مستنية مباركتكم ونصيحتكم

[nawwara]

بفضل الله تعالى .. واخيرا وبعد طول انتظار , رزقنى الله تعالى بعربية كيا برايد هاتش باك .. وى ى ى ى ى ى ى ى ى ى ى ى ى ى ى ى ى ى ى

:joy 23:

مواصفاتها كالآتى :
موديل 97 , موتور 1300 cc استيراد , فبريكة دواخل فقط , من برة رشة نظافة , بس فيها خبطة بسيطة فى الباب الامامى معمولة سمكرة ومتظبطة , ومجهزة للتكييف لكن مافيهاش, العربية من جوة الكابينة محتاجة شوية تظبيطات بسيطة , لكن الاساسيات سليمة , اللون احمر ..بالمناسبة انا سميتها طماطم , سعرها 26500 .
المهم بقى فى شوية حاجات عايزة اعرفها :
1- هل سعر العربية كدا غالى ولا كويس , يعنى انضحك عليا فيها ولا ايه الحوار
2-روحت امبارح اسأل على الانذار والفصل اللى بيخلى العربية تفصل بعد عشر ثوانى من تشغيلها وماتشتغلش الا لما ادوس على اللوك بتاعها المهم بعد كلام كتير مع البائع قالى ب250 الجهاز بتركيبه بحاجة اسمها كتاوت , الراجل بصراحة عفرتنى جدا لانه خدنى فى السعر وحدة وحدة , وعمال يتكلم على الامانة والثقة وبعد كده يروح مزود عليا , لما لاقانى وافقت على سعر الجهاز راح مزود حكاية الكتاوت دى (معرفش اسمها صح ولا لا) المهم حبيت اعرف سعر الانذار بالفصل بالتركيب كام بالظبط , وواحد امين قريب من المطرية .
3- المراية اللى فى الوسط من الداخل ,الحجم الكبير سعرها كام واركبها عند مين ؟ والمرايات الجانبية عايزة اصلحها , بردو عند مين ؟
4-الفرشة الغريبة اللى بانضف بيها العربية , بصراحة البياعين استكردونى فيها قوى , خامة زى ال.... وواحد يقولى 25 والتانى يقولى 35 و 45 , من خنقتى منهم ماشتريتش حاجة ومشيت .
5- الكاسيت اللى عندى قديم وبايظ , اصلحه احسن ولا اجيب جديد , مع العلم ان الجديد اللى سألت عنه سعره يبدأ من 135 الى 600 , بيقولولى انجليزى تجميع مصرى , بصراحة مش مقتنعة باللى بيقولوه ده (الصنع والتجميع) , مصرى اه انما انجليزى تجميع مصرى الله اعلم , المهم ايه افضل نوع تسجيل اجيبه (فى حالة شراء جديد) واركبه عند مين ؟ مع العلم انى محتاجة فيه استخدام الشريط والفلاشة فقط , وطبعا الراديو , انما كارت الميمورى لا احتاجه , والسعر المناسب ليه كام ؟
6- غطا العربية بردو سألت فيه ولقيت ب75 و 130 و 135 , اللى ب75 ماعجبنيش , لان خامته وحشة جدا وحرام فيه الفلوس , اللى ب130 كان قماش على مشمع وده اللى عجبنى بس سميك شوية , اللى ب135 من برة مشمع خالص ومن جوة عليه طبقة المفروض انها قطن وفيه استك من الطرف , وده بردو عجبنى , بس سمعت ان المشمع بيطقطق فى الصيف , فكرت اجيب قماش وافصله لقيت ان التكلفة شبه متساوية الى حد ما , اقترحت عليا والدتى انى اجمع كل القماش القديم اللى عندنا واعمل منه الغطا , وطبعا شكله مش هايكون حلو , الغرض من كده انه مايتسرقش وبالتأكيد التكلفة هاتكون صفر لان القماش كله هايكون من البيت , الصح اللى المفروض اعمله فى الموضوع ده ايه .
لو فى اى نصيحة انا مستعدة لسماعها , معلش طولت عليكم .
كفاية كده عشان اكيد وجعت دماغكوا ....
سلامووووووووووووووووووووو ووووووووو عليكووووووووووووووووووووو وووو

[tham1010]

مبروك عليكى. كلها حاجات بسيطة. انصحك تجيبى غطاء حلو حتى ولو غالى. الغطاء بتاعى كان ب 60 جنية ولكنه كان شاش يعنى التراب بنفد منه وبنزل على العربية كما لو كانت مش متغطية وكل يوم تنظيف وحاجة زفت. البلاستك أحسن حاجة اللى مبطن بقطن كويس فعلا. وعلى فكرة لو حتى طقطق من الشمس هيكون هذا بعد فترة طويلة ولكن فى المطر أنسى ان فى نقطة ماية تنزل على العربية لكن القماش بيشرب ماية بغباء ولو حبيتى تشيلى الغطاء تبقى مش عارفة تحطية فين. يعنى كارثة فى الشتاء. أما حكاية الصيف فأبسط حاجة أركنى العربية فى حته تحت شجرة وبكدة عمر الغطاء يطول......

[M.TONSY]

مبروكة طماطم عليكى يا استاذة نوارة وربنا يديكى خيرها ويكفيكى شرها بالنسبة للانذار معقول لانه انواع واقل حاجة التعبان قوى بيعمل 150 وبالنسبة للمراية الكبيرة والمريات الصغيرة والفرشة الزفرة اخطفى رجلك على التوفيقية عدل وهتلاقى المراية الكبيرة عاملة 10 جنيه اما الصغيرين الصراحة معرفش والفرشة الكبيرة المحترمة 15 ج والغطا هاتى الوتر بروف من جوة قماش فزلين بيعمل حوالى 90-100ج كل الكلام ده هتلاقيه فى التوفيقية والاسعار دى بعد الفصال
والكاسيت عندك من اول 250ج سونى صينى وانتى طالعة اشكال وانواع فى شارع الازهر ... وربنا يوفقك

[nawwara]

المشاركة الأصلية كتبت بواسطة tham1010 مبروك عليكى. كلها حاجات بسيطة. انصحك تجيبى غطاء حلو حتى ولو غالى. الغطاء بتاعى كان ب 60 جنية ولكنه كان شاش يعنى التراب بنفد منه وبنزل على العربية كما لو كانت مش متغطية وكل يوم تنظيف وحاجة زفت. البلاستك أحسن حاجة اللى مبطن بقطن كويس فعلا. وعلى فكرة لو حتى طقطق من الشمس هيكون هذا بعد فترة طويلة ولكن فى المطر أنسى ان فى نقطة ماية تنزل على العربية لكن القماش بيشرب ماية بغباء ولو حبيتى تشيلى الغطاء تبقى مش عارفة تحطية فين. يعنى كارثة فى الشتاء. أما حكاية الصيف فأبسط حاجة أركنى العربية فى حته تحت شجرة وبكدة عمر الغطاء يطول......

المشاركة الأصلية كتبت بواسطة tonsy1979 مبروكة طماطم عليكى يا استاذة نوارة وربنا يديكى خيرها ويكفيكى شرها بالنسبة للانذار معقول لانه انواع واقل حاجة التعبان قوى بيعمل 150 وبالنسبة للمراية الكبيرة والمريات الصغيرة والفرشة الزفرة اخطفى رجلك على التوفيقية عدل وهتلاقى المراية الكبيرة عاملة 10 جنيه اما الصغيرين الصراحة معرفش والفرشة الكبيرة المحترمة 15 ج والغطا هاتى الوتر بروف من جوة قماش فزلين بيعمل حوالى 90-100ج كل الكلام ده هتلاقيه فى التوفيقية والاسعار دى بعد الفصال والكاسيت عندك من اول 250ج سونى صينى وانتى طالعة اشكال وانواع فى شارع الازهر ... وربنا يوفقك

جزاكم الله خيرا يا جماعة , بس فين الردود على بقية كلامى , وبعدين التوفيقية فين بالتحديد؟ انا اسمع عنها انما ماعرفش هى فين

[M.TONSY]

المشاركة الأصلية كتبت بواسطة nawwara جزاكم الله خيرا يا جماعة , بس فين الردود على بقية كلامى , وبعدين التوفيقية فين بالتحديد؟ انا اسمع عنها انما ماعرفش هى فين

حضرتك تروحى شارع رمسيس وبعد محطة الاسعاف ب50 على اليمين هى دى التوفيقية