إن غشمهن عظيم

[AbOnOrA]

انا من ضيع فى السواقة عمرة تخبطتنى واحدة ست

اول امبارح ماشى فى مدينة نصر طالع من ورا النادى الاهلى فى اتجاه الحى العاشر والشارع اللى على شمال النادى الاهلى ده مكسر وعمالين يعملو فيه حاجات غريبة وانا عمال اتفادى المطبات والفحر فى الارض وفجاءه الاقى بيكانتو حمرا واقفة فى نص الطريق مش عارف عطالنة ولا واقفة بتسال ولا ايه

وزى اى حد فى الدنيا اديت كلاكس وعديت من شمالها ومع اخر جزء من العربية قررت هى تاخد شمال

خبطتنى فى الرفرف الورانى يمين بالرفرف القدامانى عندها شمال
ومش بس كده خبطت عربيه تانية كمان كانت ورانا

انا اخدت الخبطة وعديت ببص ورايا شوفت المنظر وكله عمال يفرمل وياخد يمين او شمال ركنت على جمب وقفلت العربيه ونزلت لقيت الناس اللى كانو فى العربية اللى اتخبطتت التانية جايين ورايا واطمنا على بعض وكلة تمام

طيب فين العربيه اللى خبطتنا احنا الاتنين قالو مشيت !!!

انا بصراحة اتغاظت فاخدت اول يوتيرن ورجعت اشوف راحت فين لاقيت العربيه واللى كانت راكباها واحدة ست

وفهمت ان الست كانت عايزة تخش شمال بس معرفش كانت ناسية ولا ايه فخدت بالها من الشمال متاخر وهى ماشية فى نص الطريق ( مش محضنة شمال ) ومن غير اشارات ولا بص فى المراية ولا حتى بص على الجنب الشمال اللى هتخش فيه راحت واخدة شمال رشق فى عربيتى عدل

اطمنت على الست انتى كويسة اه تمام

طيب حضرتك عارفة ايه اللى حصل ؟؟ فؤجت انها مش دارية بحاجة خالص وفاكرة ان احنا الاتنين اللى خبطناها !!!

بصراحة حسيت بنبرة استهبال فى كلامها بس قولت يمكن فعلاً مش عارفة

فشرحتلها اللى حصل ووريتها مكان الخبطتين سواء اللى فى عربيتى او اللى فى العربيه التانية وشرحتلها حصلت ازاى وفهمتها ان حرام الاستهتار بممتلكات الناس بالشكل ده وانها تاخد بالها بعد كده وهى عمالة تقول حصل خير والحمد لله انها جت على قد كده

ولا اعتذرت ولا عرضت اصلاح العربيه ولا اي حاجة

طبعاً معجبنيش اسلوبها بس قررت احتسب عند الله وسيبتها ومشيت

عموماً انا عمرى ما اخدت عوض من حد مش عن عدم قناعة بس لانى فعلاً بفضل احتسب عند ربنا

لكن لما كنت بلاقى حد يخبط بغشم او استهتار وطبعاً يكون راجل كان بيبقى فيه ميت طريقة الواحد يفش غله فيه

لكن مع واحدة ست مستهترة الواحد يعمل ايه بس

[mar mar]

الحمد لله انها جت سليمه
والف سلامه علي العربيه
ومعلش بقي يا باشمهندس ابقي خد بالك من الستات ومتمشيش ناحيتهم

[akerima]

الف حمد لله علي السلامة المهم انت بخير

[AbOnOrA]

المشاركة الأصلية كتبت بواسطة mar mar الحمد لله انها جت سليمه والف سلامه علي العربيه ومعلش بقي يا باشمهندس ابقي خد بالك من الستات ومتمشيش ناحيتهم

مهى المصيبة يا مرمر يا اختى انى بعمل كده فعلاً واول ما بحس ان العربيه راكباها واحدة ست بطلع اجرى بعيد عنها خاااااااااااالص

بس ديه فاجئت الشارع كله ولبست الشارع كله فى بعضه الله يسامحها ويهديها

[ahmedismael]

السلام عليكم
الحمد لله ربنا يعوض عليك يا ريس و يا رب يكون الموضوع بصيت
المهم فى الموضوع هيا العربية كانت حلوة