اشتريت عربيه اسبيرنزا a516 متسقطلها ماتور متسوبيشى مايفك 2400 سى سى فيه مشاكل

[7mody]

انا هختصر عشان وقت الاعضاء ....انا اشتريت عربيه اسبيرنزا a516 المفروض ان صاحبها قالى ان هو مسقط متور متسوبيشى 2000 سىس سى وبعد كده اكتشفت انه 2400 سى سى بتاع الميتسوبيشى جالنت , طبعا الجالنت عربيه جميله وجباره بس مش منتشره فى مصر عشان كده ملهاش قطع غيار المهم انا عندى مشكلتين فى العربيه واربع اقتراحات للحل بس انا مش عارف ايهم اصح لانى مش خبره فى العربيات فارجو المساعده وعلى فكره العربيه اتوماتيك

المشاكل
1-العربيه ابقى ماشى بيها زى الفل وسحبها 10/10 بس لما اهدى كتير عشان زحمه او مطبات او كده ادوس بنزين ملاقيش استجابه نهائى خالص او بمعنى ادق ال rpm اخره يوصل لحد 2 وميعديش بسنتى حتى لو كسرت دواسة البنزين بس مجرد انى ابطل وادور تانى تشتغل وتبقى زى الفل بس شويه وتفصل تانى وكده يعنى
2-احيانا العربيه بتبطل منى خصوصا على السلانسيه والسرعات الواطيه
-*- الحلول الى انا لقيتها فى معظم المنتديات العربيه و الاجنبيه بس مش عارف ايهم اصح
1-طرمبة البنزين (انا مايال للخيار دا عشان بالفعل انا عندى صوت زنه مستمره بتيجى من نحية الكنبه الى ورا)
2-ماكينة الاستوب (مع انى مش فاهم دى دخلها ايه فى الموضوع بس فى ناس كتير قالو دى مشكله فى الاسبيرنزا عموما واما بتبوظ تدوس بنزين مافيش استجابه ودى مشكلتى)
3-حساس ال TPS
4-البوابه
كده انا قلت العيوب والحلول المقترحه والاعضاء الكرام فقط عليهم الاختيار مع ذكر السبب الى اختارو بناءا عليه

سؤال اخير---->هو لو المشكله فى طرمبة البنزين بجيب طرمبة اسبيرنزا a516 ولا طرمبة ميتسوبيشى لان انتم عرفين ان العربيه a516 متسقطلها موتور ميتسوبيشى 2400 سى سى

شاكر جدا لصبركم معايا بس انا بحاول ابسط الموضوع

[waleed thabet]

طرمبةالبنزين

[ahmed_eng2001]

الاعراض دى لطرمبة البنزين ... لازم يتبص عليها
و بصفة عامة ... لو العربية بتقطع ... و ترجع تبقى كويسة لما تطفى و تدور تانى .... دى طرمبة بنزين

ماكينة الاستوب ليها علاقة بموتور الاسبرانزا .... بس حضرتك غيرت الموتور ( المالك السابق ) و اكيد غيرت الكونترول كمان .....
دواسة البنزين فى الاسبرانزا شغالة بحساس ... و بيسموها دواسة كهرباء ... مواتير الميتسوبيشى شغالة بواير عادى خالص
بالمناسبة .... فيه مواتير ميتسوبيشى 2000 سى سى .. و دى الى راكبة على الجالنت ... و كمان فيه المايفك ال 2400 .... المواتير المايفك مكتوب على غطاء التاكيهات مايفك ... المواتير ال 2000 مكتوب ميتسوبيشى