عاوذ رأي سديد في ال A 113

[kae]

سلام

أنا نفسي بجد حد يقولي رأيوه اييه في al-a113
خاصة إن معظم العيوب اللي لقيتها من علي المنتدى هاي

1- عفشه ناشفة ومحتاجة طربيت
2- مساعدين
3- العربية بتسخن
4- علبة الدركسيون عيب مش مستديم
5- عصاية الفتيس , وسماع وانة برضك مش عيب مستديم

يا ريت محدش يبخل باي معلومة , علشان العربية دي رخيصة ودي أحسن ميزة فيها, وانا مشواري كل يوم 120 ك علي الدائري

[hero2h]

السلام عليكم
بصراحة انا مقدرش احكم عليها حتي الان لاني ماشي بيها 1100 كم بس
بس بالنسبة للعفشة هي فعلا ناشفة
المساعدين حتي الان مفيهاش مشكلة الحمد لله
العربية ما بتسخنش عن حرارتها الطبيعية الحمد لله
علبةالدركسيون الحمد لله مفيهاش حاجة
الفتيس بيتظبط في الصيانة وهو عيب مش دايم
العربية تستحمل سفر عادي جدا

[maxxatta]

هى عفشة الى زى البرطوشة وموضوع الفتيس هى عضة الصبح او اول الدوارة فقط والمساعدين من نفس عيوب العفشة السخونة مش مشكلة لانها لا تزيد عن الطبيعى ابدا السفر انا بروح بيها اسكندريه صدر رد يبدوك احضر الجلسة وارجع والموضوع عملته حوال 5 مرات ورحت المنصورة ايضا صد رد والحمد لله المشكلة ان التكييف غلبان جدا وعلى قده بالتماما ولكن للامان بعد 15000 كم فعلا عربية ممكن تعتمد عليها

[Hazemomar]

انا و الله مش خبرة اوي ... و شايف ان مشاكلها اقل اوي اوي من مميزتها و سعرها ... اولا العربية بالسعر ده ... تكون بالشكل الخارجي و الداخلي الرياضي المبتكر و الوسع ده - خرجت بيها مع صحابي كنا 6 و اقصر واحد فينا 175 سم .... و كانت بتجري مع كل ده متسأل ازاي ... و التكييف بتاعها معقول - على قد حجمها - و بتسحب جامد و مليانة كماليات ...
تقبل مروري

[احمد الشناوى1981]

العربيه حلوه على قد فلوسها و هى احسن حاجه فى الفئه دى لو حطينا فى الاعتبار سعر الاختيارات التانيه
يا راجل ده الآتوس بقت ب 60000 !!!!!!! انا شوفت السعر فى كونتكت مبقتش مصدق و ال113 صالونها اكبر و موتورها اكبر وكامله و شكلها احلى من الاتوس بكتيير و طبعا مينفعش تقارنها برضو بالشيفورليه سبارك لو ركبت الاتنين هتعرف ان الفرق كبييير بينهم
و بعدين العربيه انتشرت جدا و قطع غيارها منتشره بره التوكيل و اسعارها معقوله
انا شايف انها افضل اختيار فى الفئه دى و ربنا يوفقك للأصلح