#1
|
|||
|
|||
كرهت القيادة ليلاً
السلام عليكم
أنا لسه جديد فى السواقه بس بجد فى مشكلة بتضايقنى جداً و عاوز أعرف بتتعاملوا معاها إزاى؟ - أنا لما بسوق بالليل بأحس إنى مش شايف الشارع, يعنى أتفاجئ بمطب و ملحقش أهدّى. و ده طبعاً خلانى مبعرفش أزود عن 30 كم/س حتى لو الطريق مفتوح. - و المشكلة الأكبر : نور العربيات المقابلة اللى بيعمينى تماماً. بأفضل أقلب نور علشان يقفلوا النور بس معظم الناس دلوقتى _ خاصة الشباب_ فرحان بالزينون و مشغلوا على طول و بيطنشونى. أنا لابس نظارة بس الحمد لله معنديش عشى ليلى. مش عارف أعمل أيه؟ |
#2
|
||||
|
||||
رد: كرهت القيادة ليلاً
,وعليكم السلام ورحمه الله وبركاته إن شاء الله كل مشكلة وليها حل انا لما بكون ماشى فى اى طريق لأول مرة لازم أمشى بهدوء علشان لو قابلت اى مطب او حاجة اقدر بإذن الله اتفاداها أو أوقف العربية انما لو طريق انت حافظه امشى عادى موضوع النور بتاع العربية لازم تكشف عليه وتشوف ليه النور ضعيف وأعمل حسلبك على نور كويس علشان لما حد يقابلك نور عالى تديله انت الأعلى منه ثانيا فيه فوانيس شبورة صغيرة الطقم ب 35 جنيه هتركبهم وتظبطهم هيكشفولك الأرض اللى تحت العربية ونتا ماشى ومفيش اى حد من اللى جى فى المقابل هيكلمك لأنهم تحت إلا بقى العالم اللى بتتلكك لو حد دايقك برضو هتديله النور العالى وتقوله مش شايف حاجة دى أحسن طريقة تكشف بيها عن طبيعه الأرض تقبل تحياتى |
#3
|
||||
|
||||
رد: كرهت القيادة ليلاً
الاستاذ هشام كلامه مضبوط 100 %
__________________
الاجابة عن جميع استفساراتكم حول السيارات وانواعها يرجى التواصل على الفيس بوك https://www.facebook.com/profile.php...46&ref=tn_tnmn |
#4
|
||||
|
||||
رد: كرهت القيادة ليلاً
السلام عليكم
اضيف على كلام الأخ الفاضل انك تروحى لكهربائي ينظف الفوانيس ويظبطهم ويركب كتاوت للنور ولو استطعتى ان تجيبي لمبتان فيلبس رالى هيخلى الأضاءه احسن بكثير والله المستعان
__________________
صل اللهم على خير الأولين والآخرين وعلى آله الطيبين الطاهرين واصحابه الغر الميامين ومن تبع هديه إلى يوم الدين سبحان الله وبحمده سبحان الله العظيم ربي اغفر لي وتب علي إنك انت التواب الغفور لا إله إلا أنت سبحانك إني كنت من الظالمين
|
#5
|
||||
|
||||
رد: كرهت القيادة ليلاً
ظبط انوارك كويس عند كهربائى محترم
ولو الطريق جديد عليك ومش حافظه امشى وراء عربيه ميكروباص او اتبع دليل يعنى خلى دايما قدامك عربيه دليل لك وراقب استوباب الفرامل او الانتظار بتاعهم علشان المطبات انت مش حافظ مكانها بس العيب مش منك اخى الفاضل دى منظومه خربه تبدأ من الطرق المدمره وعدم الاناره وقائدى السيارات الظلّمه هواه النور العالى والتقليب عمال على بطال بقصد مضايقه الآخرين كلنا نعانى وعلى فكره (ملعون ابو الزينون على اللى اخترعه ومش عايز اكمل) |
|
|