تحذير ( من زيوت زادو Xado ) لوجه الله

[AbOnOrA]

كمان عايز اكرر شكرى لكل الناس اللى شاركت فى الموضوع بتجاربها سواء كانت مؤيدة للزيت او ضدة وبأكد على تقديرنا واحترامنا للجميع وان اختلافنا واتفاقنا مش على حاجة غير مصلحة الناس وانهم يتعلمو وتزيد خبراتهم لكن رجاء ناخد الموضوع بهدوء ومن عصبية او انفعالات او تجريح شخصى كلكم ناس افاضل وارائكم كلها هتفيد الناس سنين بعد كدة ان شاء الله فحافظو على ده ارجوكم

[doda2007]

المشاركة الأصلية كتبت بواسطة AbOnOrA كمان عايز اكرر شكرى لكل الناس اللى شاركت فى الموضوع بتجاربها سواء كانت مؤيدة للزيت او ضدة وبأكد على تقديرنا واحترامنا للجميع وان اختلافنا واتفاقنا مش على حاجة غير مصلحة الناس وانهم يتعلمو وتزيد خبراتهم لكن رجاء ناخد الموضوع بهدوء ومن عصبية او انفعالات او تجريح شخصى كلكم ناس افاضل وارائكم كلها هتفيد الناس سنين بعد كدة ان شاء الله فحافظو على ده ارجوكم

بس الصور احتمال تتمسح بعد فتره يا استاذ وائل ، ربنا يعلم انت راجل محترم قد ايه
بس فعلا غريب ان اللى بيبيع الزيت يشكر فيه مهو اللى بيبيع مخدرات بيشكر فيها
الحمدلله على كل شىء

[zing0]

معلش أول ميجيلك الرد يا أستاذ وائل يا ريت تنشرة هنا .
لما نشوف آخر الموضوع ده إيه. بس حتى الآن الأستاذ محمود مش قصدة التشهير و لا ليه مصلحة لإنه موزع منافس و لا الكلام الغريب ده, كلامه مدعم بالصور فعلاً. و الله يعلم السر و أخفى.

و أعتقد حتى الآن المشكله سوء تخزين ده لو كان الزيت مش مضروب.
بس سؤال للأستاذ محمود: حضرتك حطيت الزيت على الفلتر القديم بعد ما نضفته؟

رحت تانى يوم نزلت الزيت ونضفت الفلتر وحطيت الزيت الجديد ومشيت نص ساعه واللمبة اول مره من ساعت ما شريت العربيه تنور وصوت تحذيري مقلق فضلت ماشي عليها شوية قولت يمكن تطفي

مش المفروض تغير الفلتر من الأول خالص أدام هتغير من نوع لنوع تانى؟ مش فاهم الجزء ده.

و برده أحب أأكد على كلامى من الأول خالص..... أفضل حاجة تجيب زيت من بنزينة تابعة لوزارة البترول (بينزل عليها تفتيش) تجنباً للشك اللى إحنا فيه ده.

[doda2007]

انا كنت مغير الفلتر جديد يا استاذ zing الغيار اللى فات وحطيت فلتر موبيل اصلي ب 60 ج من التوكيل
رحت نضفته وحطيت عليه الزيت الجديد ، واول ما عرفت انه غلط كدا بعد وضع الزيت ب 10 دقايق رحت غيرت الفلتر ، وللأسف كانت مصاريف ع الفاضى
وفى الاخر غيرت زيت شيل ودفعت بردو تمن فلتر جديد

[aymanlaw]

Middle East

Kazakhstan
Kyrgyzstan
Africa

Kenya
Republic of South Africa
هى دى الدول الفيها التوكيل باالنسبة للشرق الأوسط او أفريقيا وللأسف مافيش توكيل رسمى فى مصر وده رابط الموقع الخاص باالتوكيلات حول العالم XADO - official website