ممكن تساعدونى فى المشكلة دى ؟؟

[الدوق]

السلام عليكم
اخوكم من سوهاج ومعايا مبلغ 40000 جنيه
دورت على عربيات فى الرينج ده بزيادة او نقصان حاجة بسيطة فى السعر
لاقيت افضل خيارات امامى هي
1- سكودا فابيا 2002 - 2005 ( معقولة بالنسبالى بس خايف منها )
2- فولكس باراتى 2004 - 2007 ( عاجبانى جدا )
3- فولكس بوينتر ( بس مش عاجبانى اوى )
انا عاوز الافضل من حيث قلة الاعطال والاعتمادية ومدى توافر قطع الغيار ومش مهم مكان قطع الغيار فين المهم انها تكون موجودة
انا عامة باحب العربيات الالمانى واليابانى بس لاقيت اليابانى المستعمل اسعاره مبالغ فيها جدا
ارجو النصيحة ولو فى حاجة تانية غير كده ياريت تفترحو عليا الافضل
شكرا لحضراتكم مقدما
وجزاكم الله عنى خير الجزاء

[محمد فيصل]

وعليكم السلام ورحمه الله وبركاته
افضل اختيار فى السيارات التى طرحتها
فابيا 2005 والمهم الوتور 1.4 وليس 1.2
مع العلم ان تقريباً كل قطع الغيار من القاهرة
الاسعار مرتفعة لكن العمر طويل
الاهم ان البنزين 80 لا يصلح مع هذة السيارات
يسر الله امرك على افضل ما يكون

[الدوق]

المشاركة الأصلية كتبت بواسطة محمد فيصل وعليكم السلام ورحمه الله وبركاته افضل اختيار فى السيارات التى طرحتها فابيا 2005 والمهم الوتور 1.4 وليس 1.2 مع العلم ان تقريباً كل قطع الغيار من القاهرة الاسعار مرتفعة لكن العمر طويل الاهم ان البنزين 80 لا يصلح مع هذة السيارات يسر الله امرك على افضل ما يكون

يا باشا بارك الله فيك
طيب انا قدامى باراتى 2006 مش محتاجة حاجة غير فانوس خلفى يمين
صاحب العربية بيقول ان توكتوك خبطه وهو معدى من غير ما يخبط العربية
العربية حالتها كويسة ومفيهاش حاجة عاوزة مصروف وهو طالب فيها 40 الف جنيه
فهل لو حالتها زى ما قولت لك كده يبقى سعرها كويس
سؤال تانى انا عاوز لو اشتريتها اغير لها الحاجات دى علشان اريح دماغى منها
طقم دبرياج - سير كاتينة بالبلية - سير دينامو - طقم بوجيهات - زيوت - فلاتر ( هواء - بنزين - زيت )
بالاضافة الى الفانوس الخلفى
الاقيهم فين واسعارهم ايه .... ولا بلاش من الباراتى اصلا مع انى بحبها انا محتار جدا وبارك الله فيك