|
#1
13-01-2012, 07:50 AM
|
||||
|
||||
منقول : سلفي بيقول : نفسي حد يسألني
سلفي بيقول ..... نفسي حد يسألني....
كل لما حد يسألني يقولي هتعمل إيه في الخمرة ؟ والبكيني ؟ والبنطلون ؟ والشعر العريان ؟ والنقاب ؟ والسنيما ؟ والشواطئ ؟ ونجيب محفوظ ؟ ...... زهقت بقى نفسي حد يسألني ........ نفسي حد يسألنى هتعمل إيه في معدل البطالة في مصر إللي زاد إلى 11.5 % يعني 3 ملايين و 129ألف عاطل نفسي حد يسألنى هتعمل إيه في معدل الفقر في مصر 41 % يعني قريبا 33 مليون ( تقرير الأمم المتحدة للتنمية البشرية عام 2009 ) منهم 4 مليون تحت خط الفقر نفسي حد يسألني هترجع الأمن إزاي للمواطن المصري وللشارع المصري . نفسي حد يسألني في تطوير الطب في مصر إللي بيموت كتير مننا كل سنة بسبب التدهور الطبي نفسي حد يسألني ازاى هتطور الهندسة إللي حسب احصائيات أهل الخبر إن مصر متأخرة 400 سنه هندسية نفسي حد يسالني عن العشوائيات هتحل مشكلتها ازاي والناس إللي سكنه في الشوارع هتسكنها فين نفسي حد يسألني هتعمل إيه في التعليم المصري إللي بيطلع اجيال متأخرة علميا عن غيرها كتير ده غير موضوع التربية نفسي حد يسألني هتعمل ايه في مشكلة المخدرات إلى بتههد قطاع كبير من ابناء مصر وبتسسب وفيات كتير من الشعب المصري وبينفقوا عليها يوميا 100 مليون جنيه ( راجع احصائيات الباحث الإقتصادي علاء حسب الله ) . نفسي حد يسألني هتعمل ايه في البنية الأساسية في مصر يعني الصرف الصحي والمياه الشرب والطرق نفسي حد يسألني هتعمل إيه في ثقافة الشعب المصري إلى وصل معدل الثقافة في ابناء مصر قراءة ربع صفحة في السنة وفي امريكا 11 كتاب وفي بريطانيا 7 كتب نفسي حد يسألني ويقول لي مصر كانت دولة رائده في العالم ودلوقتي بقت في نهاية الدول ناوي ترجعها إزاي احسن مما كانت يااااه ده كل ده مشاكل ؟!! .........واكتر من كده كمان علشان كده لازم تقرا برنامج حزب النور من أوله لحد آخره علشان تعرف ان حزب النور فيه كفاءات كتير وعنده رؤيه شاملة لمستقبل مصر وشايف ان مشاكل مصر مش بس في البيكيني والخمرة والسجائر والشعر العريان عندنا مشاكل تانيه كتير وعلشان نريح كل الناس منهجنا في التغيير منهج النبي بالتدريج يعنى خطوة خطوة بالحكمة والموعظة الحسنة بعيد عن العنف والتطرف .
__________________
![[IMG]file:///C:/DOCUME%7E1/ragy/LOCALS%7E1/Temp/moz-screenshot-4.png[/IMG]](image.php?u=5722&type=sigpic&dateline=1317473683)
|
|
#2
13-01-2012, 09:11 AM
|
||||
|
||||
رد: منقول : سلفي بيقول : نفسي حد يسألني
مع انى مش سلفى بس دايما كنت اقول للبيهاجموا السلفيين فى مظهرهم ان انتم اللى متطرفين مش السلفين
لان اللى بيهاجم هو فى الحقيقة بيدافع عن حاجة بيحبها ( معصية مثلا ) و لا اراديا حاسس ان الشكل ده حيضيع عليه حاجات بتهيأله انه مش حيقدر يستغنى عنها و فعلا من طرحك للموضوع يبان جدا سطحية الاسئلة و دلالتها عن المخاوف الدفينة و ليس النظر اللى المواضيع الهامة المصيرية كما يتمنى المسئول ان يسأل فيها
__________________
سبحانك لا علم لنا الا ما علمتنا
|
|
#3
13-01-2012, 11:26 AM
|
||||
|
||||
|
رد: منقول : سلفي بيقول : نفسي حد يسألني
الالتزام بالكتاب والسنه المحمديه في جميع مجالات الحياه هو الطريق لنهضه شامله
__________________
|
|
#4
13-01-2012, 11:51 PM
|
||||
|
||||
رد: منقول : سلفي بيقول : نفسي حد يسألني
كلام مضبوط
__________________
|
|
#5
14-01-2012, 01:58 AM
|
||||
|
||||
|
رد: منقول : سلفي بيقول : نفسي حد يسألني
لا يخاف الحق الا الباطل الكلام ده موجه للى خايفين من الاخوان والسلفيين
__________________
لا اله الا الله ..... محمد رسول الله
سبحان الله وبحمده عدد خلقه ورضا نفسه وزنة عرشه ومداد كلماته وصلى اللهم على سيدنا محمد وعلى آله وصحبه وسلم
|
 |
|
|
