محتاج ضروري النصيحة من اهل الخبرة في فيات 132

[محمدالسيدعبدالله]

بسم الله الرحمن الرحيم
دي اول مشاركة ليا في المنتدي الاكثر من رائع والي فعلا استفدت منة جدااااااااااا و ارجو من حضراتكم النصيحة لاخوكم لاني دي اول مرة هركب عربية وقررت اني اشتري فيات 132 لانها عجباني جدا صراحة من حيث القوة و الحجم والشكل الي يعتبر مقبول جدا وكمان عشان دي اول مرة هركب عربية فلازم تكون قوية عشان نخوف اي حد يحاول يرمي عليا او يكسر عليا ولا حاجة ونخلية يفكر 100 مرة قبل ميفكر يرمي عليا عشان كدة بطلب من حضراتكم تفيدوني اكثر عن العربية دي من حيث قطع الغيار و استهلاك الوقود واعمل اية عشان اتفادي يجرالها اي حاجة خصوصا اني طالب في اولي جامعة ومصروفي هوة الي هيقومها لاني مش هقول لوالدي هات مليم عشان ميعمليش فيلم بقي كفاية انة هيجبها فياريت من حضراتكم تفيدوني ...
وشكرا جزيلا لحضراتكم

[طارق ابوذيد]

أخى فالله إقرأ موضوع مميزات وعيوب جميع السيارات الفيات وإن شاء الله ستجد ما تريد أن تعرفه عن السياره 132 .

[فادى]

ال132 سيارة قوية و سريعة و ممتعة فى القيادة, كما أنها مريحة و المساحة داخل المقصورة فسيحة لأنها تنتمى الى فئة السيارة العائلية الكبيرة.
عيوبها فى الاساس هو الثبات المنقوص نسبة الى ال131 و غيرها من عائلة فيات, و طبعا ده مفهوم فى سيارة عائلية.
قطع غيارها موجودة الى حد ما لكن ليس بالوفرة و الكثرة لل131 و ال128 و غيرها من عائلة فيات, لكن دائما هتلاقى بدائل لأن حاجات فيات كلها بتركب على بعض, و بعض القطع يمكن استعارتها من ال125 و ال131 و البولونيز.
استهلاك الوقود مرتفع بالطبع, لأنها سيارة كبيرة نسبيا, و ثقيلة الوزن و دفع خلفى, لكن حط فى حسبانك انك ممكن تحطلها بنزين 90 مش محتاج اكتر من ذلك.

[محمدالسيدعبدالله]

المشاركة الأصلية كتبت بواسطة طارق ابوذيد أخى فالله إقرأ موضوع مميزات وعيوب جميع السيارات الفيات وإن شاء الله ستجد ما تريد أن تعرفه عن السياره 132 .

انا فعلا قرات كل الموضوعات عتها والي كان مقلقني اني قرات موضوع لحضرتك بتقول فية ان قطع غيارها قليلة شوية فكنت خايف اتعب لو احتجتلها حاجة ... وبعد ازنك انا عاوز اعرف اية الفرق بين الفيات 132 الايطالي و الالماني

[محمدالسيدعبدالله]

المشاركة الأصلية كتبت بواسطة فادى ال132 سيارة قوية و سريعة و ممتعة فى القيادة, كما أنها مريحة و المساحة داخل المقصورة فسيحة لأنها تنتمى الى فئة السيارة العائلية الكبيرة. عيوبها فى الاساس هو الثبات المنقوص نسبة الى ال131 و غيرها من عائلة فيات, و طبعا ده مفهوم فى سيارة عائلية. قطع غيارها موجودة الى حد ما لكن ليس بالوفرة و الكثرة لل131 و ال128 و غيرها من عائلة فيات, لكن دائما هتلاقى بدائل لأن حاجات فيات كلها بتركب على بعض, و بعض القطع يمكن استعارتها من ال125 و ال131 و البولونيز. استهلاك الوقود مرتفع بالطبع, لأنها سيارة كبيرة نسبيا, و ثقيلة الوزن و دفع خلفى, لكن حط فى حسبانك انك ممكن تحطلها بنزين 90 مش محتاج اكتر من ذلك.

شكرا جدا لرد حضرتك ولو علي البنزين هحطلها 80 لانة مش هيفرق معاها وكمان عشان الفلوس لاني زي ماقلت دي اول مرة هصرف علي عربية فلسة ما اعرفش هتصرف كام ولو لاقيت في اول شهر الصرف معقول هحطلها 90 ان شاء الله