|
#1
20-12-2011, 04:07 PM
|
||||
|
||||
برغم ظروفنا المنيلة ، ابتسم من فضلك
محشش كل ما يكلم مراتة ...يقولها :حاضر يا حياتي حاضر يا عمري حاضر يا قلبي حاضر يا روحي قاله اخوه : أول مرة اشوفك بتقول لمراتك كده و من امتى بتكلمها بالطريقة ديه رد عليه المحشش اسكت ...بقالى اسبوعين ناسي اسمها ************************* ** أشياء تعلمناها من الافلام الأجنبية عندما نرى قنبله. ما تخاف من اي سلك تقطعه ... دائماً سوف نتختار السلك الصح. *البطل عندما ينضرب ما يتوجع.بس يتوجع لمن البنت تنظفله الجرح *عندما يكون البطل شرطي.لا يستطيع حل القضية الا عندما ينفصل من عمله ************************* ** قـمـة الـشـجـاعـة :لما توصل البيت متأخر ... وتفتح البااب ...تلااقي إمك مستنياك وفـي مكـنسة في ايدها ومتعصبة ..قمــه التنــاحه !!انك تقولها ... ايه يا حجة ... بتكنسي لحد دلوقتي ************************* ** واحد فشار قاعد بيفشر على واحد صاحبه قال : تصدق اني يوم ما رحت لإفريقيا كنت ساكن فى فندق فى وسط الغابة فتحت الشباك لقيت المناظر حلوه قلت لمراتي البسي نطلع نتمشى بالغابه لبست فى دقيقتين ونزلنا و احنا بنتمشى طلعلنا نمر عاووز ياكلنا جريت عليه واديته شلوط وموته ثواني وطلعلنا 5 نمور طلعو صحاب النمر اللي قتلته عاوزين ينتقمو مني اديتهم بوكس بوكس فى شالوت عالماشي حصلوا صاحبهم الراجل التانى وقع من الضحك قاله الفشار : ايه يا عم مالك ؟. قاله: يحرقك ده أنت كداب كدب ... مراتك لبست فى دقيقتين بس؟ ************************* ** واحد سوداني بيقول لصاحبه..تصور يا اوثمان ان "ابد الناصر" مات من كتر الهموم رد عثمان: واما هو مش اد الهموم . . . . . . . بيستهمى ليه ************************* ** عارفين الفيزياء كانت هتبقى اسهل امتى لو كان بدل التفاحة هى اللى تقع على نيوتن كانت الشجرة هى اللى وقعت عليه ************************* ** مرة واحد راح يحلق دقنه عند مجنون وهو ميعرفش انه مجنون راح المجنون قاله : عايز ودنك دى ؟!! افتكره بيهزر .. وقاله : لا .... ... ...راح قطعها ورماها فى الشارع ... راح قاله : عايز التانية ؟!! قاله : ايوه- راح قطعها وادهالو.. ************************* ** الدكتور قاله كلمها على بعد 5 متر لو مسمعتش تبقى فعلا سمعها تقيل راح دخل من باب شقته وهي في المطبخ , قال هجرب دلوقت وقالها حبيبتي عامله أكل ايه النهاردة ؟؟ مردتش قال أقرب متر و قالها حبيبتي عامله أكل أيه النهاردة ؟ مردتش !وقرب متر تاني , مردتش برضة !لحد ما بقي بينه و بينها 30 سم ! قالها حبيبتي عامله أكل ايه ؟مره واحد راح للدكتور قاله انا حاسس ان مراتي مش بتسمع كويس ؟. قالتله دي خامس مره اقولك صينية بطاطس بالفراخ ************************* ** واحدة بتقول لجوزها : من ساعة متجوزتك مبفكرش فى أي راجل،أمريكى في مصر ركب تاكسي, فالإشارة حمرا راح السواق قطعها الامريكى قاله انت مجنون ...اشارة حمرا وتقطعها؟قاله السواق : ماتخافش انا بروفيشنال الاشارة التانيه كانت حمرا وقطعها السواق برده... ...قاله اكيد انت مجنون انت مابتخفش على نفسك واللى معاك ؟!!... ... ... قاله : ماتخافش انا بروفيشنال الاشاره التالته كانت خضراء راح السواق وقف الامريكى اتجنن وقاله ازاى الاشاره خضرا وتقف؟السواق قاله .......يمكن حد بروفيشنال جاى من هنا ولا هنا ************************* ** .قالها: للدرجة دى بتحبيني؟ قالت له: لأ، للدرجة دى انت كرهتني فى الرجالة، قطيعة تقطعك انت وكل الرجالة. ************************* ** يعني إيه التعليم فى مصر ؟ .يعني تكون حصة العربي شغالة والطلبة قاعدين يهيسو عالفيس من موبايلاتهم وتلاقي مدرس العربي عامل كومنت وبيقولك ركز في السبورة يا حيوان ************************* ** معلومات عن الزلزال . لو الزلزال جه بالليل يبقي : تسونامي ..لو الزلزال جه الصبح يبقي : تسوصاحي لو الزلزال مجاش خالص يبقى: تسو ناسى ************************* ** الفــرق بيـن الـولاد والـبـنـاتلو شافو صرصار في الحمام :⋆⋆♥... ⋆⋆♥⋆⋆البنت :1) تتفاجئ و تصررررخ يابابا ياماما2) تطلع بسرعة برا الحمام3) تجيب علبه ريد و تخلصها عليه⋆⋆♥⋆⋆♥⋆⋆الولد :1) يضحك ويقوله انت أيه اللي جابك هنا وقعت ومحدش سمى عليك2) يحط علية صابون3) يقعد دقيقة يعذب فيه بالميه4) يقطع جناحة اليمين وبعدين الشمال5) يفضل يشده من شنبه عذاب كفار من الاخر ************************* ** أوباما إستغرب من إن المصريين إزاى بينقلوا الأخبار بسرعة البرق فسأل أحد جنـوده فقـال لــه :أن المصريين عندهم شفره اسمها (هو فية اية) عن طريقها بيقدروا يتناقلوا الأخبار بسرعة عجيبة و قـرر أوباما إنه يزور مصر ....من غير ماحد يعرف... ... و تنـكـــــــــر وراح وقـف عــند محطـة بـــنزين وســأل أحــد المصريين الموجودين هناك وقال له : هو فية ايه ؟رد بلدينا وقـال :.والله مش عارف بس بيقولوا إن أوباما فى مصر.. ************************* ** واحدة حماتها جت عندها البيت فبتقول لها هاتنورينا لحد امتى يا أم الغالى قالتلها : لحد ماتزهقوا مني .قالتلها : طيب عالأقل اشربى حاجه ************************* ** خواطر محشش....... ... إذا كانت المواشي تمشي ..والطيور تطير ..والزواحف تزحف ....... فلماذا الأسماك تسبح بدلا من أن "تتمسمك" ************************* ** بيقولوا : البحر بيضحك ليه وانا نازله ادلع املى القلل ؟؟...... . اكيد طبعا بيضحك على الهبله اللي نازله تملى مياه مالحه !!!! ************************* ** عجوزه ركبت الباص كان في شله شباب عماليين يضحكوافقال الشاب لصاحبه : سمعت آخر قرار من الحكومه؟؟ قاله : لا خير إن شالله.................... .............قاله: عايزيين يجوزوا كل العواجيز لشباب صغار زيناقاله : لا مستحيل الكلام ده مش هيحصلنطت العجوزه وقالت..... هو بمزاج اهلك؟؟ .. ده قرار حكومه ************************* ** علمونا وحنا صغيرين إن......1-سندريلا كانت بتفضل دايره فى الشارع لحد الساعه 12 بليل.2- وان سنو وايت كانت ساكنه مع 7 شباب3- وروبين هود كان حرامى.4- وبكار كان بيحب رشيده اكتر من أمه.5- وطرزان كان بيمشى عريان . كل دا وبيسألوا الاجيال الجديده بايظه ليه؟؟ ************************* ** محشش بيسأل صاحبه الي يموت في المظاهرات بيطلع علي الجنه ولا علي النار؟ قال له يا سيدي كله بيطلع ع الجزيره ************************* ** أحدث عروض فودافون : كلم أي رقم فودافون الدقيقة بعشر قروش* أول تلاتين دقيقة من المكالمة الدقيقة بستة جنيه ومن الدقيقة واحد وتلاتين يبدأ سعر الدقيقة يقل قرش بقرش لحد ما يوصل للسعر المعلن* يشترط للاستفادة بالعرض أن يكون الشخص المطلوب أنثى اسمها فرغلي* سعر الدقائق المخفضة غير شامل الضريبة والضريبة سبعة جنيه للدقيقة* مدة العرض يوم الجمعة ساعة الصلاة* يتم خصم اشتراك يومي قيمته عشرين جنيه * سعر أي دقيقة لأي موبايل موبينيل أو اتصالات تمنتاشر جنيه ************************* ** واحد رجع لزوجته خايف ومهموم وقال لها : الحمار ضاع مني : قالت له ماتزعلش دخلتك عليه ب100حمار ************************* ** و تلاقي اخوهــا الصُغير و هو معدّي من وراها يرزعها على افاهــا .سواق التاكسى الرخم لما يحب يحرجك مع خطيبتك ...بعد م تركبها هى الأول و بعدين تركب بعدها ... وتقفل الباب يقوللك افتحه واقفله جامد يا كابتن... ... ... فانت تحس ان رجولتك فى خطر أودامها ... ف تفتح الباب و تقفله بكل عزمك ف يقوم مادد ايده و فاتحة و قافله تانى ويقوللك " معلش .. اصله بيعلق .. محتاج حد ناشف شويه ************************* ** بنــات الفيس بوك اليومين دوول..تلاقيهــا عاملة لايكـ او كاتبة ستاتس " أنا امرأة ليست ككل النساء ..انا امرأة نصف وزنها كبرياء" ************************* ** سئل احد الحكماااء عن المرأة فأخذ نفس عميقا واخذ يفكر مليا وقال : :هي قبل الزواااج انثى .....وبعد الزواااج انسى ... ************************* ** واحد صعيدى جاب لخطبتو بغبغان هديه تانى يوم بيقولها ايه رأيك فيه ؟ قلتلو عادى طعمو زى الفراخ ************************* ** الزوجة : أكلت؟ الزوج : أكلت ؟ الزوجة: لا بتكلم جد .. اكلت ؟ الزوج : لا بتكلم جد..اكلت ؟ الزوجة : بلاش غلاسة جاوب ؟ ... الزوج : بلاش غلاسة جاوب ؟ ... الزوجة : بتقلدني يعني ؟ الزوج : بتقلدني يعني ؟ الزوجة : طيب بحبك الزوج : آه أكلت من شوية ... مش جعان دلوقتي ************************* ** نصيحـــة أخوية . . و اسأل مجرب ...:.:... .:.لما تتصل أمك بيك..أوعى تتطنشها..لإن المكالمة اللى بعدها من أبـــــــوك  )************************* ** قـــررت شــــركه فـــودافون مــــصر.. في حاله تولي الاخوان الحكم سوف يتم... تغيير الرسائل الى كلمني جزاك الله خيرا....اشحنلي بالله عليك الهاتف المطلوب مغلق والله اعلم..وفي حاله تولي الاقباط ستكون الرسائل كلمني نشكر الرب اشحنلي الله محبها لهاتف المطلوب مغلق صدقني..وفي حاله تولي البلطجيه الحكم ستكون كلمني وحياة امك اشحنلي يا برنس الليله التلفون مغلق بروح اهلك ************************* ** واحدة وحشة اووووووووووووي بتتخانق مع واحد بتقوله يا أخى والمصحف لو كنت مراتك لأحطلك السم فى القهوة قالها:. يا شيخة عليا الطلاق لو كنت جوزك لأشرب************************* ** فى عيد الحب بنت راحت محل هدايا وسالت صاحب المحل عندك كروت مكتوب عليها الى حبى الوحيد ؟قالها اه... قالتله طب ادينى 22 كارت ************************* ** اينشتاين مسافر في طيارة جنب واحد مصري اينشتاين : هسألك سؤال لو معرفتش تجاوب عليه تديني 5 دولاروانت تسألني سؤال ولو أنا معرفتش أجاوب هديك 500 دولار ... ... .........اينشتاين:ايه سر الجاذبيه الأرضيه؟ المصري طلع من جيبه 5 دولار وادهاله المصري:ايه الشئ بيطلع الجبل ب3 رجول وينزل برجل واحده؟ اينشتاين قعد يفكر معرفش راح ادى المصري ال 500 .دولار راح اينشتاين سأله ايه بقا الشئ ده راح المصري مطلعله 5 دولار ************************* ** مرة واحدة بتكلم ابن عمها عالنت ، و عمالة تغلس عليه بس هو بارد و مش بيرد عليها .. آخر ما زهقت قالتله : . . . . . خد الكبيرة بقى ! أنا ماشية مع حسام صاحبك بقالنا سنتين ، و بنتكلم كل يوم بالتلات ساعات ، و بنخرج كل أسبوع =) فرد عليها و قالها : خدي إنتي بقى الأكبر منها . . . . . . . . . أبوكي قاعد جنبي ************************* ** وزن بنـــات اليومين دول !!!...وزن البنــت الطبيعـــي [ 50 ] كيلو غرام ! وزن البنــت بعد المكيــــاج [ 55 ] كيلو غرآم ! وزن البنــت بعد ارتداء الملابس [ 55.1 ] كيلو غرآم
__________________
م . نبيل عبد الرحمن مصر موتورز الإسكندرية
التعديل الأخير تم بواسطة نبيل عبدالرحمن ; 20-12-2011 الساعة 04:30 PM 
|
|
#2
20-12-2011, 04:17 PM
|
|||
|
|||
رد: برغم ظروفنا المنيلة ، ابتسم من فضلك
  :018A1D~ 146:
|
|
#4
20-12-2011, 05:41 PM
|
||||
|
||||
رد: برغم ظروفنا المنيلة ، ابتسم من فضلك
__________________
|
 |
|
|
