مشكله كبيره قوووووي

[ahmed el gendy]

امبارح يا جماعه وانا راجع علي طريق بنها الزقازيق باليل كان فيه عربيه جامبو علي الشمال فعدي منها عربيه افيو كانت قدامي وجيت بقي اعدي من الجامبو وانا باقلب له نور زي ما باعمل كل مره راح الباشا بتاع الجامبو كاسر عليا انا كنت ماشي بصراحه علي 120 لما لقيته كسر ناحيتي رحت واخد فرااامل جامده قوووووي تقدروا تقولوا فرامل الموت اللي بتعمل صوت جامد ف الاسفلت بس لاحظت العربيه وقتها راحت حادفه يمين وكنت هاخبط ف السور اللي علي يميني هل ده طبيعي ولالا؟؟؟؟؟؟؟
مع العلم العربيه لسه عامل لها زوايا وترصيص من اسبوع وكمان لما باخد فرامل شديده حبتين قبل اي مطب مش بتحدف المشكلتين اللي ف العربيه عندي الفردتين الخلفيين قربوا يتاكلوا وهيحتاجوا تغيير قريب بس الميكانيكي قالي يمشوا حاليا دلوقتي والسره بتاعت الكاوتش اليمين فيها سنه خشانه ومحتاجه تغيير بس انا حطيت عليها زيت وصوت الاحتكاك بعد ما كان شديد لما اهدي العربيه بقي يكاد يكون غير مسموع وعلي فكره انا مغير التيل الامامي لسه من اسبوع لكن التيل الخلفي من 4 شهوور بس كان فيه احتكاك ف الفرده اليمين مع السره هل ممكن يكون سبب حدفه العربيه يمين من اي حاجه من دوووول ولافيه حاجه تانيه هي السبب العربيه كورولا 93
وشكراااا

[mar mar]

اولا انت ازاي جالك قلب وتمشي بيها وهي الكتش تاعها متاكل يا استاذي يا روخ ما بعدك روح
المهم حمدلله علي سلامتك والحمد لله جت سليمه وبعد كده خد بالك وياريت تغير الكاوتش لانه كان ممكن لاقدر الله يفرقع منك ولا حاجه ساعتها هتبقي مشكله
حمدلله علي سلامتك وقدر لله مشاء فعل
وان شاء الله الاعضاء هيفيدك احسن مني

[fire storm]

اولا الحمد لله انك مجرالكش حاجه
ثانيا خلى بالك من بتوع الجامبو و النقل التقيل .....عشان بغيدرو بناس كتير انا اعرف واحد اتقلب بسبب مقطوره عشان السواق كان بيهرج معاه يلا ما علينا حضرتك قولت المشكله و حلها
انت عندك فردتين بايظين و سره خشنه اكيد مبتمسكش كويس لما بتفرمل غير الكوتشين والسره وان شاء الله خير

[Mr.Mamo]

يعني انت كاتب حل المشكله و المشكله
وعلي فكره مينفعش امشي علي 120 و عندي المشاكل دي حضرتك بجد بتهرج وفي حاجه مينفعش فيها التهريج
الف سلامه عليك

[hhhesham]

شكرا على كتابه الرد مع السؤال