زنة فى الدركسيون ارجو الافادة ضرورى

[ricard]

السلام عليكم
1-انا عندى صوت زنة فى الدركسيون
و الصوت دا بيزيد خصوصا لما اكسر الدركسيون على الاخر سواء كان شمال او يمين
و بيبقى صوت مزعج جدا وعالى
مع العلم انى غيرت طرمبة باور من قريب علشان القديمة كانت بتجيب زيت
بس المشكلة دى كانت موجودة من قبل ما اغير الطرمبة
انا سالت الميكانيكى قالى دا هواء فى المسورة بتعيت زيت البور
وبيخود وقت لحد ما يخرج
فا الكلام دا صح ولا اشتغالة
2-تانى حاجة فى رجة جمدة فى العربية على السرعات العالية (+100)
3-رجة برضو لمل ادوس فرامل على السرعات العالية
واسف على الاطالة
سلام عليكم

[mhamdy75]

لو الزنة ماراحتش بعد خروج الهواء يبقى برضو ترمبة الباور والعجل عايز ترصيص و خلى ميكانيكى شاطر يبص على الطنابير

[amr elsisi 1]

1:الطرمبة الي انت غيرتها جديدة ولامستعملة علشان الزنة اساسها طرمبة
2: الرجة عبارة عن عدم اتزان في العجل ويجب الترصيص
3:التأكد من::
1: سلامة الطنابير وسلامة تيل الفرامل
2:الزهاب الي عفشجي وتربيط العفشة

[احمد على 1999]

الهوا مش حياخد وقت و يروح لوحده يفضل لو فيه شك بوجود هوا عمل الاتى:

من دليل المالك للسيارة لانوس زيت الباور DEXRON R II-D او DEXRON R III

بالنسبة لمستوى الزيت انا راجعت كتاب صيانة اللانوس ان و العربية باردة تماما الزيت المفروض يكون على ال MIN مش ال MAX و لما يسخن مع التشغيل بيرفع
بالنسبة لطريقة اخذ الهواء من الدورة برضه للسيارة اللانوس BLEEDING
1- و العربية مبطلة و باردة جدا احود الدريكسيون شمال على الاخر و تظبط المستوى على ال MIN يعنى احتمال فى حالة عربيتك حتنقص الزيت لغاية ال MIN
2- دور العربية و بمساعدة حد تانى زود بنزين شوية حافظ على المستوى من خلال تزويد زيت لو احتجت انه يفضل على ال MIN
3- يتم التخلص من الهواء الموجود بالدورة من خلال حود الدريكسيون الى اقصى اليمين و الى اقصى اليسار متجنبا وصول الدركسيون الى المصد (ودى نصيحة عامة فى السواقة العادية لاى عربية باور انك متجبش الدركسيون لحد ما يقف فى المصد حاول تتعود توقف قبل اخر مشواره بحتة صغيرة ) حتفضل تجيبه يمين و شمال لغاية لما كل الهواء يخرج من الدورة و تحس ان حركة الدريكسيون بقت طبيعية
4- حترجع الدركسيون للنص و تسيب الماتور داير لدقيقتين او ثلاثة زيادة
5- حتقفل العلبة و تمشى بالعربية و تجرب و تمشى بيها مدة كافيه لوصول الزيت لدرجة حرارة تشغيله الطبيعية (مش مكتوب اد ايه بس قول سواقة عشر دقائق)
6- اقف و تاكد ان الزيت على ال MAX لو كان اقل زوده لل MAX


المشكلة التانية
هزة بعد ال 100 :العجل محتاج مراجعة ترصيص و ممكن يحتاج استعدال جنوط و ممكن يحتاج تغيير كاوتش
اما مع الفرامل : الطنابير ممكن تكون فيها لوحه بسيطه و محتاجة قشط على المخرطة او ممكن تضطر لتغيرهم لو اللوحة جامدة و ده بيحصل غالبا نتيجة لغسيل اسفل العربية بعد مشوار طويل فبتكون الطنابير سخنه و لما تيجى عليها ميه بتعمل warping
فمع دوس الفرامل اللقم بتكبس على سطح الديسك بس اكمنه معوج فبيحصل تذبذب فى قوة الضغط بين سطح اللقم و السطح الديسك فتحس بيه فى الدواسة

[handtools123]

المشاركة الأصلية كتبت بواسطة احمد على 1999 الهوا مش حياخد وقت و يروح لوحده يفضل لو فيه شك بوجود هوا عمل الاتى: من دليل المالك للسيارة لانوس زيت الباور DEXRON R II-D او DEXRON R III بالنسبة لمستوى الزيت انا راجعت كتاب صيانة اللانوس ان و العربية باردة تماما الزيت المفروض يكون على ال MIN مش ال MAX و لما يسخن مع التشغيل بيرفع بالنسبة لطريقة اخذ الهواء من الدورة برضه للسيارة اللانوس BLEEDING 1- و العربية مبطلة و باردة جدا احود الدريكسيون شمال على الاخر و تظبط المستوى على ال MIN يعنى احتمال فى حالة عربيتك حتنقص الزيت لغاية ال MIN 2- دور العربية و بمساعدة حد تانى زود بنزين شوية حافظ على المستوى من خلال تزويد زيت لو احتجت انه يفضل على ال MIN 3- يتم التخلص من الهواء الموجود بالدورة من خلال حود الدريكسيون الى اقصى اليمين و الى اقصى اليسار متجنبا وصول الدركسيون الى المصد (ودى نصيحة عامة فى السواقة العادية لاى عربية باور انك متجبش الدركسيون لحد ما يقف فى المصد حاول تتعود توقف قبل اخر مشواره بحتة صغيرة ) حتفضل تجيبه يمين و شمال لغاية لما كل الهواء يخرج من الدورة و تحس ان حركة الدريكسيون بقت طبيعية 4- حترجع الدركسيون للنص و تسيب الماتور داير لدقيقتين او ثلاثة زيادة 5- حتقفل العلبة و تمشى بالعربية و تجرب و تمشى بيها مدة كافيه لوصول الزيت لدرجة حرارة تشغيله الطبيعية (مش مكتوب اد ايه بس قول سواقة عشر دقائق) 6- اقف و تاكد ان الزيت على ال MAX لو كان اقل زوده لل MAX المشكلة التانية هزة بعد ال 100 :العجل محتاج مراجعة ترصيص و ممكن يحتاج استعدال جنوط و ممكن يحتاج تغيير كاوتش اما مع الفرامل : الطنابير ممكن تكون فيها لوحه بسيطه و محتاجة قشط على المخرطة او ممكن تضطر لتغيرهم لو اللوحة جامدة و ده بيحصل غالبا نتيجة لغسيل اسفل العربية بعد مشوار طويل فبتكون الطنابير سخنه و لما تيجى عليها ميه بتعمل warping فمع دوس الفرامل اللقم بتكبس على سطح الديسك بس اكمنه معوج فبيحصل تذبذب فى قوة الضغط بين سطح اللقم و السطح الديسك فتحس بيه فى الدواسة

الصراحة كلام جميل ومن الأخر مفيش كلام بعده