#1
|
|||
|
|||
جديد في اللانوس
السلام عليكم
اخواني اشتريت عربية لانوس 99 عاملة 68الف كيلو ودي اول مرة اجيب عربية وخبرتي صفر لكن المنتدي بيشرح كل حاجة بصراحة روعة وكان عند شوية استفسارات العربية الصبح بتجيب مية من الشكمان وكمان من 3 ايام لمبة البطارية بتنور علي السرعة العالية ولما روحت للكهربائي قلي قيس الدنمو علي العالي والواطي ولما قيستو عند بتاع البطاريات قلي الدينمو كويس وبيشحن والبطارية كوسة وفي صوت سيروالصوت ضعيف مش قوي السير جنب فلتر الهواء تحت خالص |
#2
|
||||
|
||||
رد: جديد في اللانوس
ثانيا قصدك عامله 168000 كم دي موديل 99 وكده تعتبر كويسه ثالثا بتجيب ميه من الجكمان يعني بتعرق وده حاجه كويسة أما لمبة البطاريه بتنور على السرعات العاليه يعني 100 كم مثلا فأعتقد انها لمبة ال chek هل اللمبه اللي نورت كانت لونها أحمر ولا اللمبه اللي نورت كانت أصفر وفي الشمال أنا عتقد انها الصفراء وده ما يضرش في حاجه لأن معظم العربيات 99 و 2000 لما بتمشي على سرعة مابين 90 و 100 كم اللمبه دي بتنور لمدة 5 ثواني وتطفي لوحدها ولو عملت اسكانر مش حيطلع اي بيانات اخر حاجه الصوت اللي طالع ده صوت السير لأنه جنب فلتر الهوا وتلاقيه بيصرخ يعني عاوز يتظبط اهم حاجه تعملها انك تغير سير التقسيمة ومعاه سير الدينامو وسير التكييف وفلتر البنزين وزيت الموتور وفلتر الزيت وربنا يجعلها قدم السعد عليك
__________________
يا حبيبي يا محمد يا رسول الله |
#3
|
|||
|
|||
رد: جديد في اللانوس
الف شكر اخوي علي الرد واهتمامك بس هي عاملة 68000 بس وخدة من واحد صحبي كل12 يوم بيطلع مرة وحدة بس
واللمبة بتاعة البطارية وعليها رسمة البطارية لونها احمر وانهردة بقيت تنور علي طول ووريتها لوحد كهربائي قلي الفيشة بتاعة الدينمو هي الي مهزوزة وتم تغير سير الكاتينة والزيت والفلترالزيت |
#4
|
||||
|
||||
رد: جديد في اللانوس
اولا : السيارة موديل 99 وعامل 68 الف كدة فى حاجة غلط ولو مفيش يبق دة فى مصلحتك ثانيا : المفروض او ما تجيب العربية تعملها طقم سرفيس يعنى اية دة يعنى تغير السيور كلها وتغير كمان البوجيهات ولو سلوكها وحشة يبقى تغيرهم كمان واية تانى اية تانى اة تغير زيت الموتور والفلتر وانصحك بشل 5000 وفلتر فاك وكمان تغير مياة الريداتير وتنظف قلب الموتور وكمان تغيير سائل الفرامل وكمان تشك على الطنبورة والتيل الامامى والخلفى (دية فرامل يعنى مهمة )وتشوف منسوب زيت الفتيس كامل ولا لاء لو ناقص يبقى تتذود وتغير كمان فلتر الهواء ومش فاكر الباقى لو فى يعنى 0 ثالثا : بالنسبة الى لمبة البطارية اللى لونها احمر دية المفروض تنور اول ماتفتح الكونتاكت وتنطفى بعد ماتدور العربية والحالة الوحيدة اللى ممكن تنور فيها بيكون هناك احتمالين الاول الفيشة مهزوزة او الدينمو ساعات بيفصل شحن للبطارية وهنا بقى لزم تكون عند الكهربائى وهى منورة ويقيس شحن الدينمو وهى منورة ها منورة وبالمرة كمان يكشفلك على البطارية 0 رابعا : بالنسبة للمياة اللى بتخرج من الشكمان دية ليها سببين الاول ان الموتور فى حالة ممتازة وبيعرق مياة او السبب التانى ان وش السلندر بدا يضرب طيب نعرفها منيين اقولك انا تملاء قربة مياة الريداتير لحد المنتصف تحديدا علامة ماكس وتابع مستوى المياة يومياً لو بتنقص يبقى لية اعتبارين ياما وش السلندر بدا يضرب زى ماقولت لسعتك او فى تسريب عندك وهنا لابد من وقفة لو فى تسريب يبقى لازم تكبس دورة التبريد هواء وتشوف مكان التسريب ولو مفيش يبقى ماشا الله تعالى موتورك زى زى زى الفل وربنا يبارك لك فيها خامساً :- لازم لازم تروح لاى مركز خدمة بتاع دايو ها بتاع دايو عشان يحطلك العربية على الاسكانر ويشوف الدنيا عندك فيها اية ويطمنك عليه اكتر ويكلف 30 جنية تقريبا 0 اى خدمة معلش طولت عليك الكلام بس كلة لمصلحتك ولو فى اى تعديل من الاخوة الزملاء الافاضل يكتبة وكلة للمصلحة العامة - |
|
|