تيل فرامل نيو اكسنت 2010

[ahaziz]

السلام عليكم ورحمة الله وبركاته،،
بعد صباح الخيرجميعاً... عندى استفسار عن سعر تيل الفرامل الأمامى للنيو اكسنت (الاصلى - التقليد) وكمان ممكن الاقيه فين (مصر الجديدة - مدينة نصر) علشان فى التوكيل صدمونى بالسعر 336 جنيه من غير مصنعية
جزاكم الله كل خير

[matars]

هما صدموك ماشي
بس الفكرة في ايه بقى ياباشا
تيل التوكيل يا معلم تشتريه من التوكيل وومكن تركبو بي 40 جنيه في بنزينة موبل
بس مش هتفكر تبص عليه او تشيك عليه قبل 30000 ومعاك لحد 50000
لو استعمالك للفرامل حنين طبعا ده لو العربية اتو
لو مانيول بتهيالي التيل بيتغير كل فين وفين

[بدر بسيونى]

وانا مع فكرة انك تجيبوا من التوكيل عشان ماحدش يديلك تيل تقليد وخصوصا الفرامل مافيهاش اى احتمال غلط

والله يا غالي انا كنت زيك كدا بالظبط من اسبوعين محتار حيرتك ديه لعربيتي الفيرنا ولقيت التيل في التوكيل ب 280 جنيه وقعدت احسحس علي تيل يكون نضيف ومن هنا لهنا لقيت تيل اسمه جولد تيل بجد ملهوش حل والله انا بالنسبالي احسن من التيل الاصلي بمراحل حسيت ان الفرامل فرقت معايا عن يوم استلامي للعربية زيرو

جيبته ب 60 جنيه وركبته عندي وزي الفل بسم الله ما شاء الله ولا بيتاكل ولا تصفير ولا اي حاجه

هقولك علي حاجه كمان ممكن تلاقي التيل الاصلي في السوق ب 150 جنيه بتاع غبور بس خلي بالك علشان اكتشفت ان التيل ده بيبقي زي السيراميك فرز اول وتاني وتالت وكلهم في نفس العلبة بتاعت غبور بالعلامه المائية

بس الفرق بقا ان ده بيكون فيه زيادة شوية صنفرة مش قوي وهكذا
انا ريحت دماغي وجيبت الجولد وركبته وعملت ريجلاش للفرامل بالكامل وغسلت الطنابير الخلفية كمان وكل ده ب 35 جنيه مصنعية و 60 جنيه تمن التيل

[ملك القلوب سوفت]

يا التيل الامامى بيعمل بره 65 لحد 90 جنيه وتركيبه عند اى عفشجى بى 10 او 15

التيل الخلفى بيعمل بره 120 جنيه

لما بحل 4 فرد كوتش عند اى عفشجى ينظف ويغير التيل ويشغسلهم كبيره 20 جنيه