لمالكي نيسان خش قول الي معجبكش فيها

[phantiza]

كل عربية لازم يكون فيها ممميزات وعيوب وبما ان النيسان انا شايف انها مش واخدها حقها في مصر حبيت نتكلم عن عيوبها الي لو اتغيرت ممكن تنافس اي عربية في فئتها
بغض النظر عن الشكل السيء الغير محبوب لكتييييير مننا في كمان حاجات نتمني ان الشركة تاخدها في الاعتبار
بداية قبل ماشتري العربية في حاجة صغيرة خنقاني اوووي شكل مفتاح العربية لايرتقي لعربية ياباني عندك مثلا مفتاح التويوتا علية علامة التويوتا بالنيكل وكبيرة شكلها تحفة
ثانيا الكنبة الخلفية تعتبر ضيقة الي حد ما
تقريبا دة الي في بالي دلوقتي لو في حد شايف حاجة تانية ياريت يقول

[bassamcoltd]

بص انت جيت علي الجرح المفتاح دا كارثه بكل المقاييس المفتاح في حته و الريموت في حته ايه المشكله لما تعمل مفتاح زي التويوتا و لا الكروز اكيد يعني مش هاتفرق مليون جنيه و الله كله كلام فاضي بس بيفرق دا حاجه الحاجه التانيه المنطقه اللي في النص بتاعه فرامل اليد مش مستغله نهائيا ما تتعرض شويه و يتحط فيها مكان للماجات و تتظبط شويه و لا ايه رايك

[shifoo]

انا با حترم جدا السيارة نيسان ولكن الاعتراض علي مفتاح التكييف سي جدا مش ممكن يكون بتاع 2011 بالشكل دة,,,,,,,,,,,,,,,,,

[dr_eslam_66]

الأول أحب أفكركوا إننا بنتكلم على العربية الياباني الوحيدة في السوق الي بالسعر دا بس طبعا من حقنا نحلم كلنا.
أنا بشجع رأي الأخ الي قال المفروض يستغلوا المنطقة الي في الكونصول الوسطي.
حد فيكوا راضي عن الكاسيت الي بينزل معاها دا منظر بردو؟ حاجة شاذة في وسط التابلوه ومش لايق عليه خااالص.
دا غير بقى إنها عايزة إعادة توزيع للمساحات بين الشنطة والكنبة الخلفية.
شكل الشنطة نفسه والفوانيس الي ورا لازم يتعدل ياعني يتعملها إعادة تصميم من الخلف كاملتا من أول الفوانيس والشنطة حتى الكنبة الخلفية ومساحة الأبواب الخلفية.
لازم يكون الـ إيه بي إس تجهيز أساسي مش أوبشن.
وإيه المانع لما التارة تبقى فيها كونترول الكاسيت.
وماله لما الكراسي تبقى جلد.
وفيها إيه لما الجنوط تبقى بيزك أوبشن.
وطبعا لسة فيه حاجات كتير بس نرجع نبص بقى على تمن العربية بعد الي ضيفناه دا وحاول تتخيل السعر هل هيفرق وهل العربية إتغيرت ولا هيا هيا نفس الماتور والشاسيه ونفس الأجزاء الياباني والسعر زاد؟؟؟؟؟

انا اكتر حاجه بتضايقني منها مع اني مش من ملكها هي فتحات التكييف والتابلوه بصفه عامه تحس انها فتحات تكييف لعربية لعبة صغيرة وفتحات التكييف ديه صغيرة جدا علي العربية تعالو نقارنها بالالنترا ولا بالسيراتو ده انا عندي في الفيرنا فتحات التكييف اكبر من النيسان