وجهة نظر-لو معايا فلوس BMW او مرسيدس مش هشتريهم لو كانوا اخر عربيات فى الكون 0

[SHERIF MARLBORO]

اكيد اسم الموضوع غير
واحد دلقوتى هيقولى انت تطول تركب بى ام او مرسيدس
هقولك ياسيدى البى ام و المرسيدس على عينى و على راسى و مينفعش اتكلم عليهم طبعا
بس بقول ايه لو انا معايا 250 الف جنيه لايه اركب عربية تعتبر منتشر بين العربيات الفاخرة اكيد مش زى السيراتوا مثلا لكن كل ما تنزل الشارع لازم هتلاقى bmw جديد فى الموديل او مرسيدس

ليه اللى بيبقى معاه فلوس بيشترى عربية فاخرة تقليدية؟؟
مع انى فيه عربيات كتير انا ممكن افكر فيها
مثلا ford mondeo


مثلا volvo s40


skoda superb

و عربيات كتير فاخرة تانيه انا بس قولت امثله
و العربيات اللى فى الفئة دى كلها قطع الغير فيها نار زى بعضها
و بتحت 95 بنزين
و ثبات اعلى مايكون و امان 5 نجوم كلهم
ليه بى ام دبليو و مرسيدى؟؟
حتا المقاولين الاغناء برضوا يورحا يشتروها ليه؟؟
كأنها ثقافة السيارة الفاخرة مفهاش غير دول؟؟

[amrmohamed1975]

استاذ شريف و جه نظرك تحترم بس اللي هقوله ده من وجه نظري انا معرفش ممكن تكون غلط بس دا شئ انا لمسته بالتجربة العلمية العربية الفولفو عربية ميختلفش عليها اثنين و انا شخصيا بحترم العربية دي جدا و شايف انها مش وخدا حقها فى مصر بس لو جيبت فولفو و جيبت BM و حبيت تبيع واحدة منهم هتبيع انهي واحدة اسرع و هتخسر فى انهي واحدة فيهم اكتر التجربة العملية اللي بقولك عليها بتقول ان الفولفو تتبع ببطي شديد و تخسر فيها كتير ليه لان الناس فى مصر مش واخدة عليها انا ليا واحد صحبي جاب S40 اول ما نزلت تقريبا فى منتصف 2007 ب 245 الف جنيه وو حصلت عنده ظروف و حب يبعها فضل يدلل عليها تقريبا شهرين و فى الاخر رجعها للتوكيل و خسر حوالي 50 الف جنيه فى شهر و نصف برضو ليه لان العربية دي نادرة لما تلقيها فى معرض بيبعها خاصة لو كانت زيرو يعني التوكيل فقط لا غير ممكن هو ده السبب اللي بيخلي ثقافة الناس عندنا كده و الله اعلي و اعلم ممكن تكون وجه نظري غلط و تقبل تحياتي و تسلم ايدك

[bmkbmk]

مع كامل احترامى لرأيك يا باشا
سوق فولفو و سوق فورد مونديو ... و بعدين سوق حاجة المانى سواء بى ام او مرسيدس او اودى
هتعرف الفرق ساعتها .. فعلا الالمانى حاجة تانية خاااااااااالص
و لازم تجرب بنفسك علشان تحس بكلامى .. الالمانى بالذات مايتقارنش بحاجة تانية

[SHERIF MARLBORO]

ياجماعة انا مقصدتش اقلل من الالمانى فى اى شىء والله انا فاهم و احترامى للالمانى كله
بص بص فى المنايا نفسها السوق بيستوعب كل العربيات هتلاقى امركيى و ايطالى و كورى و يبانى كمان ليه احنا فى مصر محدودين؟

[bmkbmk]

تمام يا باشا انا فهمت وجهة نظرك

المحدودية دى بتفرضها علينا ظروف كتير زى الجمارك و التوكيلات و فروع مصانع العربيات فى مصر

لو كل العربيات موجودة فى مصر بأسعارها الحقيقية .. كنت هتشوف التنوع بجد و هتشوف احسن عربيات

و انت فاهم العربية فى مصر بالنسبة ل 95 % من ملاك السيارات هى ثروة فى المقام الاول ويجب اختيارها بعناية من جانب السعر و اعادة البيع و قطع الغيار أما من يبحث عن التميز فهو عدد قليل من الناس و يجب ان يتخلى عن بعض الامور السابقة او كلها

يعنى مثلا انا عايش فى الكويت .. هنا التويوتا كامرى مثلا تمنها ما يوازى 130 الف جنيه و المرسيدس العيون تمنها ما يوازى 300 الف جنيه .... اما فى مصر الكامرى و المرسيدس العيون بيلعبوا فى نفس السعر اللى هو حوالى 550 الف جنيه نظرا لأن المرسيدس بتتجمع فى مصر و الجمارك اللى على الكامرى .. فطبعا ما دمت هدفع نفس الفلوس يبقى اجيب مرسيدس لأنها احسن ميت مرة من الكامرى .... فهمت يا باشا ليه بقى ....

كل بلد و بيحكم اسواقها عوامل كتير جدا و للأسف هى دى مصر