سوال لمستخدمى الفيرنا على الطريق السريع

[abd elzaher]

اشتريت فيرنا 2010 فول اوبشن مانيوال من شهرين وقمت بعمل صيانة الالف
عندنا هنا فىالسويس فى مركز صيانة الغالى واعتقد انه مركز معتمد وانا قادم من القاهرة اليوم
لاحظت انه عندما اسير على 120 توجد رعشة فى الدركسيون ولا اعرف ما سبب هذه الرعشة
ارجوا الافادة ولكم جزيل الشكر

[Ahmed Anwer]

المشاركة الأصلية كتبت بواسطة abd elzaher اشتريت فيرنا 2010 فول اوبشن مانيوال من شهرين وقمت بعمل صيانة الالف عندنا هنا فىالسويس فى مركز صيانة الغالى واعتقد انه مركز معتمد وانا قادم من القاهرة اليوم لاحظت انه عندما اسير على 120 توجد رعشة فى الدركسيون ولا اعرف ما سبب هذه الرعشة ارجوا الافادة ولكم جزيل الشكر

رصص علي جهاز حصان و عند واحد عنده صبر

هتتحسن بس هيرجع تاني بعد فترة

و الأفضل تغير الكاوتش و الجنوط عشان تريح نفسك

[zoomaa&mizaa]

انا مش هتكلم علشان الناس بتاعة الفيرنا بتزعل بس على العموم احب اعرفك ان هى الفيرنا كدة ومتعملش حاجة علشان الرعشة دية هتفضل موجودة

[lol64]

لالا زى مااحمد انور قال يرصص ويغير الكاوتش والجنط
انا غيرت الكاوتش والجنوط بجنوط سبور فى الالنترا بعد ماستلمتها بشهر وانا لما كنت باسمع حتى صوت الكاوتش الهانكوك اللى بيجى من عند الحاج غبور والعربيه ماشيه كان بيجيلى اكتئاب

عن تجربة يا جميل انا رصصت كذا مره قبل كدا ورجعت تاني الرعشه ديه وبتظهر بعد 110 متتعبش نفسك هتفضل الرعشه ديه موجوده مهما عملت من الاخر غير الجنوط بس وغير الكاوتش لو الكاوتش بتاعك النوع المصري لكن لو التركي غير الجنوط بس ولو جنط 14 هتكون العربية 10/10 بس متزودش عن 14 وديه نصيحة علشان متخرجش من الضمان وابعد عن الجنوط الصيني خليك في الاندونيسي ثم الماليزي