بقيت ماتريكساوي ارجوا الافادة في بعض الاسئلة

[abdo4422]

معلش سؤالين في السريع عشان انا اشتريت ماتريكس 2008 لووتوماتيك وجديد عليها فستجدوا اسئلة غبية شوية استحملوني
- هي كربراتير ام انجيكشن
- تنك البنزين 40 لتر ام اكثر؟
- متي تضيء لمبة البنزين( كان عندي في الاكسل تنور لما يكون باقي حوالي 14 لتر )
- هل احط بنزين 90 ام يجب وضع 92
- هل الماتريكس سهل سرقتها مثل السيارات القديمة ام توجد عوامل امان مناسبة
- ايه متوسط استهلاكها للبنزين
- عندما ادوس فرامل للاخر احس بصوت ( ضقرة) او خشونة لماذا؟
- المرايات الكهرباء الزرار بتاعها في الباب ناحية تعمل والاخري لا فهل تنظف ام يجب تغييرها
- ويوجد زجاج خلفي ساعات يعمل وساعات يعلق

[حسام البورسعيدى]

اولا الف مبروك يا غالى وربنا يباركلك فيها ويكفيك شرور الطريق ... وتحت امرك دائما فى اى استفسار تحتاجه ...

- هي كربراتير ام انجيكشن

العربية انجيكشن طبعا

- تنك البنزين 40 لتر ام اكثر؟

غالبا 50 لتر

- متي تضيء لمبة البنزين( كان عندي في الاكسل تنور لما يكون باقي حوالي 14 لتر )

مش عارف بالظبط بس اعتقد بتنور لما يكون فاضل حوالى 5 لتر تقريبا ..

- هل احط بنزين 90 ام يجب وضع 92

مفيش فرق يذكر ما بين اداء الـ 90 والـ 92 .. وبما ان مفيش فرق يذكر فى السعر بينهم برضو فأنصحك تحط 92 ...

- هل الماتريكس سهل سرقتها مثل السيارات القديمة ام توجد عوامل امان مناسبة

العربيات الحديثة صعب شويه سرقتها زى القديمة طبعا .. ولكن العربية عوامل الامان فيها عادية ..

ركب جهاز انذار علشان تبقى مطمن

- ايه متوسط استهلاكها للبنزين

فى حدود من 8 الى 14 لتر لكل 100 كم حسب طريقة سواقتك وسرعتك واذا كان جوه البلد (فرمله متكرره) ولا على طريق سريع ..

- عندما ادوس فرامل للاخر احس بصوت ( ضقرة) او خشونة لماذا؟

محتاج توضيح اكتر فى النقطة دى .. الكلام ده وانت واقف ولا والعربية ماشية ؟؟ والصوت بتحسه جاى منين ؟؟

- المرايات الكهرباء الزرار بتاعها في الباب ناحية تعمل والاخري لا فهل تنظف ام يجب تغييرها

هتلاقى فيها زرار تانى غير بتاع الاتجاهات بيغير ما بين R و L وده علشان تظبط المرايا اليمين او الشمال ..

- ويوجد زجاج خلفي ساعات يعمل وساعات يعلق

ممكن تكون مشكلة فى الزرار بتاعه ولا حاجة .. متقلقش بسيطة باذن الله ..

[oousaoo]

معلش سؤالين في السريع عشان انا اشتريت ماتريكس 2008 لووتوماتيك وجديد عليها فستجدوا اسئلة غبية شوية استحملوني
- هي كربراتير ام انجيكشن
انجيكشن
- تنك البنزين 40 لتر ام اكثر؟
55 لتر
- متي تضيء لمبة البنزين( كان عندي في الاكسل تنور لما يكون باقي حوالي 14 لتر )
10-8 لتر
- هل احط بنزين 90 ام يجب وضع 92
ممكن النوعين
- هل الماتريكس سهل سرقتها مثل السيارات القديمة ام توجد عوامل امان مناسبة
سهل جدا
- ايه متوسط استهلاكها للبنزين
مع التكيف 150/180 كم في الصفيحة في السفر/المدينة
- عندما ادوس فرامل للاخر احس بصوت ( ضقرة) او خشونة لماذا؟
اكشف علي الطنابير
- المرايات الكهرباء الزرار بتاعها في الباب ناحية تعمل والاخري لا فهل تنظف ام يجب تغييرها
ممكن يكون تم غسيل العربية من الداخل بالماء بيبوظ زرار المرايا وزراير الزجاج ممكن يتفكو ويتنضفوا اويتم تغيرهم وتخلي بالك من المية

[abdo4422]

انا متشكر جدا لاهتمامكم وردودكم
فعلا منتدي واعضاء محترمين

[abdo4422]

معلش استفسارين اخيرين - استحملوني
الاستفسار الاول
- يوجد بجوار الفتيس مخرج كهرباء
كيف يستخدم
وما هي الوصلة اللي اوصلها له
وهل توجد وصلة اوصلها تديني فيشة كهرباء اشغل اي حاجة زي شاحن اللابتوب .

الاستفسار الثاني
يوجد بالكاسيت الاصلي فتحة مرسوم عليها زي ال USB ولكن لما فتحتها لقيت نوع السوكيت مختلف صغير ومدبب فكيف اوصل به الفلاشات

واين اجد هذه الاكسسوارات المكملة زي الوصلة دي وكابل الكهرباء ان وجدوا