كلهم ماركه واحده

[د.كمال]

الحكام العرب كلهم ماركه واحده ....ماركه صدام حسين ...
يعنى على استعداد يضحوا ب بلدهم وبشعوبهم وبأولادهم فى سبيل الكرسى .
عملها أولا صدام حسين وفى الاخرشعبه شنقه
وعملها حسنى مبارك وبهدل الشعب وافقره وجوعه وباع البلد وكان عايز يورث الحكم لأبنه والشعب دلوقتى بيحاكمه .
ودلوقتى بيعملها القذافى دمر ليبيا وضرب الشعب بالصواريخ والطائرات وفى غاره امريكيه قتل احد ابناءه و3 احفاد له ومازال متمسك بالكرسى ولم يتعظ مما حدث لزين العبدين وصدام وحسنى مبارك .
وايضا بيعملها على عبد لله صالح فى اليمن
وايضا بيعملها بشارالاسد فى سوريا
وكأنهم كلهم متخرجين من مدرسه واحده وكأنهم كلهم ماركه واحه

[MmFFoR]

احلى حاجة هو بتاع اليمن
كان الشعب حياكله باسنانه
جه مجلس التعاون الخليجي قال يعمل مصالحة و اتفاق نقل سلطة سلمي
راح قالهم و حابصم عليه بالعشرة ابوس رجليكوا هاتوه علشان يسيب الحكم من غير ملاحقة قضائية
المعارضة وافقت على مضض و اقنعت الشعب بيه
ايه اللي حصل؟
وصل المبعوث الخليجي
راح عبدالله صالح لاقى ان الشعب ممكن يدي تنازلات راح قاله يا راجل انا كنت بهزر
انا قضدي اسيب رئاسة الحزب الحاكم مش رئاسة الجمهورية
و رجع المندوب الخليجي و قفاه يقمر عيش
و المجلس كان نحضر احتفالية توقيع كبييييييييييييرة في السعودية احتفالا بالتوقيع راح صالح قالهم تشكروا يا رجاله منجيلكوش في وحش
ابن التيت عنده استعداد يهدد استقرار البلد و امنها و اراقة دم مئات من شعبه مقابل يوم زيادة في الكرسي
و يستمر المسلسل اليمني
و ثبت للجميع الكذب الوقح للحكام العرب
يدين صورة مقاربة للي كان حيحصل لمصر لو ادينا لمبارك المهلة اللي طلبها
و لله الامر من قبل و من بعد

[د.كمال]

لو إدينا مهله لمبارك كان مصيرنا هيكون ذى اليمن
لكن الشعب المصرى أعطاه 100 مهله قبل كده ومفيش فايده لدرجه إن الشعب المصرى صبره نفذ وذهب للقصر الجمهورى ليهدمه عليه

كلهم من رحم واحد وهو رحم الفساد والتمسك بالسلطه وان شاء الله هيتم اجهاضه في لبيا كا تم في مصر وتونس

[طارق ابوذيد]

يا دكتور اول تجربه للاستنساخ كانت على الرؤساء العرب وربنا يسترها مع الشعوب العربيه .