رجرجه فى العربيه مع الطالعه

[solom_vip3]

العربيه اوبل كورسا 2005 سيدان وللاسف لسه جايبها ومشاكلها بدات تظهر
رجرجه فى الطلعه مش عارف من ايه هل هيا قواعد ماتور ولو كده قواعد الماتور بكام ومنين وعايز واحد كويش اروحله مع العلم انى ساكن فى حلوان
بسمع برده صوت صفاره من العجل وغالبا لما بحود حاجه بسيطه بس الصوت بدا بسيط ومتقطه دلوقتى على وبقى مستمر مع المشى مش عارف بقى ظبط زوايا ولا ايه
وفى تنتيش وانا ماشى ع السلانسيه وللاسف انا لسه جايبها ودافع اللى ورايا واللى قدامى فى تمنها

[mahmoudnada80]

اهلا وسهلا بيك يا استاذ اسلام
اول حاجه العربيه مانيوال ولا اوتوماتك
لو مانيوال يبقي في مشكله في الاسطوانه و الديسك بتوع الدبرياج والحل الوحيد هو التغيير
لو اوتوماتيك يبقي في مشكله في الفتيس نفسه وده لازم يتكشف عليه ويفضل في التوكيل
وصوت الصفاره ممكن يكون بلي العجل او التيل والاحسن الكشف
وربنا يكفيك شرها

[solom_vip3]

هيا مانيوال والف شكر لسرعه ردك وكل سنه وانت طيب
بس كان ليا سؤالين الديسك والاسطوانه هيكلفونى كام لو فى التوكيل ولو بره
وانا حاطط عندى بطاريه 70 امبير مع العلم ان اللى كانت فيها 55 يا ترى غلط ولا ايه

[mostafa2000_aa]

مفيش مشكلة فى البطارية

[eng.ramy]

بص انا عندي اوبترا و كان فعلا فيها زي ما انته بتشتكي رجرجه في الطلعه فوديتها الميكانيكي لقه ان دواسة الدبرياج طالعه لفوق و قالي تغير طقم الدبرياج و بصراحة العربية اتظبطت و بعد التغير لاقيت الدواسة ناعمة جدا و باقل مجهود تيجي للآخر زي لما كنت شاريها جديدة

تاني حاجه انا لسه من 100 يوم غيرت بطارية العربية ال 55 امبير ل 70 امبير و مفيش اي حاجه غلط بالعكس الكهربائي قللي لو هتغيرها يبقى جيب 70 بالمرة لان البطارية كانت عايزه تتغير عندي