الحفر بتاع الغاز الطبيعي
بصو بقي اجيب ايه بصراحة لان احنا عائلة من 6 افراد 4 بالغين و 2 اطفال
اتوكل على الله واجيب فيرنا ولا مش هتناسبني
لو مناسبة الفيرنا عايز اعرف
اجيبها منين وهيا جميع الكماليات حلوة ولا الاحسن الاتوماتيك
ولو هدفع مقدم 20 باكو قسطي هيبقي كام وهاخد فترة اد ايه عشان استلم العربية

[esafegypt]

ابعد عن القسط وغنيلوة انا كنت هدخل فى حوار القسط بس حوار فاشل مليون % لو معكش فلوس كاش تجيب الفيرنا اركب حاجه على قدك وان شاء الله هتلاقى عربيات كتيرة سعرها يناسبك او خش فى المستعمل لكن والله انا عامل عليك اقل حاجه هيتحط على ثمن العربية هو 4000 جنية والقسط هيبق نار معدى ال 1500 جنية فى الشهر ده غير انك لو حبيت تقسط بقسط فى الشهر 350 جنية مثلا او 500 جنية يعنى حاجه هادية شوية هتلاقى المعرض حاطط على ثمن العربية موش اقل من 8 و 10 اللاف جنية طبعا ده حرام علشان كده شوف اسعار الجديد كلة واعمل بحث كويس من اول اللادا لغاية متوصل للكيا بيكانتوا والسوزوكى التو اعمل بحث كبير وان شاء الله هتلاقى حاجه تعجبك وبردوا انزل سوق الجمعة كتير لغاية متلاقى عربية مستعملة لقطة بسعر حنين وحالتها جديدة وسليمة .

[صانع الخيال]

شكرااااااااااااا على النصيحة الغالية

بص يا جميل لو اول مره تسوق يبقي خليك فعلا في حاجه مستعملة علي قدك تخبط فيها زي ما انتا عايز لكن لو علي الموصفات اللي انتا بتتكلم فيها ديه يبقي الفيرنا مش هتنفعك ولعلمك انا معايا فيرنا بس فعلا هتقرفك جامد في موضوع المطبات ده

اللوجن انسب عربية ليك لانها عليه جدا وواسعه من جوه والاربع فرد كاوتش قريبين من بعض وهتريحك في كل المطبات وهيه ديه فعلا العربية اللي هتريحك ومش هتشغل بالك بموضوع العدد اللي راكب فيها