فك الاشتباك.....

[fares tany]

بسم الله الرحمن الرحيم
كلنا يعرف فى مصر اننا كنا نعيش فى عصر اسود استفاد فيه قلة على حساب الشعب بكل موارد الدولة و اصولها التى كانت تباع بابخس الاثمان لتصرف فى اتفه المواضيع و اننا وصلنا فى عصر مبارك تقريباً الى الحضيض ...و ان الشعب المصرى كان يغلى و يتلوى و يئن تحت هذا الحكم .
و من هنا عندما دعا شباب الثوار (الحقيقيون) الى مظاهرة للمطالبة (بعيش- حرية- عدالة اجتماعية) حولها الشعب بتضامنه معهم الى ثورة كبرى اطاحت بكل عاتى و ظالم.و انحاز فيها الجيش للشرعية الشعبية و لآمال المصريين ولما كانت الاستجابة لهذه الثورة جاءت عفوية من جميع اطياف الشعب فقد كانت ثورة بلا قائد .
فأذا اعتبر البعض انه من قام بالثورة هو او جماعته او جمعيته او اصدقائه ففى ظنى انه مخطئ فأذا حاول بهذه الصفة ان يفرض رأيه على جموع المصريين ففى ظنى انه يجرم فى حق هذا الشعب.
و من هنا فانا اثمن جداً دور الثوار و الشارع و لكن لكل وقت آذان..وهذا وقت العمل قبل ان تسقط مصر ..لإذا لم يستجيب هؤلاء لصوت الشارع المصرى فهم يتحدونه و يفرضون وصايتهم عليه و من ثم فقد تحولوا الى دكتاتورية اخرى مصغرة.

نشرت هذا الراى فى معرض ردى على احد المواضيع التى طرحها احد الزملاء و احببت ان انشره متفرداً ليكون مطروحا للنقاش فى هذه النافذة الحرة للموقع

[mar mar]

كلاكيت تاني مره
السنه اللي فاتت زي النهارده كان الواحد لسه متفائل بالسنه الجديده ونلاقي حدثه الكنيسه
اللي فرئي القشه التي قسمت ظهر الحمار
احنا كن قبل الثوره 25 بندي لناس كلها اشاره اننا جاين بالوقفات الصامته اللي كنا بنطلعها كل ما تحصل حدثه يموت فيها ناس كتير
للاسف اتكلمنا المره دي وفتحنا صوتناا وناس زي حضرتك طلعت تقول مبارك مع الشباب والفكر البتنجاني الجديد
وقعدت تلون في مبارك وتعظم فيه علشان تحارب الفكره اصلا
وعدت سنه الوضع هو هو مازال في ظلم مازال في فساد
لما بنت تتعري في الشارع مهما كانت ملتها ايه ان شالله يهوديه يبقي في فساد
لما حد يطلع يشكر في المجلس العسكري بعد الجرائم اللي حصلت يبقي في فساد
ومتقولش ثوار حقيقيين وثوار خيخه
انا وعشرين زي كنا اول ناس تنزل في 25 يناير اللي حضرتك بتقول عليهم ثوار حقيقيين يبقي لما نقولك اننا مش راضين علي اللي بيحصل يعني زي ما نزلنا في 25 يناير هنزل تاني لحد ما نوصلها زي ما احنا عاايزنها
بس المره دي هتختلف عن 25 يناير لاننا نزلنا 25 يناير فكرين اننا لوحدنا وان تاني يوم كلنا هنبقي في امن الدوله بس الحمد لله كملنا للاخر
بس المره دي احنا وثقين اننا مش لوحدنا ولو قولنا بكره هننزل هنلاقي ملايين بتقول معاكم
بلاش نصنف ثوار 25 يناير وثواراي يوم تاني
لان لو انت راضي بالتصنيف ده يبقي تجاوب عليا
راحوا فين الثوار دول هما ال 500 واحد اللي استشهدوا
بلاش نغمض عنينا نقول ان اللي بيتكلم ده بعيد ان الثوره لانه هو اللي نزل في 25 وانت كنت قاعد تقول ايه العيال الهبله اللي نزله دي او جايز
كنت غضبان علي ابنك وتلعن فيه علشان نزل وخايف امن الدوله يهجم عليك تاني يوم
او قفلت علي ابنك الباب علشان ماينزلش
فكر
فكر
والله محتاجين العقل

[fares tany]

مرمر هانم..
اشكر حضرتك كتير لاهتمامك بالرد من الاساس...بالنسبة لموضوع التصنيف فده مش انا اللى بداته اللى بدأه ناس من جوة الميدان كنا واقفين جنب بعض و بعد الاستفتاء بقيت انا غبى و مبفهمش علشان قولت نعم و هو ذكى و ألمعلى علشان قال لاء.
بالنسبة ليا انا مكنتتش مستنى افهم سياسة بعد الثورة لانى كان ليا نشاط سياسى قبل الثورة و بسببه كنت دائما فى مضايقات فى الجامعة و اكيد النشاط ده مكنش تأييد نظيف و عز و مبارك.
بالنسبة للبتنجان اللى حضرتك بتتكلمى فيه فانا مبفهمش فيه لانه مش بدخل المطبخ كتير فاعزرينى.
بالنسبة للمظهرات انا نزلت مظاهرات لحد جمعة رفض وثيقة السلمى التى كانت تضع الجيش فى موقع اعلى من السلطات الثلاث الاخرى و مكنتش مستخبى ايام الثورة و لا انا عندى ولاد فى سن مظاهرات (ادعيلى).
اماتصنيف الثوار الحقيقين فساتركك تشاهدين مرة اخرى الاشكال التى كانت تزغرد امام حرق المجمع العلمى لتعرفى ان هناك تناقض بين الذين اطلقنا عليهم الورد اللى فتح فى جناين مصر و هؤلاء الاتين من مزابل مصر.
تحياتى

[mar mar]

مرمر هانم بالنسبة للبتنجان اللى حضرتك بتتكلمى فيه فانا مبفهمش فيه لانه مش بدخل المطبخ كتير فاعزرينى.

ممكن اسجل اعتراضي علي الكلمه دي
لاني مش كلمت حضرتك باسلوب غير محترم او اني قولتلك اي اي اهانات زي اللي انت موجها
وانا اسفه فعلا اني رديت وقولت رائي لان شكل حضرتك مبتحبش النقاش فاسمحلي اني اانسحب في هدوء وشكرا لاحترامك ليا

[fares tany]

المشاركة الأصلية كتبت بواسطة mar mar ممكن اسجل اعتراضي علي الكلمه دي لاني مش كلمت حضرتك باسلوب غير محترم او اني قولتلك اي اي اهانات زي اللي انت موجها وانا اسفه فعلا اني رديت وقولت رائي لان شكل حضرتك مبتحبش النقاش فاسمحلي اني اانسحب في هدوء وشكرا لاحترامك ليا

عفوا انا لم و لن اوجه اهنات لحضرتك ...ولا اجرؤ برجاء الاشارة الى اى كلمة مهينة انا قولتها حتى يتسنى لى الاعتذار عنها..
تقبلى تحياتى و احترامى