نقلاً عن أهرام الخميس ... أحمد شفيق يهدر ملايين الجنيهات من المال العام

[سمارت وير]

أحمد شفيق يهدر ملايين الجنيهات من المال العام

ثلاثة آلاف أسرة مهددة بالضياع بسبب فساد في مطار القاهرة‏..‏ القصة بدأت في عام ‏2009‏ وبالتحديد في ‏6‏ سبتمبر عندما قرر فجأة الفريق أحمد شفيق



وقت أن كان وزيرا للطيران إزالة مبني وكلاء الشحن المملوك مناصفة لشركة مصر للطيران وهيئة ميناء القاهرة الجوي متجاهلا الشركات التي تمارس عملها بداخله ولا تملك بديلا, ولكن فجأة أيضا ظهر أمام الجميع مبني وحيد ومعد وجاهز لاستقبال هذه الشركات, وعندما عرف السبب بطل العجب لأنه وفي اللحظة نفسها وبالصدفة تبين أن هذا المبني تمتلكه شركة القاهرة للشحن الجوي المملوكة للدكتور إبراهيم كامل وبعد أن كانت شركة مصر للطيران وهيئة ميناء القاهرة الجوي المملوكتان للشعب تربحان مئات الآلاف من الجنيهات شهريا من هذا النشاط انتقلت بقدرة قادر إلي إبراهيم كامل, والغريب أن شفيق لم يكتف بتمييز عراب التوريث بجعله محتكرا خدمة لا بديل عنها بل سمح له بزيادة إيجار المكاتب من3 آلاف جنيه في الشهر للمكتب الواحد إلى 9 آلاف و 12 ألف جنيه حسب المساحة أي ثلاثة أضعاف الإيجار القديم غير مصاريف الكهرباء والمياه وخلافه ؟!

ورضخ أصحاب الشركات لسطوة الوزير شفيق من جهة ولمعرفتهم بأن صاحب الصفقة هو عضو لجنة السياسات وصديق جمال مبارك من جهة أخرى !

وظل الوضع علي ما هو عليه حتي قيام ثورة 25 يناير وتوقف نشاط الشحن تماما بعد توقف حركة الطيران تقريبا وأصبحت الشركات في وضع مالي شديد السوء, وفكر أصحابها في تقليل التكلفة وبدلا من الاستغناء عن خدمات العاملين والموظفين قرروا مخاطبة شركة إبراهيم كامل المحتكرة للوقوف بجانبهم إما بتقسيط مديونياتهم أو تقليل القيمة الإيجارية لفترة مؤقتة حتي يتسني لهم الاستمرار في دفع المرتبات خاصة أنهم يفتحون بيوت أكثر من ثلاثة آلاف أسرة وهو إجراء عادي في ظل الأوضاع التي تمر بها البلاد وتأثر قطاع الشحن والنقل.. حتي إن شركة مصر للطيران أجبرت علي تغيير طراز الطائرات إلي أنواع أصغر لمواجهة نقص الركاب مما ترتب عليه عدم وجود شحن جوي من وإلي مصر مع إلغاء الكثير من خدمات الطيران من دول شرق آسيا وأمريكا وكان أكبر الخاسرين شركات النقل الجوي وعددها 60 شركة إلا أن كامل وجدها فرصة لممارسة ما تعود عليه فقطع الخدمات( كهرباء ومياه وتليفونات.. إلخ) عن الشركات ثم أرسلت شركته خطابا بتاريخ3 مارس إلي أ صحاب الشركات تخطرهم فيه بفسخ عقود الإيجار مع ضرورة إخلاء المبني في موعد أقصاه يونيو المقبل.

وهذا بلاغ إلي النائب العام للتحقيق مع رئيس الوزراء السابق أحمد شفق في واقعة احتكار خدمات الشحن الجوي في مطار القاهرة وضياع ملايين الجنيهات سنويا علي خزانة الدولة.

ــــــــــــــــــــــــــ ـــــــــــــــــــــــــــــ
مصدر الخبر : جريدة الأهرام

[lover4ever8989]

شكرا يا جميل على الموضوع بس الفريق احمد شفيق راجل محترم ولو كان عمل كدا يبقى عمله تحت ضغط من الى فوق والله اعلم

[سمارت وير]

المشاركة الأصلية كتبت بواسطة lover4ever8989 شكرا يا جميل على الموضوع بس الفريق احمد شفيق راجل محترم ولو كان عمل كدا يبقى عمله تحت ضغط من الى فوق والله اعلم

أخي الحبيب أنا مؤمن بالقاعدة القانونية التي تقول - المتهم بريء حتى تثبت إدانته - لذلك الهدف الرئيسي عندي من نقل مثل هذه التقارير الصحفية ليس التقليل من الفريق شفيق أو تشويه سمعته بل هي للحد من حملة تلميعه حتى تثبت لنا برائته مما هو منسوب إليه ، لماذا ؟ لإنه ليس من المعقول أن نقوم بالدعاية أو التمجيد لشخص ما لمنصب مهم جداً ( كمنصب رئاسة مصر ) دون زوال كل ما يقال عنه ...

بس ياريت ميزعلش مني أديبنا المحترم د.تامر و كمان كبير الهيونداوية الإلنتراوية lol 64

[lol64]

المشاركة الأصلية كتبت بواسطة سمارت وير أخي الحبيب أنا مؤمن بالقاعدة القانونية التي تقول - المتهم بريء حتى تثبت إدانته - لذلك الهدف الرئيسي عندي من نقل مثل هذه التقارير الصحفية ليس التقليل من الفريق شفيق أو تشويه سمعته بل هي للحد من حملة تلميعه حتى تثبت لنا برائته مما هو منسوب إليه ، لماذا ؟ لإنه ليس من المعقول أن نقوم بالدعاية أو التمجيد لشخص ما لمنصب مهم جداً ( كمنصب رئاسة مصر ) دون زوال كل ما يقال عنه ... بس ياريت ميزعلش مني أديبنا المحترم د.تامر و كمان كبير الهيونداوية الإلنتراوية lol 64

هههههههههههه
شكرا ياسمارت وير
انا كمان منتظر براءته والله من الاتهامات بس انا واثق فى براءته ان شاء الله
ولو ثبت عليه اى حاجه هاخلعه من دماغى هو مايقربليش ولا حاجه ههههههههههه

[MmFFoR]

يا جماعة الخير - انتوا بتعملوا زي ما حصل ايام الثورة بالضبط - حرام عليكوا - مبارك مين اللي يمشي - دا ابونا - دا اللي مهشكنا و مدلعنا - من غيره مفيش استقرار
و لما مشي مبارك كنتوا انتوا اول ناس نزلتوا في الشوارع و احتفلتوا للصبح
انا فعلا بتعجب من مؤيدين احمد شفيق او حتى عمرو موسى
يا جدعان دا طلع في التليفيزيون الاثنين قال المتظاهرين يتظاهروا براحتهم و حجيبلهم بونبون و سلامتهم على رقبتي
تاني يوم البلطجية نزلوا بالجمال و الحمير من الساعة 11 الظهر حتى الساعة التاسعة صباح الاربعاء يعني 22 ساعة ضرب سيوف و سنج و مطاوي و مولوتوف و قناصة و رشاشات - و ميدان التحرير باقى ساحة حرب و الناس باقت تتصل من كل دول العالم تقول الحقوا ميدان التحرير و البلطجية قطعوا كل الطرق للتحرير بحماية امن الدولة و الشرطة و الجيش جتلوا تعليمات ميتدخلش
و تقلب كل القنوات - بي بي سي - سي ان ان - العربية - الجزيرة - اي قناة اخبارية تعجبك جابت بث مباشر لمدة 22 ساعة مجزرة شغالة
و في الاخر تاني يوم على العصر ابن التيت طلع يقول انا مكونتش عارف اللي حيحصل ولا كنت عارف اللي بيحصل في التحرير!!! ليييييييييييييييييييييييي ييييييه يا روح ماما
خدت برشامتين الساعة عشرة الصبح يوم التلات نمت مدرتش بدنيا اللا الاربعاء الظهر!!!!
طيب نقول حد خبطه على دماغه و اغمى عليه ال 22 ساعة دول - فين كرامتك و وعدك بحماية المتظاهرين؟
معندكش اي نقطة دم يا بعيد انك تتكسف و تستقيل؟؟؟؟ والله لو كان استقال اليوم ده انا كنت اول واحد اعمله الدعاية الانتخابية بتاعته دلوقتي
لكن للاسف الراجل ده ملهوش كلمة -معندهوش كرامة - نايم على ودنه - معاهم معاهم عليهم عليهم - و زي ما افسد في الارض و نفذ تعليمات اولياء نعمته و هو وزير حيعمل نفس الشيء و حيتبع تعليمات امريكا و اسرائيل - و حيبقى مبارك تاني بس على اسوأ! و بعدين قال انه حيحاسب المسؤولين عن المجزرة
عمل ايه؟؟؟
ولا حاجة
قعد 40 يوم لا بيهش ولا بينش - ولا حتى وجه اصبع الاتهام لمجرم واحد
و في الاخر ابن ال.... طلع في التليفزيون يقول لا مساس بامن الدولة - انتوا بتقولوا اييييييه - امن دولة مين اللي نحله - مش تعرفوا انتوا بتقولوا ايه الاول - مالك يا روح طنط - خايف من امن الدولة ليه كده - ماسكين عليك ايه؟؟؟؟
الراجل كان وزير طيران بالعافية - و الوزارة مليانة فساد و محسوبية و افساد سواءا لمصالحه الشخصية او لمصالح الغير بناءا على تعليمت من فوق ميقدرش يكسرها ( الساكت عن الحق شيطان اخرس - و العائن على الظلم فهو ظالم )
باقى رئيس وزرا راحت ريحة العفانة ملت الدنيا و المصايب بقت تتحدف و هوا مش عارف يعمل او يقول حاجة و المنصب باقى مرهرط عليه قوي قوي
تقوموا تقولوا يبقى رئيس جمهورية!!! والله انا عجبت للشعب المصري
انا من رأيي يمسكوا مصر لشارون و لا ان احمد شفيق يمسكها
لان شارون لما كان رئيس وزرا اسرائيل خاف على بلده و ضرب بالسياسة و القوانين الدولية و العالم كله بعرض الحائط للحفاظ على امن و سلامة و مصالح بلده
مش زي شفيق اللي ضرب بالبلد و مصالحها و ثرواتها بعرض الحائط علشان خاطر مبارك (بلاش اقول مصالحه الشخصية علشان الزملاء ميزعلوش ) و هوا حيالله وزير
ربنا يستر على البلد لو مسكها واحد زي شفيق
مع اني واثق انه استحالة يمسكها
مش علشان 30 الف او 50 الف في الفيس بوك حجبهم البلوفر بتاعه يرشحوه يبقى معناه انه حينجح
انتوا بتضيعوا وقتكوا و مجهودكوا و بتشتتوا اصواتكوا على الفاضي
احنا بنتكلم في مستقبل امة بحالها الاعداء فعلا متربصين بها من كل الجهات و حتى من جواها
فياريت نركز شوية
شفيق يا راجل