جهاز ظبط الزوايا اللي بايظ على طول في التوكيل

[kae]

سلام

أنا عملت صيانة ال 1000 كيلو وبعد انتظار 4 ساعات علشان بس هيغيرو زيت وفلتر اتلطعت 4 ساعات وطبعا جهاز ظبط الزوايا عطلان.

أنا مش فاهم إزاي توكيل هيونداي في ابوروش الرئيسي ويبقى معندهمش جهاز ظبط زواية.

اغرب حاجة شفتها إن العربية ادتهالهم بمدلية المفاتيح عادي أنا شلْت كل حاجة وش الكاسيت , الطفاية وكل حاجة بس مجاش في دماغي ميدالية المفاتيح !!

العربية طلعت من غيرها !!!!!!!!!!!!!

شكرا توكيل هيونداي

[hatem elmasry]

ياباشا ازاي بس هم اصلا مش بياخدو المادليا
كل مره اديهالهم سواء بعربيتي او بعربيه حد تاني بياخد المفاتح بس و بيلف عليه بلستر و يكتب الرقم
بس موضوع الزوايا ده زفت في التوكيل
و انا بشتكي من الفرامل علي طوووووول
هو انا من حقي اقلهم غيرولي نظام الفرامل كله ؟؟؟؟؟
ارجو الرد

[MmFFoR]

ههههههههههههههههههههههههه هههه ميدالية مفاتيح!!! يا ولاد الايه! بيفكروني بالكهربائي بتاعي , اديته العربيه و في التابلوه علبة سجاير! رجعهالي العلبة فيها سيجارتين بس!

[sawy22]

المشاركة الأصلية كتبت بواسطة kae سلام أنا عملت صيانة ال 1000 كيلو وبعد انتظار 4 ساعات علشان بس هيغيرو زيت وفلتر اتلطعت 4 ساعات وطبعا جهاز ظبط الزوايا عطلان. أنا مش فاهم إزاي توكيل هيونداي في ابوروش الرئيسي ويبقى معندهمش جهاز ظبط زواية. اغرب حاجة شفتها إن العربية ادتهالهم بمدلية المفاتيح عادي أنا شلْت كل حاجة وش الكاسيت , الطفاية وكل حاجة بس مجاش في دماغي ميدالية المفاتيح !! العربية طلعت من غيرها !!!!!!!!!!!!! شكرا توكيل هيونداي

كتر خيرهم انهم رجعولك المفتاح )))))))))))

[hazem_khidr]

اضبط الزويا في اي مكان محترم
اضمن و ارخص من التوكيل