إشارة مرور جديدة لأول مرة بالإسكندرية

[نبيل عبدالرحمن]

السائر على كورنيش الإسكندرية يلاحظ تركيب إشارة مرور الكترونية جديدة على مدخل شارع محطة سوتر من البحر بحيث القادم من الشاطبى ويريد الدخول لمنطقة المجمع النظرى ( سوتر ) يدخل شمال مباشرة بدون اليوريترن ، والإشارة تعمل أوتوماتيك وهى تجربة أولى بالإسكندرية سوف يتم تعميمها إذا كتب لها النجاح ، المهم إلتزام الناس ، ولا لازم العسكرى !!!!

[kimocyc]

يارب يكتب لها النجاح..

نفسي الاشارات تبقى زي مطروح

[fares tany]

و الله يا نبيل بك انا شايف اليوترن كان افضل

[بدر بسيونى]

وكمان قدام سان ستيفانو على البحر عملوا اشارة ضوئية وعساكر عشان يعدوا الناس

[sawy22]

والله انا لما شوفتها كانت جامده وعلي فكرة اليوترن دا اكبر غلط لان اللي جاي من ميدان الخرطوم واللي جاي من محطه الرمل علي البحر واللي بيستخدم اليوترن كل دول بيتقابلوا في نفس الحارة دا غير طبعا المشاريع اللي بتقف جنب البزينه علشان تركب وتنزل واللي داخل سوتر ويجي من اخر الشمال الي اخر اليمين واعتقد ان الاشارة دي حل مناسب جدا علشان يحرك الامور في الحته دي شويه بس يارب الناس تلتزم بيها