أيه المشكله في عربيه راشه برة

[amoom1982]

السلام عليكم
انا كنت باسمع دايما عربيه راشه برة ماعدا سقف وقوايم
مش فاهم اشمعني دول
طيب لو عربيه راشه برة كل حاجه ومش راشه جوة هل ده يفرق في حاجه يعني اخد بالى من ايه وانا باشتريها ؟؟؟

[AbOnOrA]

مشكلة طبعاً لان الرش العادى غير رش الفابريكا وطبعاً اقل منه جودة وكفائه
والاهم ايه اللى خلى صاحبها يرش الاجزاء ديه هل علشان يدارى خبطة فيهم ولا رشهم بالغلط ولا ايه

علشان كده لما بتبقى فيه عربيه راشة اساسيات زى القوائم والسقف بتقل من تمنها وبتبقى محل شك طبعا

[shooter22522]

المشاركة الأصلية كتبت بواسطة AbOnOrA مشكلة طبعاً لان الرش العادى غير رش الفابريكا وطبعاً اقل منه جودة وكفائه والاهم ايه اللى خلى صاحبها يرش الاجزاء ديه هل علشان يدارى خبطة فيهم ولا رشهم بالغلط ولا ايه علشان كده لما بتبقى فيه عربيه راشة اساسيات زى القوائم والسقف بتقل من تمنها وبتبقى محل شك طبعا

: 010104~171:

[TiTo Sky]

رشة برا ماعدا القوايم والسقف

تبقي مخبوطة في باقس الاجزاء اللي اترشت او صاحبها رشها نظافة

دة بقي تبقي محتار معاة

لكن اللي يقولك رشة بالكامل طيب هيرش السقف لية الا ان كانت مقلوبة

حصلت معايا في الماتريكس 2007 ورشتها من برة ومن جوة

بسس اهم حاجة ربنا سترها باعجوبة

خلي بالك وانت بتشتري

تقبل مروري

[ahmed_zamalek7]

موضوع رشه بره ده عادى الا فى مصر يعنى يبقى الواحد ماشى بعربيته معفنه وكلها خدوش ويقلك سيبها فبريكه رش النظافه مش بياثر فى سعر العربيه الا فى مصر بس وده كلام تجار العربيات عشان يقلل من سعر العربيه يعنى فى الدول العربيه اهم حاجه متكنش رشه دواخل هو ممكن يكون السقف تقلق اه لكن باقى العربيه عادى وخصوصا فى مصر كله بيريح على كله والبياخد ملف يحك فيك