اخيرا ال 128 بقى نورها يخلى الشارع كانه ظهر ادخل بسرعه واعرف ازاى

[sayed2077]

السلام عليكم ورحمة الله وبركاته

بسم الله الرحمن الرحيم

بعد معاناه مع ال 128 فى حكاية النور بتاع الفوانيس بتاعتها وبعد ما فقدت الامل فيها
قررت انى اشوف حل مهما كان
رحت رايح على عم محمد بتاع الاكسسوار
وكان حديثى معاه كالتالى
مالاقيش عندك يا عم محمد نور شبورة يركب على عربيتى ينور الشارع قالى بص بلاش اولا عربيتك واطيه غير كده ممكن يتكسر من اى عيل بيلعب فى الشارع
قلتله طيب بيبداء من كام قالى بداية من 25 لغاية ما انت طالع
قلتله اه طيب ايه الحل قالى شوف انت المهم افتكرت كلام زمايلى فى المنتدى لما عملت موضوع بخصوص النور لما قالولى غير الكشاف قلتله طيب الفانوس بتاع العربية بكام لقيته بيقولى ب 20 جنية الواحد قلتله انت بتتكلم بجد قالى اه قلتله طيب وريهونىوراهونى بعلبة وشيك واخر حلاوة قلتله طيب ادينى اتنين وادينى لمبيتين صغيرين اللى بينور فى الفانوس مع النور الصغير بتاع العربية قالى ماشىخدت الفانوسين واللمبتين ورحت جرى على عم احمد الكهربائى وقلتله ركبلى الفانوسين دول قالى ماشى المهم راح مركبهم هما واللمبتين وبقى كله تمام وطبعا بقى اول ما قالى جرب ونور النور قلبى كان بيدق وخايف اكون الفلوس اللى دفعتها راحت على الارض وميكنش فيه فرق
المهم رحت مسمى الله
ومنور
وشوفت النور قدامى بقيت مش مصدق عينيا الاتنين
الشارع بقى ظهر الشارع بقى ظهر
بجد مش مصدق نفسى ال 128 يطلع منها كل ده
وتوته توته خلصت الحدوته حلوه ولا ملتوته
ههههههههههههه

التكاليف

فانوسين جداد = 40 جنية

لمبيتين نور صغير للفانوسين = 5 جنية

مصنعية تركيب = 20 جنية

يبقى المجموع = 65 جنية

و

الى اللقاء فى تظبيط اخر مع ال 128
و
السلام عليكم ورحمة الله وبركاته

[I_AM_LEGEND]

بتهرج علي فكرة!!!

[سيف الدين سعيد]

لأ مش بيهرج . وعشان أكمل له القصه ممكن يركب لمبات عاليه بواط عالى . وعليهم كتاوت نور . ويتفرج .....
ولو ربنا رزقه بشنطة فلوس فى الشارع وهو ماشى والقشيه بقت معدن ممكن يركب لمبات زينون . وورينا يا جميل مين يقدر يفتح عينيه فى وش عربيتك ..

[sayed2077]

لا والله ولا بهرج ولا حاجه
طيب اقولك على الكبيرة
اسمع بقى
طبعا النهارده جاى من عند الراجل فرحان جداااا وفى قمة ساعدتى بالانجاز اللى حصل
بس الحلو ميكملش طبعا الشارع كان منور وانا طافى النور لقيت واد ابن لزينة مولع حتة كشاف زينون مالوش حل عمانى بمعنى الكلمة
قمت راعشلة نور علشان يطفى علشان مش شايف الطريق طبعا راح منفضلى
رحت مولع النور فى وشة والله العظيم مستحملش ثانيتين لقيته راح طافى ازينون بتاعه تخيل بقى ال 128 اللى اصلا كان مالهاش نور تجبر الجبابرة بتوع الزينون انهم يطفوا النور بتاعهم انا مش مصدق لغاية دلوقت
ومازلت الى الان اضحك من شدة الموقف
ولاول مره حسيت بالقوة
: shwt:
ويا استاذ سيف يعنى ايه لمبات عالية بواط عالى وتتكلف كام النوع النضيف
او مثلا فى حدود كام للمبتين
وبجد الف شكر لحضرتك على مشاركتك معايا فى مواضيعى
وانت كمان يا استاذ ليجند
ومش هقولك غير جرب
مع العلم اللمبات اللى عندى دلوقت لمبات صينى الجوز ب 25 جنية
تخيل ديه كمان

[sayed2077]

مع العلم يا استاذ سيف انا عندى ولله الحمد كتاوت نوع نضيف للنور عندى عالى وواطى