رينو مجان 2010 ولا سيات ليون 2010 ولا مازدا 2010؟

[dilano]

يا ريت يا جماعه حد يفدني ايه احسن؟

[رياح التغيير]

سيات ليون توكل علي الله والماني وقطع غيار معمرة وعلي مااعتقد ارخص قطع غيار فيهم وناس كتير مما اشتروها شكروا فيها

[wawoo]

انا افضل الميجان 2010 للأسباب الاتية :

- ضمان 3 سنوات او 100 الف كيلومتر ايهم اقرب ..مع توكيل جيد جدا .
- يمكنك عمل تست دريف للسيارة للاختبارها بنفسك .
- قطع الغيار ارخص نسبيا .و حتكون متوفرة لانها تشترك مع رينو الفلوينس فى كتيرمنها .
- تصميم جديد لن يتم تغيرة قريبا "اليون خلاص حتتغير قريبا "
- امان اعلى .. الميجان متفوقة فى الامان "5 نجوم مقابل 4 لليون "
- شاسية جديد للميجان مع نظام تعليق خدمة شاقة معدل للطرق الوعرة ..و مناسب اكثر مجهزة للطرق الدول النامية "تركيا - مصر - شمال افريقيا ...."
- موتور جديد و فتيس جديد " اداء احسن و استهلاك موفر للوقود .
- فى شكاوى من فتيس ال دى سى جى الاوتومتك فى اوروبا "مشاكل فى بعض مودلات اودى و فولكس "
- سعر الميجان ارخص نسبيا مقابل المنافسين .
- تجمع بين التكنولوجيا الاوروبية و اليابانية متمثلة فى مشاركة نيسان فى هندسة السيارة
- مثبت و محدد السرعة موجود بشكل قياسى فى جميع فئات الميجان .
- تصفيح معدنى بالكامل لحماية الموتور و الاجزاء المهمة فى السيارة .

- العجلة الاحطياتية موجودة خارج السيارة اسفل الشنطة و هذا لة المميزات الاتية :
- عشان تكون اسهل فى الاستعمال و فى التغير .
- مش مضطر تفرغ حمولة السيارة عشان تطلع العجلة الاحطياتية "لو العربية محملة".
- متانة اكتر لقاع الشطنة عشان تقدر تحمل على ارضية الشنطة الصلب على طول .
- لو فى حاجة فى الطريق مش سليمة "مطب كبير مثلا او اى مشكلة فى الطريق " الخبطة تيجى فى العجلة الاحطياتية مش جسم السيارة .
- تخفيض مستوى الضوضاء الناتجة من "الطرق الصعبة " بسبب بعد ارضية الشنطة عن مستوى الطريق .

[dilano]

shokran ya basha.

[lol64]

انا رايى السيات ليون محدش اشتكى منها وهى مع صديق ليا موديل 2009 وسقتها عربيه جميله جميله وسهوله فى القياده ونعومه ورياضيه بجد
الميجان انا شفت شكاوى من اعطالها كتير معرفش ليه مع ان شكلها وامكانياتها تحفه