كلاكيت تاني مرة عفشة النيو أكسنت

[dr.death]

سلام عليكم ورحمة الله أعزائي أغضاء المنتدي الكرام انا عندي مشكلة مع عفشة عربيتي انها بتدبدب وتطنط وتهربد كتير علي المطبات والنقر والحفر والبزابيز .... هية عاملة 22 ألف كيلو قولت أروح بنزينه اربط عفشه رفعوهالي والراجل جه بيربط كل العفشة تمام ومتقرط عليها بالقوي ... حتي العفشجي قالي لاء العفشة تمام ومية مية قدامي أكيد حاجة تانية تلاقي الكاوتش ضغطه مش مظبوط ... المهم انا لسه مظبطش ضغط الكاوتش بس برضو عارف ان لو ظبطه برضو المشكلة مش هتتحل تفتكرو ايه المشكلة ممكن يكون مساعدين خربو ولا أيه العربية لسه موديل السنة اللي فاتت ملحقتش يعني..... :X :X

[sergeant]

روح يا باشا اضبطها نيتروجين على 32 عند اي مكان بيردجستون وانشاء الله تبقا تمام

[spear7]

يا باشا و الله هي كدة .... عربية فظيعة غاوية تنطيط و هبد و رزع ... انا ظهري خلاص قرب ينكسر ... بافكر اركب مساعدين للكرسي بتاعي احسن ههههههههههه

ناس كتير نصحوني احط نيتروجين عشان بيخلي الكاوتش طري جدا و الصراحة لسة ماجربتش خالص و مستني اخش الصيانة عشان اتشقلب عليهم هناك و اقوهم يشوفوا لي حل )))

ما يهمكش بس انت لأن كل موديل 2011 كدة بسبب ام المساعدين الغاز دول و حاول تخلي سواقتك انت تبقى سلسة مع العربية يعني مجرد ما تحس انها هتهبد و هترزع ريح العربية و هدي و امشي واحدة واحدة ... ما عادتش مشكلة عندي بالشكل اللي كنت حاسس بيه في الاول )

[شريف حجازي]

دكتور الموت ههههههههههههههههههههههههه ههههه دا اسمك ولا وظيفتك

[dr.death]

المشاركة الأصلية كتبت بواسطة spear7 يا باشا و الله هي كدة .... عربية فظيعة غاوية تنطيط و هبد و رزع ... انا ظهري خلاص قرب ينكسر ... بافكر اركب مساعدين للكرسي بتاعي احسن ههههههههههه ناس كتير نصحوني احط نيتروجين عشان بيخلي الكاوتش طري جدا و الصراحة لسة ماجربتش خالص و مستني اخش الصيانة عشان اتشقلب عليهم هناك و اقوهم يشوفوا لي حل ))) ما يهمكش بس انت لأن كل موديل 2011 كدة بسبب ام المساعدين الغاز دول و حاول تخلي سواقتك انت تبقى سلسة مع العربية يعني مجرد ما تحس انها هتهبد و هترزع ريح العربية و هدي و امشي واحدة واحدة ... ما عادتش مشكلة عندي بالشكل اللي كنت حاسس بيه في الاول )

شكرا لمشاركتك الغالية والصراحة العربية بتعذب اللي جواها