|
|||||||
| جاك JAC جاك JAC تأسست عام 99 و متخصصة فى صناعة السيارات التجارية و الميكروباص و قد حققت انتشار دولى فى هذا المجال و قدمت سيارات ركوب مؤخرا بتصميمات إيطالية تنبئ بمستقبل مبهر لتلك السيارة |
 |
|
|
أدوات الموضوع |
|
|||||||
| جاك JAC جاك JAC تأسست عام 99 و متخصصة فى صناعة السيارات التجارية و الميكروباص و قد حققت انتشار دولى فى هذا المجال و قدمت سيارات ركوب مؤخرا بتصميمات إيطالية تنبئ بمستقبل مبهر لتلك السيارة |
|
|
|
أدوات الموضوع |
|
#1
19-09-2010, 01:06 PM
|
|||
|
|||
عملت صيانة الألف للـ B15
السلام عليكم
إمبارح عملت صيانة الألف للجاك B15 بصراحة مقابلة الناس هناك كويسة جداً أنا كنت بعمل الصيانة بالإضافة إلى بعض الملاحظات زي صوت تزييئ بسيط في التابلوة و أنا بعدي المطبات العالية أو بركن في مكان محتاج أطلع حته عالية وكمان في حاجة كانت حصلت معايا بس للأمانة مرتين بس هي إني لما كنت بلف الدريكسون يمين أوي و أرجع لورا وأنا بركن مثلاً العربية بطلت ووقفت كأنك دوست فرامل ومكنتش هقول لهم عليها . قلت يمكن حساسية رجلى على الدواسات والراديو كان أحياناً بيعلى و يوطي كأن الموجة بتروح و تيجي المهم السيناريو بتاع اليوم وصلت الساعة 10 وإمبارح كان السبت (نصيحة محدش يروح سبت) المكان كان زحمة جداً بس كلها عربيات جيلي وده يمكن من الحاجات اللي مكانتش عجباني لأني كنت الوحيد اللي بعمل صيانة جاك وقت ما رحت بس مضطر أستنى كل العدد ده من الجيلي. بعد شوية وصل 3 عربيات جاك b15 برضه صيانات ألف و خمسة ألاف طبعاً الحوار دار بيننا خلاصة الكلام إن كل اللي كان موجود مبسوط من أداء عربيته والكل لما بيقارنها بحاجة كان بيقارنها بالسيراتو و الإلنترا أقصد إن المقارنة دايماً مع الأعلى. والشكاوى أو الملاحظات بتاعتهم على سياراتهم كلها كانت فردية يعني مكانش في عيب كلنا بنشتكى منه .. يعني مثلاً واحد عنده باب بيزيئ واحد عنده إزاز بيدخل هوا كله حاجات فردية ووارد حدوثها في أي نوع من العربيات وطبعاً كل الموجود كان معجب جداً بالـ B15 و اتهرينا أسئلة عنها  وطبعاً لازم يكون في سلبيات أكيد مش كل حاجة حلوة أول حاجة طريقة استلام العربية معجبتنيش يعني بياخد منك الشكاوى و الملاحظات و بيقول لك شيل متعلقاتك من العربية و سيب المفتاح في الباب و اتفضل في الإستراحة طبعاً أكيد محدش فينا هيكون مستريح و هو سايب المفتاح في الباب في مكان مفتوح مش داخل الورشة فالكل كان مضطر يقف جنب عربيته محدش راح الإستراحة ثانياً الفترة كانت طويلة جداً لحد ما أخدوها يعني عربيتي كانت أول واحدة في الجاك دخلت الساعة 2.15 يعني من 10 لـ 2.15 واقف جنب العربية بسبب كثرة عدد الجيلي اللي جاي قبل مني. هو اللي هون الوقت شوية الحوارات اللي دارت بيني وبين ملاك الجاك بي كلاس .. كان نفسي كلكم تكونوا موجودين وحتى لما طلعت الإستراحة الولد بتاع البوفيه مكانش موجود و البوفية أصلاً شكله لسة جديد و لسة ماشتغلش كان نفسي موت أشرب أي حاجة أو أكل حاجة للأسف مكانش فيه لدرجة إني رحت شربت ميه في شركة فيروز اللي جنبهم بس لما رجعت كان الولد بتاع البوفية موجود بس شغال بيبسي ومية وعصير بس مفيش مشروبات ساخنة ولا أكل. يعني من الأخر اللي رايح اليومين دول يعمل حسابه و ياخد احتياجاته معاه. المهم العربية خرجت الساعة 3.30 تقريباً موضوع الراديو كان باين إنه إتعمل لأن الصوت كان جميل جداً و أنا راجع و من الواضح إن وصلة الإريال مكانتش راكبة بالنسبة لموضوع التبطيل و أنا برجع للخلف هما قالوا إنه إتعمل بس مقالوش إيه اللي إتعمل فيه بالظبط و جربتها أكتر من مرة و فعلاً العربية مبطلتش بس واحد من ملاك جاك اللي كانوا موجودين قال لي إن نقص زيت الباور بيعمل كده أصل بصراحة دي أول عربية باور أركبها يعني إحتمال يكونوا زودوا زيت الباور شوية بالنسبة لتزيئ التابلوة إتفاجئت بعد ما روحت و بركن العربية إنه لسة موجود هو صوت واطي جداً و مش بيحصل غير و أنا بركن أو بعدي مطب بس منرفزني لأني حاسس إنه لسة بدري أوي علشان أسمع حاجة زي كده. بالنسبة لصيانة الألف اللي تم فيها تغيير الزيت وزيت الفتيس و الفلتر حطيت زيت شل هيلكس 10000 لأن الـ 5000 ماكانش موجود وأنا كنت عاوز أحط 5000 علشان أغيره تاني في الصيانة الجاية أهو نضافة للموتور برضه زيت الـ 10000 كان عليه عرض إن الفلتر مجاني. إجمالي المدفوع 319 جنية 230 زيت 10000 60 زيت فتيس والباقى 10% ضريبة وطبعاً المصنعيات مجانية لو رايح تعمل صيانة الألف خد بالك متنساش تاخد منهم كتيب الضمان لأني نسيت أخده و لسة مكلمهم دلوقت و قالوا لي تيجي تاخده من هنا أو ممكن تاخده مع صيانة الـ 5000 
|
|
#2
20-09-2010, 12:24 AM
|
||||
|
||||
|
رد: عملت صيانة الألف للـ B15
الف مبروك الصيانه وربنا يحرسها من العين .....وياترى كنت صادق معاك لما ألتلك أبل ما تشترى انك هتقارنها بسيارات اعلا منها فى الفئه وان المدفوع فيها مش خساره فيها ولا ايه
|
|
#3
04-10-2010, 12:20 PM
|
||||
|
||||
|
رد: عملت صيانة الألف للـ B15
شكرا على عرض تجربتك لينا ومستنيين صيانة 5000 انشاء الله
|
|
#4
06-10-2010, 02:15 AM
|
|||
|
|||
|
رد: عملت صيانة الألف للـ B15
السلام عليكم ورحمة الله وبركاتة
شكرا أخى الفاضل على الموضوع وانا كمان العربية ساعات بتبطل منى وللاسف مقلتلهمش على الموضوع دة لانى لسة جديد فى السواقة وان شاء الله فى صيانة 5000 وربنا يكرمنا ان شاء الله ويحفظنا جميعا
|
|
#5
06-10-2010, 11:59 PM
|
|||
|
|||
رد: عملت صيانة الألف للـ B15
|
|
|
|
