أتفاجئت لما عرفت ان الزجاج أنواع ؟؟؟

[eaglenest]

السلام عليكم ورحمة الله وبركاته ... في البداية أنا كان الزجاج الخلفي لعربيتي اتكسر ورحت ركبت زجاج جديد اتكلف بالظبط 185 ( عربية لانوس 2008 ) ورحت بقا بحكي لواحد صاحبي قالي جبت ازاز الواح وله طبقات قولتله نعم يا باشا أنت تقصد إيه .. قالي لازم تجيب زجاج طبقات علشان لما بينكسر بيتفتت انما الالواح بيتكسر زي الكوباية كده ولو وقع على حد هيدبحه ... وطبعا انا كنت ركبت خلاص وكمان مش متأكد من المعلومة دي لأن من وجهة نظري إن أي زجاج للعربيات مهما اختلفت جودته بيبقى مصمم طبقا لمعايير معينة وهيتحمل ظروف عمل السيارة ومش معقول هيبقى فيه كلام من ده ...
ايه رأييك ؟؟؟؟؟

[AbOnOrA]

فى قسم العروض بتاعنا هتلاقى عرض فى موضوع باسم زجاج محمود عمر اقراه هتلاقى صاحب العرض بيدى عروض على انواع زجاج مختلفه وبيتكلم عن موضوع الطبقات واللى اعرفه ان اغلب الانواع دلوقتى بقت 3 طبقات

عموماً هو فعلاً اى قزاز لاى عربيه دلوقتى فيه منه انواع كتير مابين مصرى وصينى او اصلى فلازم تسأل كويس قبل ما تشترى

[eaglenest]

المشكلة اني مكنش فيه وقت اسال وكمان انا في طنطا يعني على ما اروح مكان فيه شغل وانواع وكده اقرب مكان المحلة وسفر وبتاع ده غير ان ذكرياتي معاها مش حلوة
طيب هوه فيه حل وله ايه انا كده قلقت

[AbOnOrA]

متقلقش نفسك ولا حاجة وممكن اوى يكون النوع اللى انت جبته كويس
ولو عايز تطمن ممكن تروح تسأل عند واحد بتاع قزاز

[diaahsn]

http://www.drgreiche.net/ شوف كده الموقع دة واتصل بيهم مصنعهم فى العاشر من رمضان بيركبلك الازاز بحرفية شديدة وخامات ممتازة طبعا بس اتصل واعرف الاول الموديل موجود ولا لاء