مشكلة في عداد الـ RPM - وايه الحل

[sikostar]

السلام عليكم ورحمة الله وبركاته

اخواني الكرام
عندي مشكلة في عداد الـRPM بيبدأ عند رقم 12 ويوصل الي رقم 19 ومش بينزل خالص
مع ان الطبيعي يكون العداد من رقم 7 الي 9

المهم روحت لميكانيكي رقم 1 قاللي روح التوكيل محش هيظبطها غير التوكيل

وبالصدفة عرضت العربية علي ميكانيكي تاني قاللي كلام غريب
السخان بتاع العربية - سيينا 2001 - 1400 سي سي - معلق
طيب اشرح يا حاج
قاللي السخان عندك كهرباء - توماتيكي توماتيكي - يعني اول ما يدخله ميه سخنه يفصل

لكن اللي بيحصل انه مش بيفصل

ولازم نفك العمة الصغيرة ونشتغل

قلتله طيب - ابقي افوت عليك بعدين

وكفي الله المؤمنين شر القتال

المهم العداد بيعلي والعربية بتسخن والموتور هيفوت وهلبس في الحيط

تنصحوني بأيه ؟
ولو حد مر بتجربتي يقوللي عمل ايه

ولو حد يعرف ميكانيكي بيشتغل في الانجكشن ومحترف يقوللي عليه

والسلام ختام

[mostafa2000]

روح التوكيل افضل

[sikostar]

المشاركة الأصلية كتبت بواسطة mostafa2000 روح التوكيل افضل

طيب معلش - اتعب معايا شوية
وخد أخوك علي قد عقله

مثال عملي
طقم الدبرياج في التوكيل بـ 950 + 10 % ضريبة يبقي 1045 ج
والاصلي في الكيلاني - الايطالي - بـ 700 جنيه - والالماني بـ 500

دا طبعا لسه مفيش صنيعية أخدت فلوس ؟؟؟

توكيل سيء وأسعار مبالغ فيها

لسة عند رأيك ؟؟؟؟؟

[tareksakr]

سيدي الفاضل الموضوع عندك يتلخص في حاجتين ان العربية عندك لازم تتحط علي سكانر عشان نقدر نحدد العيب هل هو حساس معلق وعايز يتغير و الا الكنترول يونت وان شاء الله الموضوع يبقي بسيط

[كيا سيفيا]

المشاركة الأصلية كتبت بواسطة tareksakr سيدي الفاضل الموضوع عندك يتلخص في حاجتين ان العربية عندك لازم تتحط علي سكانر عشان نقدر نحدد العيب هل هو حساس معلق وعايز يتغير و الا الكنترول يونت وان شاء الله الموضوع يبقي بسيط

عين العقل واحسن كلام . لابد من اصلاح الاعطال فى التوكيل منعا لتخمينات الصنايعيه التى لاتصدق اطلاقا