|
|||||||
| ثورة الحرية 25 يناير ساحة ثورة الحرية 25 يناير تحوى كل الموضوعات المتعلقة باﻷحداث التى مرت و تمر بها مصر الغالية منذ هذا اليوم و حتى اﻵن ... و هى ساحة الحوار السياسى الراقى و المسئول |
 |
|
|
أدوات الموضوع |
|
|||||||
| ثورة الحرية 25 يناير ساحة ثورة الحرية 25 يناير تحوى كل الموضوعات المتعلقة باﻷحداث التى مرت و تمر بها مصر الغالية منذ هذا اليوم و حتى اﻵن ... و هى ساحة الحوار السياسى الراقى و المسئول |
|
|
|
أدوات الموضوع |
|
#1
16-08-2011, 01:45 PM
|
||||
|
||||
هل الشعب محتاج عمرة ؟!!
بسم الله الرحمن الرحيم
هو مصر ممكن تبقي دولة متقدمة بالموظفين الحاليـين ؟! قولنا العيب في الحكومة و غيرناها و جيبنا عصام شرف حبيب الملايـين قولنا العيب في المحافظين و غيرناهم كلهم قولنا العيب في الرئيس و خلعناه و جه المجلس العسكري و الجيش حبايبنا قولنا العيب في ان احنا حاسين ان دي مش بلدنا .. و حصلت ثورة و بقت بلدنا طب بعد ده كله لـــــــــيه الموظفين لسه بنفس رخامتهم !! لـــــيه لسه بيروحوا الشغل قبل معاد الانصراف ب نص ساعة !! لـــــيه لازم تيجي بواسطة أو تدفع رشوة ( رشا كما يدلعها البعض ) !! لــــيه الستات بيفضلوا يسألوا و يرغوا و في الأخر يقولوا استني لما كذا يجي !! نازل من بيتنا انهرده عشان اجيب ورقة بيان حالة من الكلية و بعدها اسافر اقدم في العاشر وصلت الكلية .. ودخلت شؤون الطلبة و عندنا شؤون الطلبة ستات .. فــ رايح و متأكد انه يوم أسود بس قولت يمكن يراعوا ان احنا في رمضان و صايمــين مثلا قولت لواحده منهم لو سمحت عايز بيان حالة قالت .. لـــيه بغض النظر عن ان مش من حقها تسأل قولتلها عشان أحول كلية تانية قالت .. لــــيه بغض النظر تاني مرة قولتلها مش مستريح في الكلية عايز اروح هندسة قالت فــــين بغض النظر تالت مرة قولتلها العاشر راحت منقولة علي كرسي تاني و فضلت ساكتة دقيقة و بعد الاسئلة دي كلها قالت استني مدام ماجدة بقي هي اللي بتعمل الورق ده !! قولتلها هتيجي امته مدام ماجدة قالت كمان نص ساعة كدا .. الكلام ده كنا الساعة 11:30 الظهر !! امال لو جيت الساعة 9 الصبح .. كنت هلاقي شؤون الطلبة مقفولة !! قولت اللهم اني صائم و مشيت عشان جالي الضغط و أنا واقف منها ده بالنسبة للكلية .. لو حكيت بالنسبة للمرور فــ حدث ولا حرج عنه سؤال أخير : الرئيس و الوزير و المحافظ بيتخلعوا عادي .. طب الشعب نعمل فيه ايــــــه ؟!
__________________
اللهم أرنا الحق حقاً و ارزقنا اتباعه
و ارنا الباطل باطلاً و ارزقنا اجتنابه اللهم لا تتوفنا الا و نت راض عنا اللهم ارزقنا قبل الموت توبة وعند الموت شهادة وبعد الموت جنة و نعيما 
|
|
#2
17-08-2011, 06:33 AM
|
|||
|
|||
|
رد: هل الشعب محتاج عمرة ؟!!
بص انا هفضفض معاك وهضربلك مثال مع الفارق
عارف في قصة سيدنا موسي مع بني اسرائيل لما قال لهم "ياقومي ادخلوا الارض المقدسة التي كتب الله لكم" ولما هما رفضوا والقصه اللي كلنا عارفينها لانهم تعودوا علي "نظام " العبودية فلا يمكن ان يكونوا احرار ولما الله سبحانة وتعالي عاقبهم "أربعين سنة يتيهون في الارض" تفتكر ليه اربعين سنة وهي فترة كبيره جدا .... علشان يكون الجيل الذي تعود علي الاستبداد والعبودية يكون ماااات ويكون طلع مكانة شباب تمت تربيتهم علي القيم الجديده ويقدروا يدخلوا الارض المقدسة .... نفس المثال في مصر "مع الفارق" جيل الموظفين اللي تعود علي الروتين والبيروقراطية واللي واخد الوظيفه علي انها مجرد "مرتب بيقبضه" مش انه في خدمة الناس ..... الجيل ده لازم نفقد الامل انه يتغير كل الامل في جيل الشباب الحالي واللي قدر يصنع المعجزات لما يمسك مكان الجيل اللي قبله انه يقدر يغير البلد وشكرا
|
|
#3
17-08-2011, 09:44 AM
|
||||
|
||||
رد: هل الشعب محتاج عمرة ؟!!
واضح ان دي الحقيقة فعلا
و عجبني تشبيه حضرتك للموقفين دمت بود 
__________________
اللهم أرنا الحق حقاً و ارزقنا اتباعه
و ارنا الباطل باطلاً و ارزقنا اجتنابه اللهم لا تتوفنا الا و نت راض عنا اللهم ارزقنا قبل الموت توبة وعند الموت شهادة وبعد الموت جنة و نعيما
|
|
#4
17-08-2011, 03:13 PM
|
|||
|
|||
رد: هل الشعب محتاج عمرة ؟!!
هوا ده الفكر الموزون
|
|
|
|
بص انا هفضفض معاك وهضربلك مثال مع الفارق 
