مشكلة في السحب...اخرها 70

[mahmoudfawzyda]

السلام عليكم
اخواني ....انا عتدي اسبيرانزا شيري موديل 2008 وماشاء الله كانت بتوصل 140 وبتكون ثابته
لكن الان لحد 60 بتكون كويسه ولما اديها الرابع مثلا بعد ال60 صوتها بيعلي وتجيب 70 بالعافيه
معني كده انا فيه مشكله في السحب

روحت للميكانيكي بتاعي قالي يبقي اكيد فلتر الهواء عاوز نظافه فقام منضفه وخلاه زي الفل واخد 10 جنيه كمان
ولكن العربيه زي ماهي ما بتسحبش

ايه رأيكم؟؟؟؟؟؟؟؟؟؟؟؟؟

[MmFFoR]

عليك و على التوكيل

[samirayad]

حاول تدينا إللى تقدر عليه من هذه البيانات لكى نستطيع تخيل السبب

برجاء دراسة المطلوب بتمهل

2- قراءة عداد الكيلو مترات بالسياره 3- موقف أستهلاك الزيت بالسياره وموقف مية التبريد 4- موقف حالة البوجيهات ( حريقها عامل أيه ولونها عامل أيه ) وسلوك البوجيهات وقوة شرارة البوجيهات 5- نوع المحرك ( كاربوراتير- هاف أنجكشن - أنجكشن كامل ) 6- موقف أستهلاك البنزين 7- موقف الفلاتر ( هواء وبنزين ) 8- موقف حالة فرامل السياره وهل تأكد من كون حرارة الجنوط لكل فردتين على محور واحد متشابهه 9- شكل العادم الخارج من السياره ( عادى - أسود مبيض _ أسود مائل للزرقه ) 10- موقف تغيير سير الكاتينه وخلافه من السيور 11- موقف أماكن الأصوات ومكانها بالتقريب ونوع الصوت أن تمكن من تشبيهه 12- آخر حاجه أتعملت فى السياره أيه ....وهل المشكله المطروحه ظهرت بعد هذا العمل مباشرة ولا حاجه جديده كل ماكانت البيانات وافيه ..........كل ماكان تصور سبب العيب سهل جدا

[gogofreedome]

نضف بوابة الأنجكشن وإن شاء الله هتتزبط

[MmFFoR]

المشاركة الأصلية كتبت بواسطة samirayad حاول تدينا إللى تقدر عليه من هذه البيانات لكى نستطيع تخيل السبب برجاء دراسة المطلوب بتمهل

بصراحة فعلا لما بيتم عرض المشكلة مع شرح مثل هذه التفاصيل الفنية عن حالة السيارة ده ممكن يدي قدرة اكبر على التكهن بسبب المشكلة