حد يفهمني موضوع عزم وقوة الماتور؟ مقارنة بين السيليريو والبيكانتو

[phar,acology]

السلام عليكم

دي مقارنة بين الكيا بيكانتو والسوزوكي سيليريو من حيث قوة الماتور

سيليريو :
قوة المحرك ( حصان/لفة-دقيقة ) : 67/6000
العزم الأقصى ( نيوتن.متر/د.د) : 90/3400
السعة : 1000 سي سي
بيكانتو :
قوة المحرك ( حصان/لفة-دقيقة ) : 65/5500
العزم الأقصى ( نيوتن.متر/د.د) : 97/2800
السعة : 1100 سي سي

ممكن اعرف ايه معني الارقام دي ؟ واي من السيارتين اقوي في المحرك والعزم ؟ وهل ممكن عربية يكون السي سي بتاعها اقل ويكون قوة المحرك اكبر ؟؟!

منتظر توضيحاتكم وشكرا جزيلا مقدما

[MmFFoR]

انا حشرحهالك ببساطة
قوة المحرك هي مقياس لاداءه و اقصى سرعة قد يصل اليها بدون هلك للمحرك
و فعلا يمكن نفس سعة المحرك و القوة تتفاوت بمراحل
زي فيات عندها محرك 1400 سي سي قوته 77 حصان و محرك 1400 سي سي برضه قوته 100 حصان و نفس المحرك بيدي 120 حصان و بالتيربو يصل الى 180 حصان
زي ما انت شايف العملية ان نفس المحرك ممكن يعطي اكثر من ضعف القوة لنفس السعة و لكنها فرق التكنولوجيا
نيجي للعزم العزم بيظهر في طلعة العربية ( لو العزم ضعيف الطلعة بتبقى بطيئة شوية ) و يظهر ايضا في قدرة السيارة على التحميل - لو عزم كويس لو العربية محملة لا يؤثر هذا على السحب
يبقى العزم بيؤثر على الطلعة و التسارع على السرعات المنخفضة و على اداء السيارة في حالة التحميل او الجر
القوة تؤثر على الاداء العام و على السرعة القصوى

لهذا بكل بساطة بتلاقي السيارات النقل الخفيف و التقيل محرك عملاق لكن القوة الحصانية واطية خالص في المقابل بتلاقي عزم شديد
عسك السيارات الملاكي محرك صغير و قوة كبيرة مع عزم متوسط لان الاهم هو الاتسارع و السرعة القصوى و ليس التحميل او الجر

[hyundai2005]

المشاركة الأصلية كتبت بواسطة phar,acology السلام عليكم دي مقارنة بين الكيا بيكانتو والسوزوكي سيليريو من حيث قوة الماتور سيليريو : قوة المحرك ( حصان/لفة-دقيقة ) : 67/6000 العزم الأقصى ( نيوتن.متر/د.د) : 90/3400 السعة : 1000 سي سي بيكانتو : قوة المحرك ( حصان/لفة-دقيقة ) : 65/5500 العزم الأقصى ( نيوتن.متر/د.د) : 97/2800 السعة : 1100 سي سي ممكن اعرف ايه معني الارقام دي ؟ واي من السيارتين اقوي في المحرك والعزم ؟ وهل ممكن عربية يكون السي سي بتاعها اقل ويكون قوة المحرك اكبر ؟؟! منتظر توضيحاتكم وشكرا جزيلا مقدما

طبعا من الواضح ان السياره السيليريو اقوي ومعني الارقام بالنسبه للسياره الاولي انها عند 6000 لفه للماتور في الدقيقه بتوصل لاخر عزمها وبتجيب قدرتها القصوي بمعني تاني لما تحرق علي الغيار و rpm يوصل ل6 يبقي العربيه جابت اقصي تسارع وعزم ليها وكل ما العربيه السي سي بتاعها قل قله السعه اللتريه وقل استهلاك الوقود وقلت قوه الماتور بس ممكن يكون ماتور 1500 فعربيه اشد من 1600 فعربيه تاني وكله راجع لنوع وتصميم الماتور وعدد الصبابات

[MmFFoR]

ردا على سؤالك الفروقات بسيطة جدا بين السيارتين بحيث انها تكاد تكون غير ملحوظة سواءا في السعة اللترية او القوة او العزم
لكن سوزوكي تمكنت من تطوير محرك 1000 سي سي 3 سلندر بتكنولوجيا عالية انه يتمكن من اخراج قوة حصانية تعادل المحركات ال 1300 سي سي بدون الحاجة الى شاحن توربيني و لكن التصميم و التكنولوجيا العادية فقط
في المقابل نرى البيكانتو برغم السعة اللترية الاكبر اللا ان القوة الحصانية اقل لضعف التكنولوجيا مقارنة بالسيلاريو و لكن يظل العزم اعلى بعض الشيء لكبر حجم المحرك
السيارتين زي بعض - شوف الاريح لك
البيكانتو اكثر انتشارا لقدمها في السوق و توكيلها افضل يقابله انعدام وسائل الامان و ارتفاع السعر
السيلاريو اقل انتشارا لانها موديل السنة دي فقط ( 2010 ) توكيلها اقل قوة و لكن ارخص في السعر بحوالي 5 الاف جنيه و تحتوي على وسائل امان ايجابية زي فرامل ال ABS و وسائل امان سلبية زي وسادة هوائية للسائق و تحتوي على جنوط رياضية

[phar,acology]

شكرا لكم جزيلا علي هذا الشرح والوافي وبصراحه انا فرحان جدا لهذه المعلومات التي اعرفها لاول مرة في حياتي

معلش هسال سؤال تاني .. يعني الوقتي مثلا لو عندنا عربية سوزوكي سويفت 96 سعة لترية 1300 سي سي و 67 حصان وعايز اقارنها بالسيليريو2010 - 1000 سي سي و 67 حصان برده .. هل فيه فرق من ناحية القوة والعزم وفرق التكنولوجيا ولا لما اسوق السويفت هلاقي نفس قوة محرك السيليريو ؟